Aımaqtar • 25 Mamyr, 2020

Aqmolalyq stýdentter jumys istegisi keledi

9 ret kórsetildi

«Eńbek» nátıjeli jumyspen qamtý jáne jappaı kásipkerlikti damytý baǵdarlamasy aıasynda qalalyq jumyspen qamtý ortalyǵy aqy tólenetin qoǵamdyq jumystarǵa qabyldaýdy júzege asyrady.

Búginde nıet bildirgen stýdentterdiń qarasy kóp. Sáýir aıynan bastap jumysqa ornalasýǵa 30-dan astam jas ótinim bergen. Olardyń barlyǵy da kelisilgen memlekettik mekemelerde jumystaryn bastap ketti.

– Stýdentter ótinim berý úshin jeke kýáligin, oqý ornynan anyqtama jáne bankten esepshot ashqandyǵy týraly arnaıy qaǵazyn ǵana tapsyrýy qajet. Jumysqa ornalasý úshin arnaıy bilimniń qajeti joq, olar kómekshi retinde memlekettik mekemelerge qujattardy óńdeý jumystary boıynsha qyzmetke ornalasa alady,–deıdi Kókshetaý qalalyq jumyspen qamtý ortalyǵynyń mamany Gúlnár Tátenbaeva.

Tomırıs 1-kýrs stýdenti. Nur-Sultan qalasynda Eýrazııa Ulttyq ýnıversıtetiniń ǵylymı geografııa mamandyǵynda oqıdy. Jazǵy demalysyn tıimdi ótkizeıin degen maqsatpen jumyspen qamtý ortalyǵyna ótinim bergen. Memlekettik tapsyrystar jónindegi  basqarmaǵa jumysqa ornalasqan.

– Keshe ótinim berýge kelip, birden kelisimge otyrdym. Erteń jumysqa kirisemin. Bul men sııaqty qarapaıym stýdent úshin úshin bir jaǵynan úlken tájirıbe,  ekinshiden bolashaqta kez-kelgen salada qyzmet atqara alatyn maman bolýyma da kómektesedi dep oılaımyn,–deıdi stýdent Tomırıs Mýtallapova.

Qoǵamdyq jumystardyń merzimi – 7 aı. Eńbek aqysy 57375 teńgeni quraıdy. 16 men 18 jas aralyǵyndaǵy stýdentter nemese joǵary synyp oqýshylary ata-ananyń kelisimi kórsetilgen hattamany tapsyrýlary qajet. 

 

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar