Konferensııany ashqan Qazaqstan halqy Assambleıasy Tóraǵasynyń orynbasary Janseıit Túımebaev Qazaqstannyń Tuńǵysh Prezıdenti Elbasy Nursultan Nazarbaevtyń saıası qýǵyn-súrgin qurbandaryna tarıhı ádilettilikti qalpyna keltirýdegi kóp jyldyq qyzmetin atap ótti.
«О́z tarıhyn umytpaıtyn, baǵalaıtyn jáne maqtan tutatyn halyqtyń bolashaǵy zor. О́tkenge qurmetpen, búginine pragmatıkalyq baǵa berip, bolashaqqa senimmen qaraý – elmizdiń jańa jetistikteriniń kilti » - ekenin Nursultan Nazarbaev basa aıtqandaı, Qazaqstannyń tarıhı jadyna qatysty saıasat eshkimge qarsy baǵyttalmaıdy, biraq bizdiń qoǵamnyń ishki rýhanı jumysynyń órisi bolyp tabylady.
Elbasynyń etnosaralyq qatynastar salasyndaǵy saıasatynyń negizi de osy boldy », - dedi Janseıit Túımebaev.
Prezıdent Ákimshiligi basshysynyń birinshi orynbasary Dáýren Abaev saıası qýǵyn-súrgin men asharshylyqtyń Qazaqstanǵa áseri týraly aıtty.
«Bul qoldan jasalǵan tragedııa qazaq halqynyń genofonyna orasan zııan keltirdi, ata-babalarymyzdyń ǵasyrlyq jolyn kúshtep ózgertti, ómir súrgen urpaqtarynyń júreginde tereń iz qaldyrdy. (...) Sol jyldardaǵy taǵy bir qasiret búkil ulttardyń jer aýdarylýy boldy. Qazaq jerinde olar jańa otanyn tapty jáne búginde birtutas Qazaqstan halqynyń quramdas bóligi bolyp tabylady.
Sol jyldary jeke adamdardyń, bılik ókilderiniń teris áreketteriniń saldarynan Keńes Odaǵynyń qanshama etnıkalyq toptary zardap shekti. О́tken oqıǵalardy jadymyzda saqtaı otyryp, biz bolashaqtyń jańa progressıvti tarıhyn jasaı alamyz, onyń qundylyǵy ár adamnyń ómiri », - dedi Dáýren Abaev.
El táýelsizdiginiń alǵashqy kúnderinen bastap Nursultan Nazarbaev sol jyldardaǵy tarıhı oqıǵalardy este saqtaýǵa erekshe kóńil bólip otyrǵanyn jáne Memleket basshysy Qasym-Jomart Toqaev bul baǵytty jalǵastyryp kele jatqanyn aıtty ol.
Internet-konferensııaǵa Reseı halyqtary Assambleıasy Keńesiniń tóraǵasy, Eýrazııa halyqtary Assambleıasynyń Bas hatshylyǵynyń meńgerýshisi S.Smırnova, Belarýs Respýblıkasy Ulttyq jınalysy О́kilder palatasynyń depýtaty P.Jdanovıch, Reseı gýmanıtarlyq ǵylymdar ýnıversıtetiniń prezıdenti, Reseı ǵylym akademııasynyń korrespondent-múshesi jáne tarıh ǵylymdarynyń doktory E. Pıvovar, ssenarıst, rejısser, «ALJIR» Otan satqyndary áıelderiniń Aqmola lagerindegi tutqynnyń nemeresi L. Frenkel D. Vıolına, Qazaqstan Respýblıkasy Prezıdentiniń Muraǵatynyń dırektory D.Ábdikadyrov, Qazaqstan Respýblıkasy Parlamentiniń depýtattary, qazaqstandyq jáne sheteldik ǵalymdar men sarapshylar, qýǵyn-súrginniń urpaqtary, QHA músheleri, ǵylymı jáne shyǵarmashylyq zııaly qaýym ókilderi, Assambleıanyń ǵylymı-saraptamalyq qaýymdastyǵy, memlekettik organdar men etnomádenı birlestik ókilderi qatysty.
