Ádebıet • 21 Mamyr, 2020

«Hárrı Potter» serııasynyń ekinshi kitaby qazaq tiline aýdaryldy

29 retkórsetildi

Brıtan jazýshysy Joan Roýlıń jazǵan «Hárrı Potter» serııasynyń ekinshi kitaby «Hárrı Potter men jasyryn bólme» romany qazaq tiline aýdarylyp, satylymǵa shyqty.

Ekinshi kitapta oqyrmanǵa jaqsy tanys keıipkerler Hárrı, Ron jáne Hármıona Hogýarts sıqyr mektebindegi áldebir tylsym «Muragerdiń» oqýshylarǵa jasaǵan shabýylyn zertteıdi.

«Hárrı Potter» serııasyn qazaq tiline aýdaryp jatqan «Steppe & WORLD Publishing» baspasynyń basshysy Raısa Saıranqyzy Qadyrdiń aıtýynsha, «Hárrı Potter men jasyryn bólme»  5 000 danamen jaryq kórgen.

«Osy jyldyń aqpan aıynda shyqqan serııanyń birinshi kitaby «Hárrı Potter men pálsapa tas» úlken suranysqa ıe boldy. Keı kitap dúkeninde eń kóp satylǵan eńbekterdiń qataryna kirdi. Oqyrmandar aýdarma deńgeıi, kitap sapasy týraly jaqsy pikir bildirdi. Bul bizdi keremet qanattandyrdy», - deıdi ol.

Raısa Saıranqyzynyń aıtýynsha, serııanyń úshinshi kitaby «Hárrı Potter men Azkaban tutqyny» maýsym aıynyń sońynda jaryq kóredi. Jyl aıaǵyna deıin tórtinshi jáne besinshi kitaptardy shyǵarý josparlanyp otyr.

«Hárrı Potter men jasyryn bólme» kitabynyń jaýapty redaktory Nazgúl Qojabek eńbekti aýdarý barysynda bolǵan keı qyzyq jaıtty atap ótti.

«Hárrı Potter» serııasynyń ekinshi kitaby «Hárrı Potter men jasyryn bólme» kitabynda birneshe jańa keıipker qosyldy. Máselen, osy kitaptaǵy oqıǵanyń «túpqazyǵy» – alyp jylan Basilisk. Orys tilindegi nusqasynda Vasılısk dep alynǵan. Biz ony Ajdaha dedik. Ejelgi ertegilerdi aqtaryp, jylan patshasynyń ataýyn alýdy jón kórdik. Taǵy bir «qınalǵan» tusymyz - Tom Redldiń atynan «Men Lord Voldemort» degen anagramma shyǵarý boldy. Kópshilik biletindeı, bul – túrli tilderge aýdarý barysynda qatty qıyndyq týdyrǵan nárse, sonyń saldarynan túpnusqadaǵy Tom Marvolo Riddle esimi túrlishe qubylyp ketti. Biz «Men Lord Voldemort» degen úsh sózdegi áripterdiń bárin shyǵarý úshin sál ózgertýimizge týra keldi. Qalaı ózgertkenimizdi oqyrman kóre jatar», - dedi Nazgúl Qojabek.

Kitapty qazaq tiline tárjimalaǵan aýdarmashy Dınara Mázenniń aıtýynsha, ekinshi kitaptyń ataýyn belgileýge uzaq ýaqyt ketken.

«Qupııa bólme», «Jumbaq bólme», «Jasyryn jaı» sekildi túrli nusqa boldy. Sonyń arasynan taqyrypty jaqsy ashady degen kelisimmen «Jasyryn bólme» degen ataýdy tańdadyq. Jalpy alǵanda, birinshi kitapta kóptegen termınderdi naqtylap, bekitip alǵandyqtan, ekinshi kitap tezirek aýdaryldy», - dep atap ótti Dınara Mázen.

«Hárrı Potter» jáne onyń álemi týraly eńbekterdi qazaq tilinde shyǵarý quqyǵy «Steppe & WORLD Publishing» baspasyna tıesili. Joba qandaı da bir syrtqy qarjylandyrýsyz júzege asyrylyp jatyr.

Sońǵy jańalyqtar

«Meniń Týym» aksııasy ótti

Aımaqtar • Búgin, 08:09

Sharalar qatań saqtalýy tıis

Tennıs • Búgin, 08:04

«Barys» – úzdikter qatarynda

Hokkeı • Búgin, 08:03

Ushty, ushty, shatyr ushty!..

Qoǵam • Búgin, 07:56

Almatyda aqyn kóp...

Ádebıet • Búgin, 07:44

«Aqbilek». Jan jarasy...

Ádebıet • Búgin, 07:42

Shuǵyla-nurdy betke alyp...

Rýhanııat • Búgin, 07:38

Abaıǵa arnalǵan músháıra

Abaı • Búgin, 07:36

Jalǵyz kompanııa Alataýdy ıgere ala ma?

Ekonomıka • Búgin, 07:28

Tarıh tarazysyndaǵy tórt jaıt

Tarıh • Búgin, 07:22

Salǵyrttyq san soqtyrmasyn

Qoǵam • Búgin, 07:10

Kósh basynda – Meıvezer

Kásipqoı boks • Búgin, 07:10

Eldik nyshandar tarıhy

Qazaqstan • Keshe

Uqsas jańalyqtar