Qoǵam • 04 Maýsym, 2020

QMDB: Karantın kezinde 320 onlaın dáris ótti

10 ret kórsetildi

Naýryzdyń basynda QMDB Tóraǵasy, Bas múftı Naýryzbaı qajy Taǵanuly eldegi tótenshe jaǵdaı talabyn eskere otyryp, múftııat tarapynan júrgizilip kelgen dáristerdi onlaın rejımge kóshirý jaıly tapsyrma bergen bolatyn. Soǵan saı Dinı basqarma janyndaǵy «Hıkmet» stýdııasy tótenshe jaǵdaı kezinde elge belgili ımam-ustazdardyń dárisin onlaın taratýdy bastap ketti, dep habarlady QMDB baspasóz qyzmeti.

Bas múftı Naýryzbaı qajy Taǵanuly tótenshe jaǵdaı kezinde juma nasıhatyn kórermenge tikeleı efırde jetkizdi. Odan bólek «Islam ádebi», «Qurandaǵy qıssalar», «Paıǵambarlar tarıhy», «Islam tarıhy», «Sóıleý ádebi» jáne «40 hadıs dáristeri» syndy kúndelikti ýaǵyz-nasıhat LIVE rejıminde ótti. Osy kúnge deıin Dinı basqarmadaǵy ustazdardyń tek youtube jelisinde 80-ge jýyq dárisi usynyldy. Bas múftıdiń ár apta saıyn bolatyn juma nasıhaty tikeleı efırden 12 ret kórsetildi. Sonymen qatar QMDB Ramazan aıynda da onlaın jobalardy toqtatqan joq.

Kún saıyn QMDB-nyń bólim basshylary men meshit ımamdary «30 kúnge 30 suhbat» onlaın suhbat jobasy boıynsha ýaǵyz-nasıhat aıtty. О́ńirdegi ókildikterdiń de youtube arnalarynan 120 onlaın suhbat ótti. Dinı basqarmanyń muftyat.kz saıtynda kún saıyn Ramazan aıyna qatysty maqalalar men suhbattar, jańalyqtar jarııalandy. Sonymen qatar ramadan.muftyat.kz saıty iske qosylyp, barlyq aqparattar men suraqtar atalǵan saıtta jarııalandy.

Dinı basqarmanyń youtube jáne Instagram paraqshalary arqyly 320 onlaın dáris ótkizildi. Muftiyatkz Instagram paraqshasy arqyly kún saıyn «Erkin áńgime» jobasy kórermen nazaryna usynyldy. Tikeleı efırge Dinı basqarmanyń ár aımaqtaǵy bas ımamdary men belgili ustazdar ýaǵyz-nasıhat aıtyp, jeli qoldanýshylarynyń suraǵyna jedel túrde jaýap berdi.

Bas múftı Naýryzbaı qajy Taǵanulynyń bastamasy boıynsha elimizdiń ár óńirinde ımamdar men qarılardyń atsalysýymen bir aı boıy onlaın Quran hatym oqyldy. Qasıetti Qadir túni «Myń aıdan da qaıyrly Qadir túni» atty eki saǵattyq onlaın baǵdarlama uıymdastyryldy. Tikeleı efırde ótken jobaǵa Bas múftı arnaıy qatysyp, Quran hatym duǵasyn jasady.

Sonymen qatar elge belgili ustazdar qasıetti Qadir túniniń mańyzyna toqtalyp, taǵylymdy suhbat órbitti. Dinı basqarma Oraza aıt qarsańynda da arnaıy baǵdarlama usyndy. QMDB tóraǵasy Naýryzbaı qajy Taǵanuly barsha musylman jamaǵatyn ulyq merekemen quttyqtap, ıgi tilegin jetkizdi. Atalǵan joba barysynda el aǵalary da Oraza aıtpen quttyqtasa, ımam-ustazdar osynaý ulyq kúnniń qasıeti týrasynda áńgime órbitti.

Qaıyrymdylyq – dinı basqarma jumysynyń bir baǵyty. Karantın kezinde ıgi ister irkilmeı, jalǵasyn tapty. «Zeket» qory muqtaj jandardyń ótinishin onlaın qabyldady. Sonymen qatar jer-jerde «Zeket» qory men meshitterdiń uıytqy bolýymen aýyzashar qorjyndary uıymdastyryldy.

Aıta keteıik, elimizde tótenshe jaǵdaı aıaqtalǵanymen, indettiń qaýpi seıilgen joq. Osyny eskergen QMDB tikeleı efırdegi dáristerdi jalǵastyryp jatyr.

Sońǵy jańalyqtar

Indetpen kúres jalǵasa beredi

Qoǵam • Búgin, 11:54

Atyraýǵa 470 túrli dári-dármek keldi

Aımaqtar • Búgin, 11:23

Búgin – Jalpyulttyq aza tutý kúni

Vıdeo • Búgin, 10:59

COVID-19-dan barlyǵy 375 adam qaıtys boldy

Koronavırýs • Búgin, 08:54

Shırek fınaldyń jerebesi tartyldy

Fýtbol • Búgin, 07:42

Alǵashqy qadam sátsiz bastaldy

Sport • Búgin, 07:38

Jaýapkershilik tanytaıyq

Pikir • Búgin, 07:35

Ekologııalyq bilim berý mańyzdy

Pikir • Búgin, 07:33

Tabıǵatty aıalaýǵa úıreteıik

Ekologııa • Búgin, 07:30

Otandyq óndiris kólemi artady

Medısına • Búgin, 07:19

Atyraýǵa jedel járdem kerek

Aımaqtar • Búgin, 07:13

«Bireýdiń kisisi ólse, qaraly ol»

Qoǵam • Búgin, 07:05

Jańa pán engizýdi quptaımyn

Pikir • Búgin, 07:05

Jahandyq IJО́ 5,5 paıyzǵa tómendeıdi

Ekonomıka • Búgin, 06:55

Qarǵa adym jer muń bolǵan...

Qoǵam • Búgin, 06:40

Aınalma jol azaptan qutqarady

Qoǵam • Búgin, 06:37

Aııa Sofııada azan shaqyrylady

Rýhanııat • Búgin, 06:35

Jahan koronavırýs qursaýynda

Álem • Búgin, 06:30

9 oıynshymen kelisimshartyn uzartty

Sport • Búgin, 06:30

Úkimet Atyraý oblysyna kómektesedi

Prezıdent • Búgin, 06:29

Uqsas jańalyqtar