Qazaqstan Respýblıkasyna shet elden qaıta bastalǵan halyqaralyq turaqty avıareıstermen kelgen adamdarǵa qatysty shekteý sharalary Qazaqstan Respýblıkasynyń úkimettik delegasııalaryn; Qazaqstan Respýblıkasy Syrtqy ister mınıstrliginiń shaqyrýy boıynsha Qazaqstan Respýblıkasyna keletin shet memleketterdiń jáne halyqaralyq uıymdardyń resmı delegasııalarynyń múshelerin; Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerlerin jáne olardyń otbasy múshelerin; avıakompanııalar ekıpajdaryn qospaǵanda, osy qaýlyǵa 44-qosymshaǵa sáıkes júrgiziledi.
Halyqaralyq tranzıtpen júretin jolaýshylar sońǵy mejeli orynda shekteý sharalaryn júrgizýge jatady.
1.2) Qazaqstan Respýblıkasyna shet elden turaqty emes avıareıstermen kelgen adamdarǵa qatysty shekteý sharalary mynadaı tártippen júrgiziledi: Qazaqstan Respýblıkasynyń úkimettik delegasııalaryn, Qazaqstan Respýblıkasy Syrtqy ister mınıstrliginiń shaqyrýy boıynsha Qazaqstan Respýblıkasyna keletin shet memleketterdiń jáne halyqaralyq uıymdardyń resmı delegasııalarynyń múshelerin; Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerlerin jáne olardyń otbasy múshelerin; avıakompanııalar ekıpajdaryn; Qazaqstan Respýblıkasynyń Memlekettik shekarasyn kesip ótý kezinde alynǵan sátten bastap 5 táýlikten aspaıtyn ýaqyt ótken PTR ádisimen zerthanalyq tekserýdiń teris nátıjesi bar COVID-19-ǵa tekserý týraly anyqtama bergen adamdardy qospaǵanda, Qazaqstan Respýblıkasyna shet elden turaqty emes avıareıstermen kelgen barlyq adamdar COVID-19-ǵa zerthanalyq tekserý júrgizý úshin 2 táýlikke deıin karantındik stasıonarda oqshaýlaýǵa jatady.
"SOVID-19-ǵa zerthanalyq tekserý nátıjelerin alǵannan keıin oń nátıjesi bar adamdar ınfeksııalyq stasıonarǵa aýystyrylady, SOVID-19-ǵa teris nátıjesi bar adamdarǵa osy qaýlyǵa 33-qosymshaǵa sáıkes tıisti qolhat alyna otyryp, COVID-19 yqtımal sımptomdary týraly túsindirý júrgiziledi. COVID-19-dy joqqa shyǵarmaıtyn belgileri bar adamdar karantındik stasıonarǵa emes, provızorlyq stasıonarǵa emdeýge jatqyzylady", delingen qujatta.
Sondaı-aq Qazaqstan Respýblıkasynyń Memlekettik shekarasyn kesip ótý kezinde alynǵan sátten bastap 5 táýlikten aspaıtyn ýaqyt ótken PTR ádisimen zerthanalyq tekserýdiń teris nátıjesi bar COVID-19-ǵa tekserý týraly anyqtama bergen adamdar COVID-19-ǵa zerthanalyq tekserý júrgizý úshin 2 táýlikke deıin karantındik stasıonarda oqshaýlanbaıdy. Olarǵa osy qaýlyǵa 33-qosymshaǵa sáıkes tıisti qolhat alyna otyryp, COVID-19 yqtımal sımptomdary týraly túsindirý júrgiziledi.
