Suhbat • 20 Mamyr, 2020

Alessıa Memola: Italııa Úkimeti kesh sheshim qabyldady

56 retkórsetildi

Koronavırýstan qatty zardap shekken elder­diń biri – Italııa. Qanshama myń adam vırýs juqtyrǵan, biraq aýyrǵandar sany kún sanap azaıyp keledi. Bul da bolsa kó­ńil­ge ju­banysh. Bılik karantınniń qatań shek­teý­le­rin alyp tastaǵanmen, baqylaýdy uzartyp otyr. Osy oraıda Italııanyń Toskana obly­sy­nyń ortalyǵy Aresso turǵyny Alessıa Memolamen onlaın áńgimelesip, eldiń búgingi jaǵ­daı­yn surap bildik.

– Jahandyq indet birinshi kezekte Eýropa elderine qıyn tıdi. Qazirgi jaǵdaı qalaı?

– Shyn máninde, Eýropanyń ózge elderi sııaqty, biz de birtindep ekonomıkalyq qyz­­me­timizdi bastap jatyrmyz. Dese de, úıde bolý týraly nusqaýlar qatań saq­talýda. Karantınniń jarııa­lan­ǵa­ny­na eki aıdaı ýaqyt bolǵan eken. Qala ákimdikteri áli de úıde bolýdy mindettep otyr. Al aýrýdyń órshýine ıa báseńdeýine qaraı karantın talaptaryna ózgeris birte-birte engiziledi.

– Siz turatyn aımaqta pandemııa týraly alǵashqy jańalyqtar qa­shan aıtyla bastady?

– Alǵash aqpan aıynyń sońynda vırýs­­qa qatysty aqparattar shyǵa bas­tady. Men Italııanyń orta­lyq bóli­gin­de turamyn. Al vırýs sol­tús­tik­te bastaldy. О́zge aımaq­ta­ǵy­lar ádettegi tumaý dep oılap, mán bergen joq. Tek naýryz aıynyń ortasynda ǵana munyń oınaıtyn emes, oılaıtyn dúnıe ekenin uǵa bas­ta­dyq. Al eń basty másele – vırýsta emes, ıntensıvti terapııa úshin tósek oryndarynyń jetispeýshiliginde bolyp shyqty. Osydan da halyq indetti aýyr ótkerdi.

– Al tótenshe jaǵdaı rejimi qalaı engi­zildi? Sizge qalaı habarlandy?

– Bizdiń Úkimet tıisti saqtyq sharalaryn birden saqtamady ári vırýstan saqtaný týraly Qytaıdyń tájirıbesi men keńesterin qulaqqa ilmedi, baǵa­la­ma­dy. Dál osy sebepti shetelden kelgen adam­dar tıisti túrde baqylaýǵa alynǵan joq. Soltústik aımaqta aýrý belgileri bi­line bas­ta­ǵanda da der kezinde tıisti she­shim qabyldanbady. Italııa kóptegen aımaq­qa bólingen. Úkimet vırýstyń ózge aımaqtarǵa taralýyn shekteý boıynsha áreket ete bastaǵanda, barlyǵy kesh edi. Stýdentter Italııanyń sol­tús­tiginen ońtústigine jappaı qa­shý­y­na qaramastan (bul oqıǵa sol­tús­tik oblys­tar­dy jabý týraly sheshim qabyldanǵan túnde bol­ǵan) indet oń­tús­tik aımaqqa tarala qoı­mad­y. Iаǵnı soltústiktegideı zardap shek­kender sany óspedi. 9 naý­ryz kúni túnde Úkimet Italııa terrıtorııasyn túgel jaýyp, adamdardyń barlyǵyna úıde bolýdy jáne jolǵa shyqpaýdy mindettedi. Al bul ýaqytta men Ispanııada júrgen edim. Maǵan otbasym men dostarym habarlasyp, mán-jaıdy aıtty. Teledıdar arqyly da habar jedel taratylyp turdy. Qazir turǵyndarǵa dári-dármek satyp alýǵa, dúkenge barýǵa ǵana ruqsat etildi. Bilim berý salasy jáne ózge de baǵyttar bo­ıynsha jumys qashyqtan jalǵasyp jatyr.

– Al tótenshe jaǵdaı sizdiń jeke ómi­ri­ńizge qalaı áser etti?

– Men aqpanda zań mamandyǵy bo­ıynsha joǵary oqý ornyn bitirdim. Osydan soń Ispanııada ekologtar qa­ýym­das­tyǵymen birneshe aılyq ke­li­­simshartqa otyrdym. Tótenshe jaǵ­­daı kezinde týǵan qalam Aressoǵa oralýǵa májbúr boldym. Qazir úıden jumys istep jatyrmyn. Mamyr aıynda kelisimshart aıaqtalady. Sondyqtan ke­le­si aıda maǵan jumys tabý qıynǵa soǵyp tur. О́ıtkeni qazir kóptegen mekeme jumysyn toqtatqan. Al karan­tın bizdiń ómirimizdi tolyqtaı ózgertti. Kún­diz jumys isteımin, arasynda boı jazyp sportpen aınalysamyn. Úıdiń usaq-túıek tirshiligi bar, sonymen kúnimiz ótip jatyr.

– Bılik tarapynan qandaı kómek kór­setildi? Áleýmettik tólemder be­ril­di me?

– Bul rette asa habarym bolmaı tur. О́ıtkeni joldasym ekeýmiz ata-anamyzben birge turamyz. О́z úıimiz bar, sondyqtan páteraqy tóleý boıynsha másele joq. Al jumyssyz qalǵan jandarǵa ótken aıda 600 € (456 myń teńge shamasynda) tólengen, osy aıda 800 € bolýy múmkin. Al elektr, sý jáne gaz aqysyn tóleýge de birqatar jeńildik jasalǵan.

– Aramyzda indettiń taralýyna kú­mánmen qaraıtyndar da bar. Olar­ǵa qandaı keńes berer edińiz?

– Karantın aıaqtalǵanymen indet eshqaıda joǵalmaıdy. Sondyqtan saq­tyq talaptaryn áli de saqtaǵan du­rys. Basqosýlar men jınalystardy ke­ıinge shegergen jón. Betperde kııý, qoldy jıi jýý jáne antıseptıkalyq qu­raldardy paıdalaný eki aı ishinde kún­delikti ómir saltymyzǵa aınaldy. Muny umytpaýymyz kerek!

– Áńgimeńizge rahmet.

 

Áńgimelesken

Aıa О́MIRTAI,

«Egemen Qazaqstan»

 

Sońǵy jańalyqtar

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Aqmolada qaıyrymdy jandar kóp

Aımaqtar • Búgin, 09:31

Halyqaralyq stýdentter forýmy aıaqtaldy

Aımaqtar • Búgin, 09:25

Uqsas jańalyqtar