Qoǵam • 22 Mamyr, 2020

Sarbaz qaıtty saǵynysh arqalaǵan...

206 retkórsetildi

Elimizdegi tótenshe jaǵdaı rejimi kezinde el tarıhynda alǵash ret merzimdi áskerı qyzmetke shaqyrylǵan sarbazdardyń zapasqa shyǵa­rylýy keıinge qaldyrylǵan bolatyn. Alaıda rejim aıaqtalǵannan keıin bul sheshim óz kúshin joıyp, dúısenbiden bas­tap ótken jyly kóktem­de shaqyrylǵan jaýyngerler óz úılerine arnaıy eshelondarmen jiberilýde.

Buǵan deıin Qazaqstan Qarý­ly Kúshteri Bas Shtabynyń Uıym­das­tyrý-jumyldyrý jumystary depar­tamentiniń bastyǵy polkov­nık Sáken Júsipov BAQ ókil­derine bergen suhbatynda elimiz­diń «Áskerı qyzmet jáne áskerı qyzmetshilerdiń mártebesi týraly» zańyna sáıkes, Qarýly Kúshterdiń jaýyngerlik ázirligin qoldaý maq­satynda tótenshe jaǵ­daı ke­zin­de zapasqa shyǵarylýy toq­ta­tylǵanyn málimdegen bo­la­­tyn. Bul sheshim memleketi­mizdiń tarıhynda alǵash ret qa­byl­danyp otyrǵanyn, ári aza­mat­tarymyzdyń qaýipsizdigin qam­tamasyz etýge baǵyttalǵanyn baıan­daǵan edi.

Elordadaǵy birinshi temir jol vokzalynda sarbazdardy shyǵa­ryp salý rásimine biz de kýá bol­dyq. Bul jumysty Bas áskerı kó­lik basqarmasy jolaýshylar tasy­maly aksıonerlik qoǵamymen birlesip atqaryp otyr. 130-ǵa jýyq jaýynger minip, Nur-Sul­tan – Qyzylorda baǵytyn betke alǵan 4 vagondy arnaıy eshelon jolaı Qaraǵandy qalasynda, Shý stansasynda, Taraz, Shymkent qalalarynda taǵy 400 sarbazben tolyǵady. Sarbazdar sany kóbeıgen kezde qosymsha vagondar qosylady. Al Almaty baǵytyna attanǵan sarbazdar jolda basqa poıyzǵa otyrǵyzylmaq oıda.

– Elimizde koronavırýs pan­demııasynyń taralýyn aldyn alý maqsatyndaǵy tıisti shekteýlerge baılanysty jolaýshy poıyzdary toqtap tur. Osy sebepti Qorǵanys mınıstri merzimdi qyzmetten zapas­qa shyǵarylǵan áskerı qyz­metshilerdi turǵylyqty meken jaı­laryna temir jol kóligimen tasymaldaý týraly sheshimi shyqty. Tasymaldaý kezinde áskerı tár­tipti jáne sanıtarlyq talaptardy saqtaýǵa jaýapty bolyp áskerı eshelondardyń bastyqtary men áskerı medısınalyq qyzmet­shi­ler taǵaıyndaldy, – deıdi Bas ás­kerı kólik basqarmasy bas­ty­­­ǵy­­nyń orynbasary Qýanysh Kalenov.

Onyń aıtýynsha, jolda olar­dyń qozǵalysyna temir jol ýchas­ke­si men stansalarynyń áskerı komen­danttary baqylaý jasaıdy. Osy­laısha 18 mamyrdan beri el aýma­ǵynda bas-aıaǵy 2 myńǵa tarta mer­zimdi áskerı qyzmetshi turǵy­lyqty mekenjaılaryna attanyp úlgerdi. Bul jumys 23 mamyrǵa deıin jalǵasyp, barlyǵy 6 myń jaýyn­ger óz úılerine oralady.

– Qaraǵandy oblysynan Nur-Sul­tan qalasyndaǵy 68665 áskerı bó­limine Otan aldyndaǵy boryshymdy óteýge shaqyryldym. Eń aldymen, temirdeı tártipti, tózimdi bolýǵa tárbıelegen, qo­lyma qarý ustatqan koman­dır­lerime, serjanttaryma, qasymda bol­ǵan qarýlas baýyrlaryma alǵysymdy bildiremin. Osy bir jyldyń kóleminde biz erjúrek azamat, namysty jigit, qaıratty ulan bolýdy úırendik. Úıde saǵyna kútip otyrǵan áke-sheshem, baýyr-qaryndastarym bar. Týǵan topyraǵyma oralǵan soń da osy áskerı qyzmet salasynda eńbek etýdi kózdeımin, – deıdi zapasqa shyqqan merzimdi qyzmetshi Naý­ryz­baı Ińkárbaı.

О́tken senbiden bastap Qazaq­stan Qarýly Kúshteriniń oqý ortalyǵyndaǵy áskerı qyzmet­shiler, jas mamandar jańadan qyz­met atqaratyn áskerı bólim­derge jetkizildi. 16-17 mamyr kún­deri tasymaldanǵan bul jaýyn­gerlerdiń sany 1 myńnan asyp jyǵylady. Elimizdiń oń­tústik óńir­lerinde ornalasqan bul oqý oryn­darynyń jas mamandary Atyraý, Mańǵystaý, Aqtóbe, Batys Qazaqstan oblys­taryna, Nur-Sultan qalasyna jiberildi.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar