Rýhanııat • 22 Mamyr, 2020

«El ishi – óner kenishi» konserti ótti

84 ret kórsetildi

Mádenıet jáne óner qyzmetkerleriniń kúni – týǵan jerimizdiń rýhanı damýyna jáne baı mádenı muramyzdy dáripteýge zor úles qosyp júrgen jandardy biriktirgen shyǵarmashylyq adamdaryna degen aıryqsha qurmettiń belgisi. Osy oraıda Nur-Sultan qalasy ákimdiginiń Memlekettik akademııalyq fılarmonııasynyń qyzmetkerleriniń qatysýymen  «El ishi – óner kenishi» merekelik onlaın konsert ótti.

Karantınge baılanysty kóptegen mádenı sharalar kópshilikpen bir alańda toılanbasa da, zamanaýı tehnologııalardyń kómegimen onlaın túrde kórmenderi men tyńdarmandaryna tartý etilýde. Saltanatty keshte fılarmonııa ujymy barsha úzeńgiles áriptesterin kásibı merekemen quttyqtap, jyrdan shashý shashty.

– Mádenıet – adam jasaǵan «ekinshi tabıǵat». Mádenıet – jeke adamnyń ómir súrý maqsaty men qundylyq júıesi, adamnyń ómir súrgen ortamen qarym-qatynasy. Ol - ózara qarym-qatynas nátıjesinde qalyptasatyn erekshe qubylys, óner. Sondyqtan óner men mádenıet – egiz uǵym. Búginde mádenıet qyzmetkerleri – aınalasyn dýmanǵa bóleı biletin san qyrly talant ıesi jáne jan dúnıesi baı, naǵyz óz isiniń maıtalman sheberi retinde ónerge berilgen azamattar. Merekege oraı ótkizgen dýmandy keshimizdi barsha qazaqstandyqtarǵa arnaımyz, – dedi ansambltdiń kórkemdik jetekshisi Toǵjan Jahın. 

Keshte Qurmanǵazynyń «Balbyraýyny» asqaqtap, N. Tlendıevtiń «Aqqýy» mamyrlady. Sonymen birge Sh. Qaldaıaqovtyń «Stýdentter áni», K. Kúmisbaevtiń «Bıshi qaıyńy», Á.Beıseýovtiń «Shaqyrady Kóktem» áni shyrqalyp, ánsúıer qaýymnyń kóńiline qanat bitirdi.

Tuńǵysh Prezıdent – Elbasy N.Á. Nazarbaev «Eń senimdi valıýta – adamnyń eńbegi, muny este saqtaý kerek» degen bolatyn. Tarıhymyzdyń ótkeni men búginin sabaqtastyra bilip, keleshekke rýhanı-mádenı muramyzdy jetkizip, odan ári gúldenýine, ónerimizdiń asqaqtaýyna qyzmet etip júrgen ortanyń biri – Nur-Sultan qalasy ákimdiginiń Memlekettik akademııalyq fılarmonııasy. Mádenı oshaq 11 baǵyttaǵy shyǵarmashylyq topty qamtıdy.  Qazaq orkestri, sımfonııalyq orkestr, úrmeli orkestr, ishekti kvartet, kameralyq hor, «Saryarqa» folklorlyq ansambli , «Shalqyma» halyq bı ansambli, 75 shyǵarmany úzilissiz oryndap, «Gınnnes»rekorttar kitabyna engen – «Qorqyt» etno-ansambli, klassıkalyq jáne estradalyq vokal bólimi, dástúrli halyq áni bólimi, «Álem» estradalyq bı ansambli elimizge tanymal óner maıtalmandarynan quralǵan.  

 

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar