Qazaqstan • 25 Maýsym, 2020

COVID-19: Sybaılas jemqorlyqqa qarsy qyzmet aqparattyq jumys qarqynyn tómendetpeıdi

16 ret kórsetildi

Pandemııa jaǵdaıynda qazirgi zamanǵy sıfrlyq tehnologııalar men dúnıejúzilik jeliniń keń múmkindikterin eskere otyryp, sybaılas jemqorlyqqa qarsy kúres salasyndaǵy aldyn alý jáne aqparattyq jumystardy iske asyrýdyń jańa formaty quryldy, - dep jazady Egemen.kz

Atap aıtqanda, "Antikor.LIVE" onlaın-jobasy tanymal boldy. Bul alańda Agenttik qyzmetkerleri de, túrli salanyń sarapshylary da sóz sóıleıdi. Kez kelgen adam naqty ýaqyt rejıminde qyzyqtyratyn suraqty qoıa alady. Sáýir aıynan bastap elimizdiń barlyq óńirinde 1200-den astam tikeleı efır shyqty, olardy 900 myń azamat qarady.

"Elektrondyq úkimettiń "Ashyq dıalog" portalynda da suraqtar qoıýǵa bolady. 5 ınternet-konferensııa barysynda barlyq túsken ótinishter boıynsha tolyq túsiniktemeler berildi.

Azamattar "Adal kómek" jobasyna erekshe nazar aýdardy. Ony úılestirý belgili quqyq qorǵaýshy Aıman Ýmarovamen birge júzege asyrylady. Jobanyń zańger-volonterleri 600 onlaın-keńes ótkizdi. Nátıjesinde azamattardyń 1770 problemalyq máselesi sheshildi.

Agenttik janynan qurylǵan qoǵamdyq alańdardyń qyzmeti jandandy. Arnaıy monıtorıngtik top buzýshylyqtardy anyqtaý úshin tosqaýyl beketter men áleýmettik mańyzy bar nysandarǵa monıtorıng júrgizdi. Astanada jáne óńirlerde aqparattyq-nasıhattaý shtabynyń belsendileri sybaılas jemqorlyqtyń aldyn alý jáne parasattylyq mádenıetin qalyptastyrý máselelerine arnalǵan áleýmettik jelilerge 800-ge jýyq beıneúndeýler joldady. Olar tarıhymyzda tuńǵysh ret sybaılas jemqorlyq taqyrybynda onlaın rejımde aıtys ótkizdi.

О́skeleń urpaq úshin "Parasattylyq – Uly Abaı murasy" taqyrybynda kezekti jalpy respýblıkalyq aksııa ótti. "Balapan" jáne "EL ARNA" telearnalarynda elimizdiń 760 myń oqýshysy beıne-sabaqty tamashalady.

Agenttiktiń óńirlik departamentteri janynan "Antikor ortalygy" servıstik ortalyqtaryn ashý boıynsha jumys jalǵasýda, onda júgingen kez kelgen azamat sybaılas jemqorlyqqa qarsy taqyrypta bilikti quqyqtyq kómek ala alady.

Búkil el aýmaǵynda mundaı ortalyqtar qazirdiń ózinde 15 jáne olardyń árqaısysy "Adaldyq alańy" jobasy aıasynda syndarly áriptestikke alań usynady, onyń aldynda parasattylyq mádenıetin ilgeriletý kontekstinde qoǵamdyq baqylaý quraldaryn pármendi iske asyrýdy qamtamasyz etý jónindegi mindetter tur.

Sybaılas jemqorlyq táýekelderin anyqtaý jáne joıý boıynsha jumys aıasynda memlekettik organdarǵa bıznes-prosesterdi jaqsartý, ákimshilik kedergilerdi azaıtý, zańnamany jetildirý boıynsha myńnan astam usynymdar men usynystar engizildi. Tek memlekettik satyp alý monıtorıngi aıasynda aǵymdaǵy jyldyń basynan beri shamamen 4 mlrd.teńge bıýdjet qarajatyn tıimsiz paıdalanýdyń aldyn aldy.

Agenttiktiń quqyq qorǵaý qyzmeti aýyr jáne asa aýyr sybaılas jemqorlyq quqyq buzýshylyqtardy anyqtaýǵa, sybaılas jemqorlyqtyń júıeli faktileriniń, pandemııamen kúreske bólingen bıýdjet qarajatyn jumsaý kezinde zańsyz is-qımyldarynyń jolyn kesýge baǵyttalǵan.

Tótenshe jaǵdaı rejimine baılanysty 60 sybaılas jemqorlyq qylmysy anyqtaldy, olardyń kópshiliginde blokpost jáne ákimshilik arqyly zańsyz ótkizgeni úshin para alýmen baılanysty karantındik sharalardy buzǵany úshin jaýapkershilikten bas tartý.

Agenttik júrgizip otyrǵan keshendi jumys apta saıyn «Antikor News» arnaıy jańalyqtar shyǵarylymy arqyly jarııalanady. Búgingi kúnge deıin onyń 14 shyǵarylymy memlekettik jáne resmı tilderde daıyndalyp, Facebook, Instagram, Telegram jáne YouTube áleýmettik jelilerinde ornalastyryldy.

Sońǵy jańalyqtar

Qalalar arasynda blokbeketter qoıylmaıdy

Qazaqstan • Búgin, 15:47

Elbasy koronavırýstan jazylyp shyqty

Elbasy • Búgin, 15:07

8 elden 15 fınteh-startap irikteldi

Qazaqstan • Búgin, 13:37

Tabys ósip, qaryz edáýir azaıdy

Ekonomıka • Búgin, 12:23

Dollardyń búgingi baǵamy belgili boldy

Ekonomıka • Búgin, 11:35

Uqsas jańalyqtar