Birneshe adammen birge qalalyq prokýratýra ǵımaratynyń aldyna kelgen Danııar Injıǵalıev tikeleı efırge qosylǵan kamera aldynda "ózin jergilikti polısııa qyzmetkerleri negizsiz qýdalap júrgenin, 7 jylǵa qamaý nemese 3 jylǵa deıin úı qamaǵyna alýy múmkin ekenin, biraq ózine qatysy joq is boıynsha jaza tartqysy kelmeıtinin" aıtyp, qoınyna qysyp kelgen plastık bótelkedegi janǵysh suıyqty óz ústine quıyp jibergen. Sosyn olaı jasamaýyn surap arasha túsken adamdardyń áreketine qaramastan ottyǵyn tutatyp, óz ústine ot qoıǵan.
Abyroı bolǵanda oqıǵa ornyna jetip úlgergen polısııa qyzmetkerleri Danııardyń kıimin sheship, ózin qutqaryp úlgerdi. Aldyn ala málimet boıynsha Danııardyń moıny, qaryn tusy, qoldary kúıgen. Qalalyq aýrýhanada oǵan dárigerlik kómek kórsetilgen, ómirine qaýip tónip turǵan joq dep habarlady resmı oryndar.
Oral qalalyq prokýrorynyń orynbasary Artýr Shoqpanov D.Injıǵalıevtiń ústinen "alaıaqtyq" jáne "bılik ókilin balaǵattaý" baptary boıynsha qylmystyq is qozǵalǵanyn, biraq ol ózine taǵylǵan aıyptan qutylý, jaýapkershilikten jaltarý úshin buǵan deıin de "ózimdi ózim óltiremin, órteımin" dep qorqytqanyn málimdegen.
Batys Qazaqstan
