Qazaqstandyqtar Kaspi.kz arqyly rekordtyq mólsherde onlaın zat satyp aldy

Kaspi.kz basshysy Mıhaıl Lomtadze bul týraly pikir bildirdi.

«Biz onlaın satyp alý budan da tıimdi, yńǵaıly bolýy úshin Kaspi.kz-tegi magazındi damytýdamyz. Bizdiń komanda turaqty túrde assortımentti ulǵaıtyp, jańa seriktester qosyp, búkil el aýmaǵyna jetkizý aýqymyn ulǵaıtýda. Jyl basynan beri Qazaqstannyń 54 qalasynyń turǵyndary 69 mıllıard teńgege 900 myń tapsyrys jasady. Tapsyrys sany ótken jylmen salystyrǵanda 2 eseden joǵary nemese 116% ósti. Sáýirdiń ekinshi jartysynda biz tapsyrystardy óz esebimizden tegin jetkizdik, bul karantın men tótenshe jaǵdaı kezinde asa mańyzdy boldy. Sondaı-aq biz sáýirde onlaın satyp alýdy budan da tıimdi etip, súıikti klıentterimizge Kaspi Gold pen Kaspi Red arqyly satyp alǵan árbir zat úshin 10% bonýs syıladyq.

Pandemııa jaǵdaıynda jáne vırýstyń taralý qaýpi joǵ­ary bolǵan kezde jetkizý qyzmeti­men onlaın zat satyp alý kópte­gen qazaqstandyq otbasy úshin qolaıly ári qajetti bolyp qana qoımaı, bizdiń seriktesterimizge satylymdar men jumys oryndaryn saqtap qalýǵa kómektesedi. Bizdiń komandamyz Prezıdent janyn­daǵy Tótenshe jaǵdaı jónindegi memlekettik komıs­sııa­nyń qoldaýymen jáne ákim­dikterdiń jedel shtabtarymen, seriktestermen jáne kýrerlik qyz­mettermen birlesip, jetkizý qyz­metiniń jumysyn uıymdas­tyrý já­ne qazaqstandyqtarǵa úıden shyq­paı-aq qaýipsiz onlaın zat sa­typ alýǵa múmkindik berý úshin bar kúsh-jigerin saldy. Biz­diń ko­man­damyzdyń jáne súıik­ti klıent­terimizdiń atynan búkil elimiz boıynsha jáne ár qala­daǵy jetkizý qyzmetimen onlaın zat satyp alýdy uıymdastyrýǵa kómektesken ár adamǵa raqmet aıtamyn», dep atap ótti Mıhaıl Lomtadze.

Satý

• Bıylǵy jyldyń alǵashqy 4 aıynda tapsyrys somasy 103% ósip, ótken jyldyń sáıkes kezeńindegi 34 mıllıard teń­gemen salystyrǵanda rekordtyq 69 mıllıard teńgege jetti
• Tapsyrys sany 2 esege,

417 000-nan 900 000 tapsyrys­qa jetti. О́sim – 116%

• Barlyq tapsyrys arasynda Kaspi.kz mobıldi qoldanbasy arqyly rásimdeý kólemi ulǵa­ıyp, ótken jylǵy 83%-ben salys­tyr­ǵanda 94%-ǵa jetti. Kaspi.kz mo­bıl­di qoldanbasy arqy­ly satyp alýdy tańdaıtyn qazaq­standyqtar kóbeıip keledi.

Taýar túrleri

• Sáýir aıynda Kaspi.kz-tegi magazınde usynylǵan taýar sany ótken jyldyń sáýirindegi 130 000-nan ulǵaıyp, 220 000-ǵa jetti.
• Suranysqa ıe jańa sanattar paıda boldy – kıim, aıaq kıim, jattyǵý jabdyqtary, sport taǵam­dary, dekoratıvti kos­me­­tıka, jón­deýge arnalǵan qural­dar, qurylys jabdyqtary men janýar­larǵa arnalǵan taýarlar jáne basqa da kóptegen zat.
• Tapsyrys kólemi boıynsha TOP 10-qa úı men saıajaı zattary (+464%); sport pen týrızm (+406%); qurylys pen jóndeý (+394%); bos ýaqytty ótkizý men kitaptar (+379%); áshekeıler men aksessýar­lar (+231%); sán men densaý­lyq (+176%); TV, aýdıo, vıdeo (+172%); kompıýterler (+166%); jıhaz (+141%); balalar taýarlary (+129%) syndy sanattar kirdi.
• Karantın men tótenshe jaǵ­daı kezinde 2020 jyldyń sáýi­rin­de 2020 jyldyń naýryz aıymen salystyrǵanda shash qııý qu­ral­­dary (+716%), gazonshap­qysh (+477%), eden tarazylary(+363%), sekir­gish jip pen gantel­der (+351%), as úı tarazysy men pisirýge arnalǵan formalar (+277%) sa­tylym jaǵy­nan erekshe ósim kórsetti.

