Aımaqtar • 25 Maýsym, 2020

Qaraǵandyda "Qara kól" qaıdan paıda boldy?

674 ret kórsetildi

Kenshiler astanasynyń shet jaǵynda túsi qap-qara kól paıda boldy, – dep habarlaıdy Egemen.kz.

Qazirgi ýaqytta ekolog mamandar mundaı qaldyq sýdyń qaıdan shyqqanyn tap basyp aıta almaı dal bolyp otyr.

Degenmen, olar apattyń alystan kelmegenine senimdi. Nege deseńiz, qap-qara kól sol jerdegi kómir óńdeıtin zaýyttyń mańynan paıda bolǵan. Biraq, ony dáleldeý ázirge múmkin bolmaı tur. Sottyń sheshimin kútý kerek.

Al kap-qara kól bolsa, kúnnen kúnge jaıylyp, kólemin ulǵaıtyp keledi. Qaldyq sýdyń ýlylyǵy sondaı, aınalasyndaǵy shóp bitkendi kúıdirip jibergen.

Belgili ekolog jáne Qaraǵandy ekomýzeıiniń dırektory Dmıtrıı Kalmykov kómirdi óńdegen kezde hımııalyq reagentter, munaı ónimderi men  dızel otyny paıdalanylatynyn aıtady.

"Bul jer myńdaǵan tonna óndiristik qaldyqqa tolǵan. Buǵan kináli kim ekenin bilmeımin. Biraq, óndiriske salynǵan ınvestısııa tabıǵatty óltirmeýi kerek dep sanaımyn", – deıdi ol.

Al kómir óńdeıtin zaýyttyń ókilderi ózderine shań jýytpaıdy. Olardyń aıtýynsha, kásiporyn paıdalanǵan sýdy súzgiden ótkizip, tazalap otyrady eken. Bıylǵy jyldyń naýryz aıynda júrgizilgen tekserýdiń qorytyndysy munyń rastyǵyn qujat júzinde dáleldeıtin kórinedi.

"Las sý aǵyp jatqan qubyr bizdiki emes jáne onyń kimge tıesili ekenin de bilmeımiz. Bul jer bizdiń terrıtorııaǵa jatpaıdy", – deıdi senimdi túrde zaýyt zańgeri Sergeı Serikov

Jergilikti sheneýnikter zardap shekken jer teliminiń memlekettik orman qoryna tıesili ekenin aıtady. Sol sebepti, qazirgi ýaqytta mamandar máseleniń mán-jaıyn anyqtaý maqsatynda tekserý taǵaıyndaǵan.

Al ekologtar bolsa, apattyń zardabyn tezirek joıý kerek dep sanaıdy. О́ıtpegen kúnde ýaqyt ótken saıyn kólemi ulǵaıyp bara jatqan "qara kól" sol mańdaǵy jaıylymdyq jerge orasan zor nuqsan keltiredi degendi aıtady olar.

Sońǵy jańalyqtar

Araq aýrýdan aıyqtyrmaıdy

Koronavırýs • Búgin, 22:20

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar