«2015 jyly Úkimet bekitken jekeshelendirýdiń 2016-2020 jyldarǵa arnalǵan keshendi josparynda 167 kompanııa qamtylǵan. Osy ýaqytqa deıin «Samuryq-Qazyna» qory 137 aktıvti jekeshelendirý jumystaryn aıaqtady. Sonyń ishinde 84 aktıvti 172 mlrd teńgege sattyq. 53 aktıv taratyldy nemese qaıta quryldy. Qazir bizdiń qorjynda 9 iri aktıv jáne 21 iri emes aktıv bar. Búgingi tańda pandemııa yqpalynan ınvestısııalyq naryqqa aıtarlyqtaı áser etetin kapıtal naryǵynda belgisizdik baıqalyp tur. Mundaı jaǵdaıda Qor aktıvterin jekeshelendirý ádil qun turǵysynan da, ornalastyrý mólsheri jaǵynan da qaýipti. Sondyqtan biz Qordyń jalǵyz aksıoneri – el Úkimetine 2016-2020 jyldarǵa arnalǵan jekeshelendirý josparynda kózdelgen merzimderdi ózgertýdi usyndyq. Bizdiń bastamamyz tolyqtaı qoldaý tapty», dedi A.Sátqalıev.
Osylaısha, 2021 jyly «Qazposhta» AQ jáne «Samuryq-Energo» AQ strategııalyq ınvestorǵa satylady. 2022 jyly «QazMunaıGaz» UK» AQ jáne «Eır Astana» AQ IPO-ǵa shyǵarylady, «Taý-Ken Samuryq» AQ jáne «Qazaq Air» AQ jekeshelendiriledi. 2023 jyly «Qazaqstan Temir Joly» UK» AQ-ny IPO-ǵa shyǵarý josparlanyp otyr.
Osy jyly Qor «Qazaqtelekom» aksııalarynyń 10%-yn «Biryńǵaı jınaqtaýshy zeınetaqy qory» AQ-na satpaq. A.Sátqalıevtiń aıtýynsha, bul memlekettiń strategııalyq salada qatysýyn saqtap qana qoımaı, salymshylardyń qarajatyna kepildik beredi.
– Búginde biz «Samuryq-Qazyna» AQ kompanııasynyń barlyq múddeli taraptary úshin uzaqmerzimdi jeńildikterdi ulǵaıtýǵa negizdelgen Qazaqstan halqy múddelerine negizdelgen aktıvterdi jekeshelendirý boıynsha keshendi jumystardy jalǵastyryp kelemiz. Memlekettik komıssııa otyrysynda «Qazaqtelekom» aksııalarynyń 10%-yn Qazaqstan Respýblıkasynyń biryńǵaı jınaqtaýshy zeınetaqy qoryna satý týraly sheshim qabyldandy. Qazirgi ekonomıkalyq jaǵdaıda biz telekommýnıkasııalar naryǵy, IT-qyzmetter naryǵynyń qyzmetterdi tutyný kóleminiń artýyna ıe salalardyń biri ekendigine nazar aýdardyq. Iаǵnı bul – ınternettegi qyzmet kórsetý kóleminiń artýy, onlaın- qyzmetterdi qosý ınvestorlar úshin tartymdy bola túsýde. Birinshiden, «Qazaqtelekom» strategııalyq nysan bolsa, ekinshiden, baǵalanbaǵan aktıvter. Atalǵan strategııalyq aktıvti memlekettik baqylaýdy saqtaı otyryp, kiristi barynsha kóbeıtý jóninde sheshim qabyldadyq. Satyp alýshylar biryńǵaı jınaqtaýshy zeınetaqy qoryn jasady. Biz bul operasııany júzege asyrý úshin Úkimettiń de, Ulttyq banktiń de qoldaýyn aldyq. Qazirgi ýaqytta biz Ulttyq bankpen tranzaksııanyń formaty týraly kelissózder júrgizip jatyrmyz, – dedi ol.
Qordyń 21 iri emes aktıvi boıynsha is-sharalar 2023 jylǵa deıin aıaqtalatyn bolady. Sonymen qatar A.Sátqalıev atap ótkendeı, olardyń árqaısysy boıynsha sheshim tek ekonomıkalyq pragmatızm turǵysynan ǵana qabyldanady.
Sonymen qatar A.Sátqalıev bıylǵy maýsym aıynyń basynda «Samuryq-Qazyna» UÁQ» AQ Qazatomónerkásiptiń buryn ornalastyrylǵan aksııalaryna qolaıly suranysty paıdalana otyryp, «Qazatomónerkásip» kompanııasynyń aksııalary men jahandyq depozıtarlyq qolhattaryn qosymsha ornalastyrý prosesin aıaqtady. Olardy London qor bırjasynda (LSE) jáne Astana halyqaralyq qarjy ortalyǵynyń bırjasynda (AIH) ornalastyrý qorytyndysy boıynsha kompanııa aksııalaryna ınvestorlar tarapynan suranys usynystan 2,9 ese asyp tústi.
Osylaısha, kompanııa aksııalarynyń 6,28%-y 211 mln AQSh dollary nemese 85 mlrd teńgege satyldy. AHQO bırja alańynda barlyǵy 69,7 mln AQSh dollaryna 53,4% qazaqstandyq jáne 46,6% sheteldik ınvestorlardan ótinimder kelip tústi
– Biz «Qazatomónerkásipti» jekeshelendirýge Biryńǵaı jınaqtaýshy zeınetaqy qorynyń qatysýyn quptadyq. BJZQ naryqtyq kapıtaldandyrýdy ulǵaıtý múmkindigimen turaqty dıvıdendter tóleıtin sapaly aktıvke ıe boldy. Biryńǵaı jınaqtaýshy zeınetaqy qory «Qazatomónerkásip» IRO arqasynda 32 mlrd teńge paıda kórdi, – dep atap ótti A. Sátqalıev.
