KYI KEShI

Prezıdenttik mádenıet orta­lyǵynyń konsert zalynda kúıshi-kompozıtor Seken Turysbektiń je­­tekshiligindegi “Aq jaýyn” ka­me­­ralyq orkestriniń shyǵar­ma­shylyq konserti ótti. Kesh barysynda oryndalǵan S.Turysbektiń “Kóńil tolqyny” , “Balaýsa”, “Málgájdar”, “Kúl­tegin”, “Daraboz” sııaqty kúıleri, aqyn N.Aıtulynyń óleńderine jazylǵan ánderi tyńdaýshysyn oı men sezim tuńǵıyǵyna tartyp, názik sezimge bóledi. Konsert sońynda Mádenıet mınıstri M.Qul-Muhammed orkestr ujymyna gúl shoqtaryn tapsyryp, óz yqylasyn bildirdi: “Bir shy­ǵarmamen tarıhta aty qalǵan avtorlar bar. S.Turysbektiń bir ǵana “Kóńil tolqyny” kúıiniń qazaq kúı ónerinde erekshe orny bar. “Aq jaýyn” orkestri “Qur­manǵazy”, “Otyrar sazy” orkes­trleri sııaqty ujymy úlken bol­maǵanymen, qazaqtyń kúı ónerin nasıhattaýda tabysty eńbek etip keledi. Burnaǵy jyldary Beıjiń qalasynda, Mońǵolııadaǵy qan­dastarymyzdyń ortasynda ulttyq ónerimizdiń joǵary deńgeıin kórsetip, tyńdarmanyn tánti etip qaıty. Osy keshte sezimdi terbetken tamasha kúılerdiń birazy “Qazaqtyń 100 kúıi” kitabynan oryn alary sózsiz.” – dedi. Adamnyń jan dúnıesin kúımen áldılegen S. Turysbektiń ónerine: Táńirdiń syılyǵyndaı sendegi óner, Qyzyǵyn fánıdegi pende kórer. Shanaqta shalqar teńiz úıirilip, Ushynda saýsaǵyńnyń dóń­gelener, – dep N.Aıtuly súı­sin­gendeı, oǵan ónerdiń bıik asýlaryn baǵyndyrýda aq jol tileımiz. “Egemen-aqparat”. ASTANA.