Úkimet • 25 Maýsym, 2020

Asqar Mamın Densaýlyq saqtaý mınıstri Alekseı Soıdy tanystyrdy

112 ret kórsetildi

Premer-Mınıstri Asqar Mamın Memleket basshysynyń Jarlyǵymen taǵaıyndalǵan mınıstr Alekseı Soıdy Densaýlyq saqtaý mınıstrliginiń ujymyna tanystyrdy, - dep jazady Egemen.kz

A. Mamın koronavırýs pandemııasymen kúres jaǵdaıynda halyq densaýlyǵyn saqtaý boıynsha densaýlyq saqtaý júıesiniń aldynda turǵan mindetterdi sheshýdiń mańyzdylyǵyn atap ótti.

Memleket basshysy burynǵy densaýlyq saqtaý mınıstri E. Birtanovty densaýlyq jaǵdaıyna baılanysty bergen ótinishine sáıkes qyzmetinen bosatty. E. Birtanov otstavkaǵa ketý týraly bergen ótinishinde óziniń aýyrýyna baılanysty jáne qosymsha emdeýdi qajet etýine oraı densaýlyq saqtaý salasyna tolyqqandy basshylyq jasaý, ásirese, epıdemıologııalyq jaǵdaıdyń asqynýy jaǵdaıynda qıyn bolyp otyrǵanyn atap ótti. Ol densaýlyq saqtaý mınıstri qyzmetinde kúndelikti júıeli jumys istep, mınıstrliktiń barlyq qurylymdaryna turaqty túrde qatań baqylaý jáne shuǵyl basqarý jumystary talap etiletinin atap ótti.

Alekseı Vladımırovıch Soı 1977 jyly 2 sáýirde Ońtústik Qazaqstan oblysynda dúnıege kelgen. Sells College (London), Qazaqstan memlekettik medısına akademııasynyń aspırantýrasyn, Ońtústik Qazaqstan memlekettik medısına akademııasyn, «Dáneker» halyqaralyq quqyq jáne halyqaralyq bıznes ınstıtýtyn, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasynyń korporatıvtik basqarý joǵary mektebin támamdaǵan. Stenford ýnıversıtetinde (AQSh), Sıngapýrda, Máskeýde, Germanııada, Ulybrıtanııada jáne t. b. elderde taǵylymdamadan ótken. Iskerlik ákimshilik doktory, medısına ǵylymdarynyń kandıdaty.

Hırýrg-endoskopıst bolyp jumys istegen, Qalpyna keltirý hırýrgııasy jáne transplantologııa ortalyǵynyń aǵa ǵylymı qyzmetkeri, Ulttyq ǵylymı medısına ortalyǵynyń ishki medısına ortalyǵynyń jetekshi ǵylymı qyzmetkeri, "Eýroazıattyq respıratorlyq qoǵam" qoǵamdyq birlestiginiń bas hatshysy, QR Prezıdenti Is basqarmasynyń Zamanaýı medısınalyq tehnologııalardy engizý ortalyǵynyń dırektory, QR Prezıdenti Is basqarmasynyń Medısınalyq ortalyǵynyń basshysy, Astana qalasynyń №1 qalalyq aýrýhanasynyń bas dárigeri, QR densaýlyq saqtaý jáne áleýmettik damý vıse-mınıstri, QR densaýlyq saqtaý vıse-mınıstri qyzmetterin atqarǵan. 

2019 jylǵy aqpannan bastap Qazaqstan Respýblıkasy Prezıdenti Is basqarmasynyń Medısınalyq ortalyǵyn basqardy, 22 maýsymda densaýlyq saqtaý birinshi vıse-mınıstri bolyp taǵaıyndaldy.

 
Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar