«Shyn máninde NNN syndy kodtyń túrli nusqalary usynyldy. Bul kod halyqaralyq IATA uıymymen kelisiledi. Kelesi qadam - Atyraý (GUW), Aqtaý (SCO) syndy ózge qalalardyń áýejaılaryndaǵy kodty ózgertý. Bul kodtar keńestik zamannan qalǵan. Osy baǵytta IATA uıymymen birlesip, jumys isteýdi josparladyq», - dedi Talǵat Lastaev.
Onyń aıtýynsha, IATA uıymynyń negizgi talaby - áýejaılarǵa bir ret turaqty kod berý jáne ony ózgertpeý.
«Biz óz tarapymyzdan argýmentter keltirip, júıeli túrde IATA qaǵıdalaryna ózgeris engizdik. Buǵan deıingi qararda kodtyń ózgertilmeıtini aıtylsa, qazir belgili bir jaǵdaıda ózgertýge bolatyny týraly ózgeris engizildi. Iаǵnı, biz barlyq memleketterge múmkindik ashyp berdik. Olar da kórsetilgen talaptardy saqtaı otyryp, kodtaryn ózgerte alady. Biz muny Qazaqstan úshin ǵana jasaǵan joqpyz», - dedi ol.
