Saıasat • 13 Mamyr, 2020

Bıologııalyq qaýipsizdik keńesin qurý – zaman talaby

13 retkórsetildi

Prezıdent Qasym-Jomart Toqaevtyń Tótenshe jaǵdaı rejimin qamtamasyz etý jónindegi memlekettik komıssııanyń qorytyndy otyrysynda Úkimetke bedeldi ǵalymdar men sarapshylardan turatyn Bıologııalyq qaýipsizdik keńesin qurýdy tapsyrdy.

Infografıkany jasaǵan Amangeldi Qııas, «EQ»

Endi osy keńeske COVID-19 pandemııasy jaǵdaıynda, óz salasy boıynsha qaýipti indetpen kúresýge barynsha úles qosyp, ǵylymı-zertteýler jasap, ǵylymı jobalar men jol kartalaryn daıarlap, belsendilik tanytyp júrgen jalpy bıologııanyń ár salalarynyń je­tekshi jas ǵalymdaryn tartý qajet.

Bıologııalyq qaýipsizdik keńesi elimizdegi pandemııanyń órship ketýin boldyrmaý, saqtyq profılaktıkalyq sharalaryn júrgizýge atsalysý, keńeske tartylǵan ár ǵalymnyń óziniń zertteý aıasy boıynsha COVID-19 pandemııasyn aýyzdyqtaýǵa arnalǵan daıyn jobalaryn keshendi, jedel túrde iske asyrýdy qarjylandyrýǵa usyný, elimizdegi sanıtarlyq-epıdemııalyq jaǵdaıdy josparlaý, COVID-19-ǵa qarsy tıimdi otandyq vaksınany synaqtan ótkizý baǵytynda jumys isteýi kerek.

Memleket basshysynyń úndeýinde COVID-19 nemese basqa da osy indetke uqsas epıdemııalardyń taralýy bir rettik qubylys emes ekendigi, osyndaı tótenshe jaǵdaılarǵa tek praktıkalyq túrde ǵana emes, ǵylymı kózqaras jaǵynan da daıyn bolýymyz kerektigin aıtty. Osyǵan oraı pandemııalyq jáne panzootııalyq ınfeksııalyq aýrýlarmen kúresý barysynda, joǵary bilikti mamandardy daıarlaý maqsatynda Qazaq ulttyq agrarlyq ýnıversıtetinde Halyqaralyq vaksınologııa ortalyǵy qurylǵan. Ortalyq Ogaıo shtaty ýnıversıteti (AQSh) jáne álemdegi jetekshi bıotehnologııalyq Vaxine Pty Ltd kompanııasynyń (Aýstralııa) qoldaýymen ashyldy. Qazirgi tańda ortalyqtyń mańyzdy ǵylymı jobasy COVID-19-ǵa qarsy nanovaksınany ázirleý bolyp otyr. Sonymen qatar ýnıversıtettiń jas ǵalymdary pandemııa jáne postkarantın kezinde júrgiziletin sanıtarlyq-gıgıenalyq shara­larǵa, áleýmettik nysandardy, bet­keılerdi dezınfeksııalaýǵa arnalǵan zamanaýı otandyq preparattardy ázirleý jumystaryn júrgizip, zert­hanalyq úlgilerdi daıarlady. Qazirgi tańda dezınfeksııalaýda paıdalanyp otyrǵan preparattardyń kópshiligi sheteldik preparattar, olardyń bakterısıdtik qasıetteri syn kótermeıdi jáne baǵasy otandyq preparattarǵa qaraǵanda birneshe ese qymbat.

О́z oıymdy túıindeı kele, Bıolo­gııalyq qaýipsizdik keńesiniń ju­mysyna pandemııa kezindegi máj­búrli dezınfeksııany jáne postkarantın kezindegi profılaktıkalyq dezınfeksııany uıymdastyrý úshin dezınfektolog mamandar, DNQ ıdentıfıkasııa keshendi is-sharalaryn júrgizý jáne test-júıelerin ári qaraı jetildirý jáne nanovaksınany daıarlaý úshin bıolog-bıotehnolog, bıohımık, mıkrobıolog, genetık, vırýsolog, vaksınolog,  epıdemıolog ǵalymdar men beldi sarapshylardy tartýǵa tıispiz. Bul mamandar Memleket basshysy tapsyrǵan isti abyroımen atqaryp shyǵatyndyǵyna senimim mol. 

 

Qýantar ÁLIHANOV,

Qazaq ulttyq agrarlyq ýnıversıtetiniń qaýymdastyrylǵan professory, Ph.D doktor

 

Sońǵy jańalyqtar

Aqmolada joldar jóndeledi

Aımaqtar • Búgin, 09:12

Esilde 45 otbasy baspanaly bolady

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar