– Tótenshe jaǵdaıǵa baılanysty volonterlik shtab qurylypty. Onyń búgingi nátıjesimen bólisseńiz.
– Mamyrdyń basynda Maqtaaral aýdanynda bolǵan tótenshe jaǵdaı̆ǵa baı̆lanysty Túrkistan oblysy Maqtaaral aýdanynyń Jambyl aýyldyq okrýgi №36 jalpy orta mektebi bazasynda Túrkistan oblysy ákimdigi jáne Nur Otan partııasynyń qoldaýymen jastar men volonterlerdiń bastamasymen «Birgemiz, Maqtaaral!» eriktiler shtaby qurylǵan. Basym kópshiligi Túrkistan oblysy men Shymkent qalasynyń jastarynan quralǵan volonterler «bir jeńnen qol, bir jaǵadan bas shyǵaryp», zardap shekkenderge jan-jaqty járdem berýde.
Eriktiler shtabynyń negizgi maqsaty – tehnogendik apattan zardap shekken turǵyndarǵa kómek berý, qoldaý kórsetý jumystaryn júı̆eli júzege asyrý men volonterliktiń joǵary mádenıetin saqtaı otyryp, kómekke muqtajdardyń áleýmettik-ekonomıkalyq qaýipsizdigin qamtamasyz etý.
– Shtab jumysyn naqty kórsetkishter arqyly sıpattap berseńiz.
– Respýblıkamyzdyń barlyq óńirinen, sondaı-aq Túrkistan oblysynyń aýdan, qalalarynan jáne «Shymkent volonterler qaýymdastyǵy», basqa da jastardyń bastamalarymen uı̆ymdastyrylǵan gýmanıtarlyq-materıaldyq kómek kerýenderi áli de Maqtaaral aýdanyna tolassyz kelip jatyr.
Osy kúnge deıin «Birgemiz, Maqtaaral!» volonterler shtaby 170-ke jýyq otbasyna jáne 1500-ge jýyq turǵynǵa áleýmettik kómek pen jekelegen suranystar boıynsha kómek kórsetti.
Shtab aldaǵy ýaqytta Maqtaaral aýdanyndaǵy áleýmettik az qamtylǵan otbasylardyń balalaryna jazǵy oqý-jattyǵý lagerin uıymdastyrý jumystaryn qolǵa almaq. Sondaı-aq tabıǵı apattan zardap shekken turǵyndar, jasóspirimder men balalardyń qorqynyshyn seı̆iltetin arnaıy trenıngter men oı̆yndar ótkizýde.
Áńgimelesken
Svetlana ǴALYMJANQYZY,
«Egemen Qazaqstan»
