– Qazirgi qazaqstandyq kásipqoı boksshylardyń nátıjelerine kóńilińiz tola ma?
– Iá, kóńilim tolady. Keremet. Kóbi óz kúshterimen shyńǵa shyǵýda. Qazaqstannyń qoldaýynsyz.
– Kásipqoı bokstan elimizdiń eń úzdik on boksshyny atasańyz.
– Men olar úshin qýanyshtymyn. Myna boksshylardy atap ótsem: 1. Gennadıı Golovkın (40-1-1); 2. Qanat Islam (27-0-21); 3. Jankosh Turarov (24-0-17); 4. Beıbit Shúmenov (20-2-18); 5. Batyr Júkembaev (18-0-14); 6. Álı Ahmedov (16-0-12); 7. Bahtııar Eıýbov (14-1-2); 8. Meıirim Nursultanov (13-0-8); 9. Bekman Soılybaev (12-0-4); 10. Rýslan Madıev (12-1-5).
– Sizge Qazaqstan atynan usynys joldanyp, kásipqoı boksshylardy daıyndaýǵa shaqyrsa, qabyl alasyz ba?
– Árıne eger meniń de usynystarym eskerilse, Qazaqstanda jattyqtyrýshy bolýǵa qýana keliser edim.
– Kóptegen boksshy sizben kezdesýden bas tartty. Solardyń ishinde Roı Djons, Maık Taıson, Evender Hollıfıld bar. Taǵy da kimderdi atar edińiz?
– Iá, kóptegen boksshy menimen kezdesýden bas tartatyn. Jekpe-jekke eki saǵat qalǵanda, eki boksshydan tórt boksshyǵa deıin aýysyp ketetin. Keshirińiz, biraq qazir olardyń esimderi esimde joq.
– «Balqash jolbarysy» degen laqap atty ne sebepti tańdadyńyz?
– Bile bilseńiz, men Balqash qalasynda týyp-óstim. Buryn sol Balqashta jolbarystar ómir súrgen deıdi. Qazir olar joıylyp ketken. Bir jazýshy men jaıly jazǵan kezde meniń rıngtegi qımyl-qozǵalysymdy jolbarysqa teńegen eken. Sol ýaqytta men ózime laqap at qarastyryp júrgenmin. Osy laqapty ózime laıyq kórip «Balqash jolbarysy» dep atadym.
– Qazir nemen aınalysasyz?
– Qazir jattyqtyrýshymyn. Áýesqoı boksshylardy, ózi úshin bokspen aınalysqysy keletin, densaýlyǵyn nyǵaıtqysy keletin jandardy jattyqtyramyn.
– Sharshy alańdy saǵynbaısyz ba?
– Saǵynyp júrmin dep aıta almaımyn. Bokstan keterde jan-jaqty oılanyp, barlyǵyn eseptep ketkenmin.
– О́zińiz týraly taǵy ne aıtar edińiz?
– О́mir jalǵasyp jatyr, ıaǵnı tiri adam tirshiligin jasaıdy... Jeke otbasym jaıly málimet bere almaımyn. Ol tek ózime ǵana tıesili dúnıe.
– Salystyrmaly túrde qazaqstandyq jáne amerıkalyq boksshylardyń aıyrmashylyǵy qandaı?
– Amerıkalyq boksshylarda aıtarlyqtaı jiger joq, biraq esepteri myqty. Al qazaqstandyq boksshylarda jeńiske degen qulshynys óte joǵary.
Áńgimelesken
Aıbek MUQANOV,
jýrnalıst,
arnaıy «Egemen Qazaqstan» úshin
