Qoǵam • 30 Maýsym, 2020

Dári-dármek baǵasyna qatysty shaǵym bere alasyz

171 ret kórsetildi

Sońǵy ýaqytta dárihanalarda dári-dármek baǵasy kúrt qymbat­tap ketti degen aqparattar, fotosýretter men posttar óte kóp tarap jatyr. Osyǵan oraı Densaýlyq saqtaý vıse-mınıstri Oljas Ábishev arnaıy jaýap berdi.

Vıse-mınıstr 2019 jyly tamyz aıynda Densaýlyq saqtaý mınıstrligi elimizdegi barlyq dárihanalarda kóterme jáne bólshek saýda úshin dári-dármektiń shekti baǵasyn belgileý týraly buıryqqa qol qoıǵandyǵyn eske salyp, búgingi tańda buıryqtyń aǵymdaǵy nusqasynda 6 myńnan astam dáriniń kóterme jáne bólshek saýda baǵalary belgilengenin jetkizdi.

– Buıryqtyń talaptaryn saqtaý maqsatynda halyq qoldanysy úshin barlyq smartfonda jumys isteıtin 3 tildi «DARIKZ» mobıldi qosymshasy daıyndaldy. Qosymsha tegin qyzmet kórsetedi. Mobıldi qosymshada elimizdiń dárihanalarynda shekti baǵaǵa qatysty shaǵym berý boıynsha fýnksıonal bar. Osy fýnksıonaldyń kómegimen elimizdiń kez kelgen azamaty dárihanalarda shekti baǵa boıynsha buıryqtyń saqtalýyn tekserip, dári-dármektiń baǵasy shekti kórsetkishten joǵary bolǵan jaǵdaıda shaǵym bere alady. Mobıldik qosymsha arqyly berilgen barlyq shaǵymdy Densaýlyq saqtaý mınıstrliginiń Taýarlar men qyzmetterdiń sapasy men qaýipsizdigin baqylaý komıteti qaraıdy jáne buzý faktisi rastalǵan jaǵdaıda Densaýlyq saqtaý mınıstrligi ony retteý úshin barlyq qajetti sharalardy qoldanady, – deıdi O.Ábishev.

Aıta ketelik, uıaly qosymsha arqyly shaǵym berý úshin 3 qara­paıym qadam jasaý jetkilikti. Iаǵnı dári-dármekti shekti baǵamen tabý; shaǵym berý bastyrmasyna basý jáne qajetti aqparatty engizý; «jiberý» batyrmasyn basý qajet.

 

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar