"Almaty oblystyq soty tóraǵasynyń ókimi negizinde ǵımaratta belsendi dezınfeksııalyq óńdeý jumystary júrgiziledi. Sot ǵımaratyna bógde adamdardyń kirýine ruqsat etilmeıdi. Oblystyq sottyń barlyq qyzmetkerleri jeti kún úı karantınine oqshaýlanady. Oblystyq sottyń jumysy onlaın rejımde qashyqtyqtan qamtamasyz etile otyryp ýaqytsha toqtatylady", - dep jazylǵan habarlamada.
Sot isterin qaraý keıinge shegeriledi. Sot otyrystarynyń taǵaıyndalǵan kúni men ýaqyty týraly isterge qatysy bar taraptarǵa qosymsha aqparat joldanady.
"Qysqa merzimde qaralýy tıis is materıaldary, ıaǵnı Qylmystyq-prosessýaldyq kodeksiniń(ary qaraı- QPK) 107-baby negizinde qaralatyn materıaldar Taldyqorǵan qalalyq sotynyń ǵımaratynda sýdıamen qashyqtyqtan qaralatyn bolady. Shekteý sharalarynyń merzimi men rejımi COVID-19 koronovırýstyq ınfeksııasynyń taralý jaǵdaıyna sáıkes ózgertilýi múmkin", - delingen Almaty oblystyq soty taratqan aqparatta.
