Aımaqtar • 25 Mamyr, 2020

Joldybaıdaǵy jol jóndelmeı tur

9 ret kórsetildi

Bıyl oblystaǵy joldardy jóndeý jumystaryna 39 mlrd teńge bólindi. Bul ótken jylmen salystyrǵanda eki ese kóp.

О́ńirde 700 shaqyrym jol jóndelýde. Jalpy kólemi 7 myń shaqyrymnan asady. Jol qurylysyna qyrýar qarjy bólingenimen,  shaǵyn aýyldardyń qatynasy qıyndap keledi. Bólingen qarjynyń deni oblystyq mańyzdaǵy joldarǵa jumsalýda. 

Iri óndiristik nysany joq nemese halyq sany 15 myńǵa jetpeıtin eldi mekenderdiń kezegi keler emes. Al, jyl ozǵan saıyn mundaı aýyldardyń quty qashyp, halqy qonys aýdaryp jatyr. Kókshetaýdan 60 shaqyrym jerdegi Joldybaı aýylynyń joly myń shuńqyr. 

Jol jaısyz bolǵan soń tirshiliktiń de qyby kelispeıtini belgili. Osy mańaıdaǵy Barataı, Aqan, Bulaq turǵyndary greıderden góri qyr aralaǵan qara jolmen júrgendi jón kóredi. Júris jyldam, kóliktiń de synýy az. Alaıda, kóktemgi aǵyn sý eki joldy da shaıyp, Joldybaıdy baılanyssyz qaldyrypty.

–«Nurly kósh-Sımferopol-Joldybaı» baǵytyndaǵy jol oblystyq mańyzy bar baǵyttyń biri. Bıyl joldy jóndeýge qajetti jobalyq-smetalyq qujatqa tapsyrys berilmek. 2021 jyly Joldybaıǵa jańa jol salynady dep josparlap otyrmyz,–deıdi oblystyq jolaýshylar kóligi jáne avtomobıl joldary basqarmasy jetekshisiniń orynbasary Vladımır Kýlakov.

Joldybaı joly bolǵan aýyldar qatarynan tabyldy. Búginde oblystyq mańyzy bar joldyń 78 prosenti jóndelgen. Al, óńirdegi aýyl joldary 2187 shaqyrym. Onyń teń jarymy qanaǵattanarlyq jaǵdaıdaǵy jergilikti mańyzy bar jol sanatynda.

 

Aqmola oblysy.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar