Jańadan stasıonarlar ashylyp jatyr

Aptanyń sońǵy kúni osy túıtkildi másele boıynsha Shymkent qalasynyń ákimi Murat Áıtenov, qalalyq densaýlyq saqtaý basqarmasynyń basshysy Rýstam Albaev, qalalyq Jedel járdem kórsetý stansasy bas dárigeriniń orynbasary Sholpan Ospanova jáne jedel járdem dárigeri Arman Hamzın arnaıy brıfıng berdi.

Shahar basshysy qaladaǵy epıde­mııalyq jaǵdaı jáne ony qalypqa keltirý barysyndaǵy jumys­tar jóninde málimdeme jasady.

«Respýblıkalyq deńgeıde Shym­kent qalasy boıynsha Qaznette «naýqastar aýrýhana qaqpasyna jetpeı qaıtys bolyp jatyr jáne naýqastarǵa oryn joq» degen sekildi aqparattar taraýda. Osy jóninde arnaıy túsindirme bersem, búginde qalada 650 ınfeksııalyq tósek-oryn bar. Onyń ishinde juqpaly aýrýhanalarda 350, jańa salynǵan gospıtalda 200 jáne Atameken provızorly stasıonarynda 100 oryn bar. Atalǵan eski juqpaly aýrýhanalar aýrýhanasynda 321 naýqas jatyr, gospıtalda 172 jáne Atameken provızorly stasıonarynda 42 naýqas emdelýde. Al jalpy 115 oryn bos. Odan bólek, qalada 1690 provızorly oryn bar. Onyń ishinde 1315-inde naýqastar em alýda, qalǵany bos. Iаǵnı provızorly oryndardyń 77 paıyzy tolyp tur. Sol sebepti búgin 500 provızorly oryn ashamyz. Al jeksenbi kúni 200, dúısenbi kúni 500 provızorly oryn ashylady. Sondaı-aq 51 mekemede 628 tósek-oryndyq kúndizgi stasıonar ashtyq. Onyń 248-i bos. Atalǵan kún­dizgi stasıonardaǵy bir oryn kúnine 5 adamdy qabyldaı alady. Al jumys ýaqyty tańǵy saǵat 08:00-den keshki 20:00-ge deıin (demalyssyz) isteıdi. Aıta keteıin, kúndizgi stasıonarlarda naýqastar tirkelgen emhanasy boıynsha tegin emdeledi. Halyqqa der kezinde medısınalyq kómek kórsetý úshin emhanalardyń jumysyn eki ese kúsheıtemiz», dedi qala ákimi.

Anyǵynda, qalada koronavırýs indetimen qatar jaz aılarynda pnevmonııa dıagnozymen aýyrǵandardyń qatary kún ótken saıyn kóbeıip keledi. Keıingi ýaqytta qaladaǵy aýrý­ha­nalarda osyǵan baılanysty tósek-oryn jetispeýshiligi oryn alǵan bolatyn.

Qalalyq densaýlyq saqtaý bas­qar­masynyń basshysy Rýstam Albaev­tyń aıtýynsha, qalada koronavırýs ınfeksııasymen aýyryp jatqan 2084 naýqas tirkelgen. Onyń 45 pa­ıyzy – sımptomsyz. Provızorly sta­sıonarlardyń tósek qory 89 paıyzǵa júktelgen.

«Qaladaǵy dárihanalarda tipti askorbın, parasetamol qalmady. Bary­nyń ózinde baǵasy aspandap ketti», degen alypqashpa áńgimege shahardyń bas dárigeri «Shymkentte dári-dármektiń eki aılyq qory bar», dep kesip aıtty. Sondaı-aq baǵa turaq­tylyǵyn qatań baqylaýǵa alyp, dári baǵasyn qymbattatqan dári­ha­nalarǵa aıyppul salynatynyn jetkizdi. Basqarma basshysynyń aıtýynsha, aýrýhanalar men dárihanalar demalysqa qaramastan dári-dármekpen qamtylýda.

Pnevmonııa jáne JRVI dertine shaldyqqan naýqastar emhanalarda em qabyldaýda. Kúndizgi stansıonarda medısına mamandary demalys kúnderine qaramastan, aptasyna jeti kún, tańǵy saǵat 08:00-den bastap 20:00-ge deıin jumys isteýde. Al olarǵa qajetti dáriler óz ýaqytynda jetkizilip otyr. Sonymen qatar dárihanalar men aýrýhanalar da dári-dármekpen qamtylýda.

Aıta keteıik, halyq densaýlyǵyn nyǵaıtý maqsatynda pnevmonııa, JRVI dertine shaldyqqan naýqas­tardy emdeý úshin memlekettik 26 emhanada 314 tósek-oryndyq kúndizgi stasıonar ashyldy. Bir tósek-oryn kúnine keminde 5 adamǵa qyzmet kórsetýge múmkindigi bar. Iаǵnı 1570 turǵyndy em-dom sharalarymen qamtıdy. Bul úshin 39 dáriger, 57 medbıke qyzmet kórsetýde.

Qala basshysy qazir medısına qyzmetkerlerine júktelgen mindettiń aýyr ekenin alǵa tartyp, tynymsyz eńbek etip jatqan mamandardyń jumy­syna túsinistikpen qaraýǵa shaqyr­dy. Eń bastysy, qolaısyz epıde­­mııalyq jaǵdaıǵa baılanysty turǵyndarǵa saqtyq sharalaryn qatań ustaný qajet ekenin eskertti.

Shynynda, dúnıeni dúrbeleńge salǵan indet aq jeleńdi abzal jan­dar­dyń da júıkesin júndeı tútip barady. Jýyrda Qaznette taralǵan Shymkent qalasyndaǵy ınfeksııalyq aýrýhana mańynda bolǵan jaǵdaı boıynsha jedel járdem dárigeri Arman Hamzın túsirgen vıdeo qyzý talqylanǵan bolatyn. 

Beınerolık ıesi Arman Hamzın medısınalyq maman bolǵandyqtan, naýqastardyń jaǵdaıy úshin alań­dap, osy beınerolıkti túsirgenin jet­kizdi.

«О́zderińizge málim, úsh aıdan beri alǵy shepte jumys istep kelemiz. Bul – óte aýyr. Naýqastardy kórgende, tipti psıhoemosııalyq jaǵdaılar bolady. Osy oraıda óz densaýlyǵymyz ben otbasymyz úshin de alańdaımyz. Al keshe áleýmettik jelide taraǵan beınerolıkke toqtalsam, dál qazirgi tańda pnevmonııamen aýyrǵan naýqastardyń sany ósti. Bul jaǵdaıdy qalypty ustaý úshin jan-jaqty jumystar júrgizilip, stasıonarlyq ortalyqtar ashylýda. Atalǵan oqıǵa bolar kezde naýqasty ınfeksııalyq aýrýhanaǵa jatqyzý týraly koordınasııa bergen. Biraq biz aýrýhana aldyna kelgende jedel-járdem kólikteriniń kóbeıip ketkenin kórdik. Sóıtip, ınfeksııalyq aýrýhanada oryn jetispeýshiligi týyn­dady. Iаǵnı bizge dıspetcherlik ortalyq durys baǵyt bermegen. Al naýqas eki jaqty pnevmonııanyń aýyr túrimen aýyrǵan, jaǵdaıy nashar edi. Sol sebepti naýqasty jedel ornalas­tyrý qajet bolatyn. Osy ýaqytta jaǵdaı ýshyqty. Naýqastyń hali nasharlaı berdi. Onyń ómirine alańdap, beınerolıkke túsirdim. Sodan kóp uzamaı, másele sheshilip, naýqasty qaıda ornalastyrý týraly habarlama keldi. Osy rette bul túsirilimniń áleýmettik jelide tarap, halyqtyń dúrlikkenin qalamaǵanymdy aıta keteıin. Aldaǵy ýaqytta mundaı áreketter qaıtalanbaıtynyn jetkize otyryp, keshirim suraımyn», dedi Arman Saıatuly.

Qazirgi tańda qaladaǵy barlyq densaýlyq saqtaý mekemeleri shuǵyl túrde naýqastarǵa medısınalyq kómek kórsetýge kóshti. Sondaı-aq keıbir naýqastardy úı rejiminde oqshaýlap, emdeýde. Epıdemııalyq jaǵ­daıǵa baılanysty em alýshylar endi úıden shyqpaı-aq tirkelgen mekenjaıy boıynsha dárigerlerge habar­lasady. Ári árbir turǵyn ózi tirkelgen emhanaǵa baryp kúndizgi stasıonarda emdele alady. Búginde shahardaǵy jergilikti emhanalardyń barlyǵynda tósek-oryn men dárilik zattar jetkilikti.

ShYMKENT