Koronavırýs • 19 Mamyr, 2020

COVID-19: Bosańsý vırýstyń qaıta órshýine jol ashady

66 retkórsetildi

Ortalyq kommýnıkasııalar qyzmetinde ótken onlaın brıfıngte elordadaǵy koronavırýstyq ınfeksııanyń aǵymdaǵy jaǵdaıy, sondaı-aq karantın rejimin saqtaý sharalary týraly aıtyldy.

Nur-Sultan qalalyq densaýlyq saqtaý basqarmasynyń basshysy Sáýle Qısyqova eń aldymen bas qaladaǵy epıdemıologııalyq jaǵdaıǵa toqtaldy. «Qazirgi ýaqytta qalalyq aýrýhanalarda 1022 naýqas em qabyldaýda. Olardyń 67%-y – koronavırýs juqtyrǵandar. Sońǵy aqparatqa sáıkes, elordada koronavırýsty 1287 adam juqtyrǵan. Onyń 84-i – 18 jasqa deıingi balalar. Naýqastardyń 62%-y er kisiler bolsa, 38%-y – áıelder. Jastaryna qaraı qarastyrsaq, vırýs juqtyrǵandardyń eń kóbi 18 jastan  49 jas aralyǵyndaǵylar (76%) bolyp otyr. 16%-y 50-69 jas shamasyndaǵy kisiler bolsa, 70 jastan asqan qarttar – 2%, al balalar 6%-dy qurap otyr. Vırýs juqtyrǵandardyń 47%-y jazylyp, 14 kúndik úı karantınine jiberildi», dedi ol.

Basqarma basshysy osy ýaqytqa deıin elordada 75 myń PTR-testileý, 32 myń ekspres-testileý júrgizilgenin habarlady. «Mamyrdyń alǵashqy aptasynda koronavırýs ınfeksııasynyń 376 jaǵdaıy tirkelgen edi. Ortasha ósim ol kezde 6,4 paıyzdy quraǵan. Mamyrdyń ekinshi aptasynda 185 adam anyqtaldy. Ortasha ósim 2,3 paıyzdy kórsetti. Jańa jaǵdaılardyń eki ese tómendegeni baıqalady», dedi S.Qısyqova.

Elordadaǵy koronavırýs ınfeksııasy deńgeıiniń oń dınamıkasyna qaramastan sanıtarlyq-epıdemıologııalyq talaptar qatań saqtalýy kerek. Karantın sharalarynyń bosańsýy vırýstyń kez kelgen ýaqytta qaıta órshýine ákep soǵýy múmkin. Osyny aıtqan Nur-Sultan qalasynyń bas sanıtarlyq dárigeri Janna Pirálıeva elordadaǵy iri oıyn-saýyq ortalyqtarynyń jumysy erteńnen bastap qalpyna keletinin atap ótti. Iаǵnı buǵan qatysty tıisti qaýlynyń daıyndalyp jatqanyn jetkizgen ol ruqsat etilgen nysandarda sanıtarlyq normalardyń talaptaryn tek sýbektilerdiń ózderi ǵana emes, kelýshiler de qatań saqtaýy tıis ekenin aıtty. «Qaladaǵy epıdemıologııalyq jaǵdaıdy eskere otyryp, vedomstvoaralyq komıssııada 2020 jyldyń 20 mamyrynan bastap bizdiń qalada saýda-oıyn-saýyq ortalyqtarynyń (onyń ishinde oıyn-saýyq jáne oıyn ortalyqtarynsyz, fýdkordsyz, kınoteatrsyz) jáne qoǵamdyq monshalardyń (saýnalardyń basseınsiz), azyq-túliktik emes saýda ortalyqtary men saýda úıleriniń jumysyn qaıta bastaý jumysy júrgizilip jatyr. Bul máseleni qazir bizdiń tarapymyzdan qarastyryp jatyrmyz», dedi J.Pirálıeva.

Al Nur-Sultan qalasynyń Jergilikti polısııa qyzmetiniń basshysy Ǵusman Jakın qala mańyndaǵy 6 blok-beketten óte alatyn adamdardyń tizimi keńeıtilgenin jetkizdi. Atap aıtqanda, olarǵa qala ómirine qatysty uıymdarda eńbek etetin jumysshylar; tótenshe jaǵdaı rejiminen keıin jumysy jandanǵan jumys oryndarynyń qyzmetkerleri; saıajaı aýmaǵyna jáne qala shetindegi úılerge bara jatqan adamdar; medısınalyq anyqtamasy men ruqsatnamasy bar adamdar; kóktemgi egis jumystaryna bara jatqan adamdar; Selınograd, Arshaly, Shortandy, Qorǵaljyn aýdanynyń turǵyndary; basqa aımaqta tirkelgen, alaıda karantın aýmaǵynan shyǵyp bara jatqan azamattar; kisi jerleýge ketip bara jatqan adamdar; shet memleketterdiń azamattary; jasóspirim balasyna bara jatqan adamdar; naýqas týysyna qaraý úshin bara jatqan adamdar; Nur-Sultanda turýǵa qajetti qarajaty joq azamattar; áýe reısterine, áýe bıletteri boıynsha bara jatqan azamattar; Túrkistan oblysyna kómekke bara jatqan azamattar; azyq-túlik nemese azyq-túlikke jatpaıtyn kerek-jaraqtardy áketip bara jatqan azamattar; tranzıt boıynsha baǵyt alǵan azamattar jatady.

Onyń aıtýynsha, karantın engizilgeli beri 5 myńǵa tarta azamat ártúrli ákimshilik jaýapkershilikke tartylǵan. Al karantın aýmaǵyn kesip ótken adamdardyń barlyǵy «Sergek-blokpost» aqparattyq bazasynda tirkeledi.

Sońǵy jańalyqtar

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Uqsas jańalyqtar