QPO áriptestiktiń arqasynda jergilikti kompanııalar óndiris kólemin arttyrdy, ozyq tehnologııalarmen almasýdy júzege asyrdy, sondaı-aq konsorsıýmdar men birlesken kásiporyndar qurý úshin seriktester taba aldy. Indýstrıaldy-ıntellektýaldyq damýdyń jańa satysyna kóterilgen olar endi Qazaqstandaǵy iri munaı-gaz jobalaryn iske asyratyn suranysqa ıe merdigerler boldy jáne ári qaraı da óz qyzmetin keńeıtýge daıyn.
2019 jylǵy sáýirden bastap QPO Bonattı konsorsıýmy – «Montajarnaýlyqurylys» kompanııasy AQ-men birge ÝKPG-2 gazdy keri aıdaýdyń tórtinshi kompressory jobasyn iske asyrý úshin kelisimshart jasasty. Bul joba jetegi arttyrýshy berilis, MS5002D gaz týrbınasy jáne qurǵaq kúkirt gazyn paıdalanatyn nyǵyzdaýyshtyń ilespe júıesi bar báseńdetkish arqyly qosylǵan úsh satyly ortadan tepkish kompressory bar kompressordyń bóligi.
Jergilikti dánekerleýshilerdiń kópshiligin qatystyra otyryp, Ǵ22 materıalynan jasalǵan qabyrǵanyń arttyrylǵan qalyńdyǵyn qubyrlyq baılaý arqyly dánekerleý kezinde, osy kúrdeli jumysqa tartý kóp mindettiń biri bolatyn. Konsorsıým jumysty qaýipsiz oryndaý, eńbek tıimdiligi men óndirimdiligin arttyrý daǵdylaryn damytý maqsatynda jergilikti mamandardy oqytýǵa kiristi.
Konsorsıým maqsatqa jetý úshin 2019 jyldyń jeltoqsanynda Tuńǵysh aýylyndaǵy (Bórli aýdany) óndiristik bazasynyń aýmaǵynda Ǵ22 materıalynan qubyrlyq baılaý arqyly dánekerleý úshin, doǵalyq dánekerleýdiń jartylaı avtomatty pisirý apparatyn qosa otyryp, barlyq qajetti qural-jabdyqty jınady. Al 2020 jyldyń aqpanynda jergilikti dánekerleýshilerdi, sonyń ishinde doǵalyq dánekerleý apparatynyń operatorlaryn ıntensıvti kásibı oqytý kýrsyn iske qosty. Qazirgi kezde oqytý qorytyndysy, biliktilik baǵasy jáne júrgizilgen synaqtar boıynsha konsorsıým qolmen dánekerleýdiń 35 jergilikti dánekerleýshisin, tórt jergilikti operatordy daıarlap shyqty. Olardyń bári qazir jobaǵa tartylǵan.
Osy konsorsıýmdy qurý bastamasy QPO-nyń qazaqstandyq óndirýshilermen tabysty áriptestiginiń, sondaı-aq Qarashyǵanaq jobasyndaǵy jergilikti qamtýda úlesin arttyrýdyń taǵy bir úlgisi.
Búginde QPO birlesken kásiporyndar men korsorsıýmdar qurý úshin sheteldik kásiporyndar arasynan seriktester izdeýde, jergilikti óndirýshi kompanııalarǵa eleýli kómek kórsetip otyr. Mundaı seriktestik qosymsha jumys oryndaryn qurýǵa, tehnologııalarmen almasýǵa, Qazaqstanda jańa óndiristerdi damytýǵa septigin tıgizedi, jergilikti kompanııalarǵa jumys pen qyzmetterdiń halyqaralyq standarttarǵa sáıkestigin qamtamasyz etýge múmkindik beredi. Bárimizge belgili, joǵary sapa keleshekte satylatyn ónimdi halyqaralyq naryqqa shyǵarýdyń múmkindikterin týǵyzady. 2020 jyldyń birinshi toqsanynda QPO taýarlar men qyzmetterdi jetkizý kelisimsharttaryndaǵy jergilikti qamtý úlesi 59%-ǵa jetkenin atap ótken jón.
Arman QUSAIYNOV
