Qoǵam • 20 Mamyr, 2020

Baspanaly bolý jeńildep keledi

463 retkórsetildi

Álemdi álekke salǵan indet sońǵy eki aıda bizdiń eldiń turǵyndaryn da eseńgiretip tastaǵany ras. Halyq tótenshe jaǵdaı rejimin de kórdi. Kóndi. Allaǵa shúkirshilik, endi tótenshe jaǵdaı rejimi aıaqtaldy. Biraq karantın jalǵasýda. Bul neni ańǵartady? Bul indettiń beti áli qaıtpaǵanyn, saqtyq sharalarynyń áli de qajet ekenin bildiredi.

Prezıdent Qasym-Jomart Toqaev Tótenshe jaǵdaı rejimin qamta­masyz etý jónindegi memlekettik ko­mıs­sııanyń otyrysynda karantındik shekteýler ár óńirdegi jaǵdaıdyń jaqsarýyna qaraı birtindep alynatynyn aıtty. Qalǵany halyqtyń óz qolynda. Qazirdiń ózinde 1 mıllıon 100 myńnan astam azamat jumysqa shyqty. Kóptegen salanyń qyzmeti qalpyna kele bastady. Endigi tirshilikte tártip pen tazalyq aýadaı qajet. Qazir kez kel­gen otbasyna qıyn bolyp tur. Qaty­nas joq. Sharýalar turalap tur. Alys­taǵy bala-shaǵa, nemerelermen qaty­nas toqtatyldy.

Degenmen qıyn sátterde memleket óz turǵyndaryna qolushyn sozdy, demeý kórsetti. 4,5 mıllıonnan astam adamǵa 42500 teńge kóleminde qarjylaı kómek kórsetilse, 1 mıl­lıonnan astam azamatqa azyq-túlik pen turmystyq zattar úlestirildi. Iаǵnı memleket eshkimdi qamqorlyqsyz qaldyrǵan joq. Turǵyndarǵa tek tólem jaǵynan ǵana emes, turmystarynyń túzelýi úshin de jan-jaqty kómek qarastyrylýda. Sonyń ishinde, ásirese, turǵyn úı baǵdarlamasyna jeńildikter engizilgeni kópshilikti qatty qýantty.

Árıne, aýyldyq jerlerde tura­tyn­dar onlaın-qyzmet alýda qıyndyq­qa tap bolǵany belgili. Degen­men de munyń bári – ýaqytsha qıyndyq. Tóten­she jaǵdaı toqtatyldy dep bosań­syp ketýge bolmas. Saqtyq sharalaryn qatań ustap, betperde men antı­sep­tıkti únemi qoldanyp, qolǵap kıip, qo­ǵam­dyq jerlerge barǵanda qa­shyq­tyq­ty saqtaǵan abzal. Bul árıne óziń­niń jáne otbasyńnyń, aınalań­daǵy adamdardyń amandyǵy úshin kerek.

Osynyń barlyǵyn Allanyń sy­na­ǵy dep qabyldaý qajet. Atalǵan indet elge de, eldiń ekonomıkasyna da zar­da­byn tıgizbeı qoımaıtyny málim. Son­dyqtan onyń ekinshi kezeńi basta­lyp ketpeýin oılasaq, ózimizdiń amandy­ǵy­myzǵa jaýapkershilikpen qaraıyq. 

 

Tursyn QOMShABAIQYZY,

zeınetker ustaz

 

Pavlodar

 

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar