• 30 Qyrkúıek, 2013

Hokkeı. «Barys» Mınskide «Dınamony» jeńdi

300 ret

kórsetildi

1 mın

oqý úshin

Egemen Qazaqstan

01-10-13-hokkey-minsk-1

Astananyń «Barysy» Qurlyqtyq hokkeı lıgasy chempıonatynda 30 qyrkúıek kúni túnde Belarýstiń astanasy – Mınsk qalasynda jergilikti «Dınamomen» kezdesip, alań ıelerin 5:2 (1:0, 3:2, 1:0) etip jeńdi. Bul týraly Vesti.kz tilshisi habarlady. Match «Mınsk-Arena» stadıonynda ótti. Onda birinshi bolyp 5-mınýtta Talǵat Jaılaýov esep ashty. Alań ıeleri buǵan ekinshi kezeńde ǵana jaýap qaıtara aldy. Olar esepti teńestirip qana qoımaı, tipti alǵa da shyǵyp ketti. Muny bizdiń Vıtalıı Eremeev qorǵaǵan qaqpaǵa bir mınýttyń ishinde eki shaıba salǵan Oleg Goroshko pen Alekseı Efımenko jasady. Alaıda, «Barystyń» shabýylshysy Brendon Bochenskı salǵan eki shaıba taǵy da qonaqtardy alǵa shyǵardy. Al Roman Starchenkonyń goly aıyrmany eki shaıbaǵa deıin jetkizdi. Sońǵy kezeńde astanalyqtar mınskilikterdiń Lars Haýgen qorǵaǵan qaqpasyn taǵy bir márte dál kózdedi. Ony taǵy da Brendon Bochenskı túsirip, het-trık jasady. Osy jeńisten keıin upaı sanyn 24-ke jetkizgen «Barys» Shyǵys konferensııasyndaǵy top bastaýshylyq rólin ózine qaıtaryp aldy. Ol osynyń aldynda ǵana aldyn orap ketken Qazannyń «Aq Barysyn» taǵy 1 upaımen artta qaldyrdy. Buǵan qosa, astanalyqtardyń odan bir oıyny kem. «Barys» kelesi oıynyn 2 qazan kúni Máskeýde «Spartakqa» qarsy ótkizedi. Oıyn Astana ýaqytymen saǵat 21:30-da bastalady. Damır Qojamqul.