Qazaqstan Prezıdenti Nursultan Nazarbaev Aqordada Joǵary Eýrazııalyq ekonomıkalyq keńestiń otyrysyna qatysý úshin Astanaǵa kelgen Keden odaǵy men Birtutas ekonomıkalyq keńistikke múshe elderdiń úkimet basshylarymen kezdesý ótkizdi, dep habarlady Prezıdenttiń baspasóz qyzmeti.
Qazaqstan Prezıdenti Nursultan Nazarbaev Aqordada Joǵary Eýrazııalyq ekonomıkalyq keńestiń otyrysyna qatysý úshin Astanaǵa kelgen Keden odaǵy men Birtutas ekonomıkalyq keńistikke múshe elderdiń úkimet basshylarymen kezdesý ótkizdi, dep habarlady Prezıdenttiń baspasóz qyzmeti.
Kezdesýge Qazaqstan Premer-Mınıstri Serik Ahmetov, Reseı Federasııasy Úkimetiniń tóraǵasy Dmıtrıı Medvedev, Belarýs Respýblıkasynyń Premer-mınıstri Mıhaıl Mıasnıkovıch, sondaı-aq Ýkraına Premer-mınıstri Nıkolaı Azarov pen Qyrǵyz Respýblıkasynyń Premer-mınıstri Jantoro Satybaldıev qatysty.
Kezdesýge qatysýshylar eýrazııalyq ekonomıkalyq ıntegrasııany odan ári tereńdetý, sondaı-aq 2013 jyly 29 mamyrda Astanada ótken Joǵary Eýrazııalyq ekonomıkalyq keńestiń otyrysy barysynda qol jetkizilgen kelisimderdi iske asyrýdyń keń aýqymdy máselelerin qarastyrdy.
Nursultan Nazarbaev úkimet basshylaryna yqylasyn bildire kelip, olardyń jemisti jumys isteýi úshin barlyq qajetti jaǵdaı jasalǵanyna senimdi ekenin aıtty.
– Men sizderdiń otyrystaryńyzdyń kún tártibimen tanystym. Atap aıtqanda, Keden odaǵy, Birtutas ekonomıkalyq keńistik boıynsha, sonyń ishinde jańa músheler men baqylaýshylardy qabyldaýǵa qatysty odan arǵy jumysymyzdy talqylaý mindeti tur. Munyń bári ońaı másele emes. Men sizder bul jóninde ortaq sheshimge kelesizder dep senemin. Keń aýqymdaǵy kezdesý – eýrazııalyq ıntegrasııaǵa zor kóńil bólinip otyrǵandyǵynyń dáleli, – dedi Memleket basshysy.
Kezdesý barysynda Qazaqstan Premer-Mınıstri S.Ahmetov Joǵary Eýrazııalyq ekonomıkalyq keńes otyrysynyń kún tártibindegi negizgi tarmaqtar týraly baıandady.
– Aldaǵy otyrystyń kún tártibi aıtarlyqtaı aýqymdy. Birinshi kezekte memleket basshylary deńgeıinde Joǵary Eýrazııalyq ekonomıkalyq keńestiń sheshimderin iske asyrýǵa baılanysty máseleler qaralatyn bolady. Biz kedendik-tarıftik retteýge baılanysty Keden odaǵy komıssııasy sheshiminiń, sondaı-aq Eýrazııalyq ekonomıkalyq komıssııa alqasy sheshiminiń oryndalý barysyn da qarastyramyz, – dedi S.Ahmetov.
Sondaı-aq, otyrysta ıntegrasııa máselelerin, ózge de túrli baǵyttar men ekonomıka salasynda ózara is-qımyldy kúsheıtý joldaryn talqylaý josparlanǵan.
-----------------------------------------
Sýretti túsirgender
S.BONDARENKO, B.OTARBAEV.
