Qazirgi kezde AQSh-ta turatyn otbasylarynyń Qazaqstannan asyrap alǵan balalar sany 6600-ge jetipti. Muny elimizge Amerıka azamattarynyń qazaqstandyq balalardy asyrap alýlary máselesin talqylaý úshin arnaıy kelgen AQSh memlekettik departamentiniń balalar máseleleri jónindegi arnaıy keńesshisi Sıýzen Djeıkobs málim etti.
Qazirgi kezde AQSh-ta turatyn otbasylarynyń Qazaqstannan asyrap alǵan balalar sany 6600-ge jetipti. Muny elimizge Amerıka azamattarynyń qazaqstandyq balalardy asyrap alýlary máselesin talqylaý úshin arnaıy kelgen AQSh memlekettik departamentiniń balalar máseleleri jónindegi arnaıy keńesshisi Sıýzen Djeıkobs málim etti.
Dıplomat Bilim jáne ǵylym mınıstrligi balalar quqyǵyn qorǵaý komıteti, Syrtqy ister mınıstrligi jáne Adam quqyqtary jónindegi bıýronyń ókilderimen kezdesti.
Sıýzen Djeıkobs suhbatynda Qazaqstan men AQSh bala asyrap alý jóninde ortaq jumys tobyn quratyndyǵyn málimdedi. Birinshi kezdesý bıyl qarashada Vashıngtonda ótedi. AQSh-ta qarasha aıy ulttyq bala asyrap alý aıy bolyp belgilengen.
Sıýzen Djeıkobs kezdesýden keıin qazaqstandyq balalardy AQSh azamattarynyń asyrap alýy qaıta jandanady degen úmitte ekenin jasyrmady. AQSh azamattary ótken jyly shetelden 9 myńdaı jetim bala alǵan eken. Al Qazaqstannan asyrap alǵan balanyń jalpy sany qazir 6600-ge jetken.
«Bala asyrap alǵan otbasylarda ókinishti jaǵdaılardyń aldyn alý úshin AQSh-ta ózimizdiń jumys tobyn qurdyq. Balalardyń quqyǵyn qorǵaý jónindegi úkimettik qyzmetter men agenttikterimen birge jumys jasaımyz. Kelesi aptada alǵashqy kezdesýimiz ótedi. Onda balalardy qorǵaıtyn jańa zań nemese zańǵa tolyqtyrýlar engizý máselesin talqylaımyz. Keıbir ata-analarǵa bizdiń kómek qajet», – dedi Sıýzen Djeıkobs.
Mine, kerek bolsa! Sonda bizdiń elimizdegi analar balalaryn basqa jat eldiń azamattary bolýlary úshin týyp júr me? Osynshalyqty keń jeri bar Qazaqstanda turǵyndardyń azdyǵy árdaıym bilinedi. Bul máseleniń qazir búkil álemde ótkir turǵany anyq. Munyń ústine AQSh-ta qazir syrt elderden ákelingen balalardy almastyrý maqsatynda jumys jasaıtyn bıýrolardyń da bar ekeni belgili bolyp qaldy. Olarda saýdaǵa túsip júrgender arasynda burynǵy qazaqstandyq búldirshinder de az emes kórinedi.
Osynyń bári shetelge asyraýǵa bala bermeý jaǵyn qaıta oılastyratyn kez jetkenin bildiredi.
Murat AITQOJA.
