Bul kúnde qoǵam tarapynan úlken ynta týdyrǵan «Nur Otan» HDP-nyń jańa Saıası doktrınasy jobasy keshe Temirtaýda ótken aımaqtyq forýmda qyzý talqylanyp, oǵan qatysýshylardyń bir toby óz oılaryn ortaǵa saldy.
Bul kúnde qoǵam tarapynan úlken ynta týdyrǵan «Nur Otan» HDP-nyń jańa Saıası doktrınasy jobasy keshe Temirtaýda ótken aımaqtyq forýmda qyzý talqylanyp, oǵan qatysýshylardyń bir toby óz oılaryn ortaǵa saldy.
Jas qaýym ókilderiniń bul basqosýyna arnaıy kelip, sóz kezegi aldymen tıgen «Nur Otan» partııasy Tóraǵasynyń birinshi orynbasary Baýyrjan Baıbek atalǵan mańyzdy qujattyń negizgi baǵyttaryn jan-jaqty, tyńdaýshylar paıymdaýyna túsinikti túrde baıandap berdi. Ol óz sózinde Doktrınanyń ár tezısi bolashaq úshin jazylǵan, ol bolashaq-progressıvti jáne básekege qabiletti býyn ekenin, partııa solarǵa úmit pen senim artatynyn, sebebi, búgingi bastamalardy júzege asyrýshylar bolyp tabylatynyn aıtyp, osyndaı bıik maqsat jolynda árqaısysynyń qosar úlesi úlken bolýy tıistigi týraly oı tastady.
Qatysýshylar atynan sóz sóıleýshiler: «Nurqazǵan» kenishiniń 22 jasar jetekshisi Murat Bóribaev, «Sátti qadam» áleýmettik jobasyn iske asyrýǵa atsalýshy Ásem Kenjebekova, ónertapqysh talapker Sergeı Aleshın, Pavlodar oblysyndaǵy Zańǵar aýyldyq okrýginiń eń jas ákimi Hamza Orazbekov, «Qazaqstannyń jastar kongresi» ZTU atqarýshy dırektory Rollan Quspan Elbasynyń salıqaly saıasaty arqasynda qalyptasqan ekonomıkalyq damý men rýhanı órleýdiń jańa qyrlaryn jáne qundylyqtaryn aıqyndap, jınaqtaýshy turǵysynda qabyldanǵan Doktrınanyń mańyzdylyǵy jaıly pikir bólisti, usynystar partııa basshylyǵyna jetkizildi. Jas akter Asylhan Tólepovtiń «Bolashaq bizdiki, bolashaqty biz jasaýymyz kerek», degen sózi dý qol shapaqtalyp qostalýynan bul oıdyń bárine ortaqtyǵy bilindi.
Forýmǵa qatysýshylar ózderine arnaıy uıymdastyrylǵan semınar-trenıngte tájirbıe almasty.
Aıqyn NESIPBAı,
«Egemen Qazaqstan».
Qaraǵandy.
