Aımaqtar • 22 Mamyr, 2020

Aqmolada jol sapasy jaqsaryp keledi

6 retkórsetildi

Oblys aýmaǵynda 7 myń shaqyrym jol bar. Eldi-meken ishilik joldardyń uzyndyǵy 5 myń shaqyrym. Oblystyq mańyzy bar 2661 shaqyrym joldyń 78 prosenti talapqa saı.

Búgingi tańda jol qurylysy qarqyn alýda. Áıtse de,  sapasyna basa nazar aýdarý qajet. Jyl saıyn júzdegen shaqyrym jol tóseledi. Alaıda, joldaǵy shuńqyrlardyń jamalyp bitpeıtindigi aıta-aıta jaýyr bolǵan másele. Bıyl oblys aýmaǵyndaǵy jol jóndeý jumystarynyń kólemi eki ese kóbeıdi. Oblys ákimdigi jumys sapasyz bolmas úshin jol jabynyn tekserýdi «Jol aktıvteriniń ulttyq sapa ortalyǵyna» tapsyrǵan.  

– Biz jol jabynynan synama alamyz. Bul – kıorn dep atalady. Mysaly, jobalyq qujattama boıynsha myna jerdegi asfalt qabaty 5 sm-di quraýy tıis. Birden ólshem jasaımyz. Al, jol tóseminiń tyǵyzdyǵy, sý sińimdiligi, qoldanylǵan qıyrshyq tas fraksııasy, bıtýmnyń sapasy tárizdi kórsetkishter zerthanada synalady, – deıdi «Jol aktıvteriniń ulttyq sapa ortalyǵy»  oblystyq fılıalynyń birinshi sanatty laboranty Janat Salyqov.

Joldyń sapasy birinshi kezekte onyń jobalyq-smetalyq qujatta kórsetilgen talaptarǵa saı bolýyna baılanysty.

Asfalt biz biletin joldyń beti ǵana. Jol synamalary qurylys barysynyń barlyq kezeńderinde alynady. Jol tósemine jaratylǵan tas qıyrshyq belilengen qalyńdyqta, tıisti tereńdikte, tıisti fraksııada qoldanylýy tıis. Jol qurylysyn júrgizgen merdiger kelisimshartqa saı bes jylǵa deıin joldyń sapasyna kepildik beredi. Budan bólek, jol sapasyna avtorlyq jáne tehnıkalyq baqylaý júrgiziledi.

– Jyl saıyn avtomobıl joldarynyń qurylysy men qoldanystaǵy joldardy jóndeýge «Qazavtojol», oblys jáne aýdan ákimdikteri at salysady. Bıyl osy maqsatqa 39 mlrd teńge bólindi. Bul qarjy ótken jylmen salystyrǵanda eki ese kóp. 700 shaqyrym jol jóndeledi. Bıyl «Balkashıno-Shańtóbe», «Aqsý-Bestóbe-Izobılnoe», Soltústik Qazaqstan oblysy arqyly ótetin «Elenovka-Chıstopole-Esil» tárizdi oblystyq mańyzdaǵy baǵyttarda jol jóndelýde. Respýblıkalyq mańyzy bar joldarda da qurylys jumystary jalǵasýda. Odan bólek, Qazaqstan men Reseıdiń shekaralas aımaqtary yntymaqtastyǵy forýmyna oraı Kókshetaý qalasynda jol qurylysy qarqyndy júrgizilýde, – deıdi oblystyq jolaýshylar kóligi jáne avtomobıl joldary basqarmasy jetekshisiniń orynbasary Vladımır Kýlakov.

Kóptiń kóńilin kúpti qylǵan joldar negizinen jergilikti mańyzǵa ıe. Qazirgi tańda, osyndaı aýyl arasyn jalǵaǵan 2187 shaqyrym jol bar. Onyń teń jartysy talapqa saı emes.

Sońǵy jańalyqtar

Aqmolada jolǵa jetkilikti mán berilýde

Aımaqtar • Búgin, 09:12

Esilde 45 páterli úı salynýda

Aımaqtar • Búgin, 09:10

«Qazarhıv» basqarmasy qajet

Rýhanııat • Búgin, 08:10

Kaka «Qaıratpen» birge

Fýtbol • Búgin, 08:04

Mamyq-maýsym

Rýhanııat • Búgin, 07:57

Zańdy qaıta qaraý kerek

Saıasat • Búgin, 07:48

Mańyzdy sheshim

Pikir • Búgin, 07:43

Úńgir (úshtaǵan)

Ádebıet • Búgin, 07:17

«Oqyǵan azamattyń» derti...

Ádebıet • Búgin, 07:15

Zulmattyń zardaby aýyr tıdi

Tarıh • Búgin, 07:10

Tarıhtyń taǵylymyna taǵzym

Tarıh • Búgin, 07:07

Endi sol zulmattar qaıtalanbasyn!

Pikir • Búgin, 07:00

Tramp býnkerge tyǵyldy

Álem • Búgin, 06:57

Temirtaýda qazaq baspasózi joq

Qoǵam • Búgin, 06:54

Ár aýyl­dyń óz «Groz­nyıy» bolǵan

Rýhanııat • Búgin, 06:50

Táýelsizdik – eń qymbat qundylyq

Saıasat • Búgin, 06:50

Syrdaǵy egin sýsyz qalýy múmkin

Ekologııa • Búgin, 06:48

Uqsas jańalyqtar