Keshe Qazaqstan Premer-Mınıstri Serik Ahmetov Astanaǵa Joǵary Eýrazııalyq ekonomıkalyq keńes otyrysyna kelgen Reseı Úkimetiniń Tóraǵasy Dmıtrıı Medvedevpen, Qyrǵyzstan Premer-mınıstri Jantoro Satybaldıevpen kezdesti, dep habarlady Premer-Mınıstrdiń baspasóz qyzmeti.
Keshe Qazaqstan Premer-Mınıstri Serik Ahmetov Astanaǵa Joǵary Eýrazııalyq ekonomıkalyq keńes otyrysyna kelgen Reseı Úkimetiniń Tóraǵasy Dmıtrıı Medvedevpen, Qyrǵyzstan Premer-mınıstri Jantoro Satybaldıevpen kezdesti, dep habarlady Premer-Mınıstrdiń baspasóz qyzmeti.
Reseılik áriptesimen kezdesýde S.Ahmetov Qazaqstan-Reseı qarym-qatynastarynyń kókeıkesti máseleleri boıynsha eki el arasyndaǵy baılanystardyń belsendiligin, Keden odaǵy sheńberindegi máselelerdiń jedel sheshiletindigin atap kórsetti.
D.Medvedev te ekijaqty baılanystardyń tabystylyǵy men yrǵaqtylyǵyn atap ótti.
Qazaqstan men Reseı arasyndaǵy qarym-qatynastar tabysty jáne yrǵaqty damýda, dedi Reseı Úkimetiniń basshysy.
Kezdesý barysynda saýda-ekonomıkalyq yntymaqtastyqtyń kókeıkesti máseleleriniń keń aýqymy boıynsha pikir almasyldy. Atap aıtqanda, kólik, energetıka salasyndaǵy birlesken jobalardy júzege asyrý barysy talqylandy. Sol sııaqty KO jaǵdaıyndaǵy ózara is-qımyldardy damytýdyń kókeıkesti máseleleri de áńgime ózegine aınaldy.
Qyrǵyzstan Premer-mınıstri Jantoro Satybaldıevpen kezdesýde saýda-ekonomıkalyq, ınvestısııalyq salalardaǵy kólik tranzıti, sý-energetıka, otyn sektoryndaǵy, shekara boıy yntymaqtastyǵyndaǵy Qazaqstan-Qyrǵyzstan ekijaqty baılanystaryn odan ári nyǵaıtý máseleleri qaraldy.
2012 jyldyń qorytyndysy boıynsha saýda-ekonomıkalyq taýar aınalymy kólemi mıllıard dollardan asty, – dedi S.Ahmetov. Sondaı-aq, ol ózara saýdany odan ári arttyrýda úlken áleýettiń bar ekendigine nazar aýdardy.
О́z kezeginde J.Satybaldıev memleketaralyq ýaǵdalastyqtardy tabysty júzege asyrý úshin zor múmkindikterge ıe áriptestik baılanystardy belsendi arttyra túsý qajettigine toqtaldy.
Osy kúnniń ekinshi jartysynda Premer-Mınıstr Serik Ahmetov Belarýs, Ýkraına úkimetteriniń basshylary Mıhaıl Mıasnıkovıchpen jáne Nıkolaı Azarovpen kezdesti.
Belarýs Premer-mınıstri M.Mıasnıkovıchpen kezdesýde saýda-ekonomıkalyq jáne ınvestısııalyq salalardaǵy ekijaqty qyzmettestikti keńeıtý máseleleri qaraldy. Taraptar sol sııaqty Keden odaǵy men Birtutas ekonomıkalyq keńistik sheńberindegi ózara is-qımyldardyń kókeıkesti máselelerin de talqylady.
Ýkraına Premer-mınıstri N.Azarovpen kezdesý barysynda saýda-ekonomıkalyq qatynastardyń sheshýshi baǵyttaryn damytýǵa nazar aýdaryldy. Úkimet basshylary Ekonomıkalyq yntymaqtastyq jónindegi memleketaralyq komıssııa qyzmetiniń belsendiligin arttyrý qajettigin atap ótti.
