AQSh-tyń Montana shtatynynyń turǵyny, burynǵy muǵalim Steısı Dın Rembold óziniń oqýshysy, 14 jasar Cherıs Moralesti zorlaǵany úshin 1 aıǵa ǵana bas bostandyǵynan aıyrylǵan. Bul týraly RIA «Novostı» agenttigi habarlady.
Qylmysyna qarap aıtqanda óte qysqa merzimge sottalǵan Steısı Dın Rembold tipti, ózine kesilgen jazasyn ótep te qoıdy. Ol ótken beısenbide bostandyqqa shyqty.
Rembold óziniń oqýshysy Cherıs Moralesti zorlaǵanyn tolyq moıyndaǵan. Al zorlanǵan qyz 17 jasqa tolar shaǵynda ózine-ózi qol salyp qaıtys bolǵan.
Atalǵan qylmystyq iske qatysty úkim shyǵarǵan sot Todd Baf: «Cherıs Morales zorlanǵan kezde qujatta kórsetilgen jasynan úlken bolǵan» dep túsinikteme bergen. Alaıda, Todd Baf keıinnen óziniń óreskel qatelik jibergeni úshin keshirim suraǵan. Endi qylmystyq is qaıta qaralmaq.
Al AQSh-tyń belsendi quqyq qorǵaýshylary bura tartqan Bafty jazaǵa tartý kerektigin aıtyp sotqa shaǵym túsirgen. Bul shaǵymǵa 140 myń adam qol qoıǵan.
«Sot qatelik jiberdi. Qyz zorlaǵany úshin qylmyskerdi 31 kúnge ǵana túrmede otyrǵyzý ádiletsiz. Montananyń joǵarǵy soty isti ádil sheshedi dep kútemin», - dedi qaıtys bolǵan qyzdyń sheshesi Olııa Hanlon.
Joldybaı Bazar.