Seriktester

• Kaspi.kz-tegi magazın ar­qyly taýar satatyn kompa­nııa­lar­dyń 80%-y shaǵyn jáne orta bıznes nysandary
• Kaspi.kz túrli taýar óndirý­shi qazaqstandyq kompanııalarmen bel­sendi jumys isteıdi. О́tken jyl­dyń sáýirinen beri elektrondy kommersııanyń úzdik platformasyna ADILI (aksessýarlar), Astaý (ydys-aıaq), Balausa jewelry (áshekeı buıymdary), BEKZAT sport (sport taýarlary), VEGA (sán buıym­dary men áshekeıler), GLASMAN (kıim), DiDi Style (kıim), EMPIRE (sývenırlik zattar), Kazahıývelır (áshekeı zattary), KresloComfort (jıhaz), MIMIORIKI (balalar ta­ýarlary), OTAN (saǵat), OIý (kilem), SMAN (aıaq kıim) jáne basqa da qazaqstandyq tanymal brendter men kompanııalar qosyldy.
• О́tken jyldyń sáýirinen beri Kaspi.kz-te adidas, BOSCH, CASIO, Columbia, DECATHLON, DeFacto, MANSOON, Marks & Spencer, Milavitsa, Nike, Reebok jáne basqa da tanymal halyqaralyq brendter satyla bastady.

Jetkizý

• Jyl basynan beri alǵashqy 4 aıda ótken jyldyń sáıkes merzimine qaraǵanda jetkizilgen tapsyrys kólemi 3 eseden asty. Kaspi.kz jetkizý qyzmeti aıasynda Qazposhta, DHL, DPD, Gallop, Pony Express men Zammler syndy jetekshi kýrerlik alty kompanııamen seriktes.
• Sáýirdiń ekinshi jartysynda Kaspi.kz tegin jetkize bastady jáne óz esebinen búkil el aýmaǵyn­­d­a 240 000 tapsyrys oryn­dady. 2020 jyldyń sáýir aıynda kom­pa­nııa kún saıyn 2019 jyl­dyń qara­sha aıyndaǵy Kaspi Juma tıimdi sa­typ alý merekesiniń barlyq ýa­qy­­ty­nan da kóp tapsyrys oryndady.
• Kaspi.kz josparly túrde qala­lar sanyn ulǵaıtýda jáne 2019 jyldyń sáýirindegi 34 qalamen salystyrǵanda 2020 jyldyń sáýir aıynda Qazaqstannyń 54 qalasyna zat jetkizdi. Endi Aqsý, Altaı, Aral, Arys, Baıqońyr, Beıneý, Jar­kent, Zaısan, Karataý, Kentaý, Qordaı, Lısakov, Rıdder, Saran, Stepnogor, Tekeli, Shardara men Shý qalalarynyń turǵyndary satyp alýmen birge jetkizý qyz­metin paıdalana alady.
• Tapsyrys kólemi boıynsha Túrkistan (+436%), Jetisaı (+399%), Balqash (+362%), Qapshaǵaı (+358%) jáne Aqsaı (+354%) qalalary eń joǵary ósim kórsetti
• Jetkizý qyzmeti boıynsha eń joǵary úles Almaty (34%), Nur-Sultan (14%), Shymkent (6%), Qara­ǵandy (6%) jáne Aqtóbe (4%) qalalarynda. Bul TOP 5 qa­la­nyń úlesi barlyq jetkizilgen tap­syrystardyń 64%-yn quraıdy.