Prezıdent Qasym-Jomart Toqaev ınspektor Súndetov Orynbektiń uzaq jyldary boıy qorshaǵan ortany qorǵaýǵa, brakonerlik pen zań buzýshylyqqa qarsy kúreske kúsh-jigerin jumsap, elimizdiń tabıǵı baılyǵynyń saqtalýy men molaıýyna úlken úles qosqanyn erekshe atap ótti.
Orynbek Súndetov on alty jyl boıy Atyraý óńiriniń florasy men faýnasyn qorǵaýda. Ol eńbek jolyn Oral-Kaspıı oblysaralyq basseındik balyq sharýashylyǵy basqarmasynan bastap, búginde Atyraý oblystyq orman sharýashylyǵy jáne janýarlar dúnıesi aýmaqtyq ınspeksııasynyń Teńiz ınspeksııasynda bas mamany qyzmetin atqarýda.
Memleket basshysynyń tapsyrmasymen 2019 jyly brakonerlik úshin jazany qatańdatý boıynsha Qylmystyq, Qylmystyq-prosestik kodeksterine ózgertýler engizilip, tabıǵat qorǵaý ınspektorlardyń quzyreti keńeıip, qajetti materıaldyq-tehnıkalyq bazasy jańartylýda.
«Tabıǵatty qorǵaýǵa bar kúsh-jigerin aıanbaı jumsaıtyn Orynbek Kenjeǵalıuly sekildi azamattardyń arqasynda Qazaqstannyń janýarlar men ósimdikter dúnıesi saqtalýda», - dep atap ótti Ashat Qaınarbekov.
