О́skemen qalasynyń ákimi Temirbek Qasymjanovtyń aty qazir qyzmettik kóliginiń úsh birdeı máshınege baryp soqqanymen shyǵyp jatyr.
О́skemen qalasynyń ákimi Temirbek Qasymjanovtyń aty qazir qyzmettik kóliginiń úsh birdeı máshınege baryp soqqanymen shyǵyp jatyr.
Oqıǵa qalanyń qaq ortasyndaǵy kóshelerdiń birinde oryn alǵan. Munyń anyq-qanyǵyn teksergen jol polısııasy qyzmetkerleri men sheneýnikter bul jónindegi aqpardyń syrtqa tarap ketpeýine qatty múddelilik tanytyp, bárin jyly jaýyp qoıa salýǵa biraz tyrysqandarymen, olarynan eshteńe shyqpapty. Mundaǵy negizgi ýáj bul kezde ákimniń demalysta júrgeni bolǵanǵa uqsaıdy. Alaıda, bastyǵynyń joqtyǵyn paıdalanyp, qalada emin-erkin saırandap júrgen júrgizýshiniń erejeni qalaı buzǵanyn kózderimen kórgen jurt kóp kidirtpeı, onyń jasaǵan jol apatyn beıneleıtin sýretterdi ǵalamtorǵa salǵan da jibergen.
Aıta ketý kerek, oblys ákiminiń sózimen aıtqanda, bir kezderi T.Qasymjanov «qalany basqarýǵa laıyqty emes» dep tabylyp, oryntaǵyn bosatqanymen, birshama ýaqyttan keıin ornyna qaıta kelgen kórinedi. Degenmen, ózi demalysta júrgen qala ákiminiń jóndeýdegi kóligi qalaı jol apatyna tap bola qalǵany qatty tańǵaldyryp otyr.
Al ákimniń qyzmettik kóligin ruqsatsyz minip ketkenimen qoımaı, úsh birdeı kólikti japyryp ótken júrgizýshi sol jerde birden máshıneniń memlekettik nómirin alyp tastapty. Biraq, turǵyndar kóliktiń qala ákimine tıesili ekenin jazbaı tanyǵan. Sebebi, qalada bul tektes basqa kólik joq.
Osy oqıǵadan keıin júrgizýshi jumystan bosatylǵan. Ákimdik qyzmetkerleri bolsa, jóndeýge kelmeıtin «Mersedestiń» ornyna jańa kólik izdeýge kirisip ketipti.
«On jyldyq tájirıbesi bar ákim apparatynyń júrgizýshisi jóndeýde turǵan kólikti jeke qoldanysyna óz erkimen alǵan. Eki kún ótken soń bolǵan apatta ashy sý ishkenin moıyndap otyr», – deıdi О́skemen qalasy ákimdiginiń baspasóz hatshysy Larısa Polomoshnova.
Qurysh NURYMBET.
