Qazaqstan • 30 Maýsym, 2020

"Dolce-Pharm" túrli medısınalyq ónimderdiń 200-ge jýyq túrin shyǵarady

29 ret kórsetildi

Dolce (zaýyt) jáne Dolce-Pharm (dıstrıbýsııamen aınalysatyn saýda-kommersııalyq bólimshe) kompanııalarynyń farmasevtıkalyq óndiristik-kommersııalyq birlestigi bir rettik medısınalyq maqsattaǵy buıymdar men dárilik zattardy shyǵaratyn iri qazaqstandyq óndirýshi bolyp tabylady. Bul týraly IIDM baspasóz qyzmeti habarlady, - dep jazady Egemen.kz

Kásiporyn 1998 jyly quryldy jáne 22 jyl ishinde bir ret qoldanylatyn MMB óndirý salasynda ulttyq kóshbasshy atandy. Búginde kompanııa túrli medısınalyq ónimderdiń 200-ge jýyq túrin shyǵarady. О́ndiristik keshen Almaty oblysynda, Yntymaq aýylynda ornalasqan, onda 450 adam eńbek etedi.

Zaýytta 6 óndiristik seh bar: sterıldi jáne sterıldi emes qolǵaptar óndirý sehy; "Ýltra-Adsorb" saýda markasymen belsendirilgen kómir óndirý sehy; medısınalyq maqsattaǵy buıymdar (halattar, betperdeler, qalpaqtar, jıyntyqtar) óndirisi; tórtinshi seh maqta men plastıkadan jasalǵan buıymdar óndirýge daıyndalǵan; etılen oksıdimen sterıldeý sehy jáne plastıkten jasalǵan buıymdar (kesek aına, Eıer shpatel, Folkman qasyǵy) óndirisi sehy. Bıyl kásiporyn shyǵarylatyn betperdeler qataryn keńeıtti jáne gınekologııalyq aınalar, maska-respıratorlar, fısh-maskalar, SI-maskalar jáne balalarǵa arnalǵan "batterflıaı" maskalary, sondaı-aq sýretpen bezendirilgen betperdelerdi shyǵara bastady.

Dolce-bul avtomattandyrylǵan jelilerde ımporttyq shıkizattan jasalǵan buıymdardy óndirýdiń tolyq sıkli júzege asyrylatyn ozyq qazaqstandyq kásiporyn. Otandyq kásiporynnyń óndiristik qýaty vırýstyq ınfeksııalardyń maýsymdyq órshýine tez áreket etip, Qazaqstan Respýblıkasy emdeý mekemeleriniń suranystaryn qamtamasyz etýge, "SQ-Farmasııa" JShS-men uzaq merzimdi shart boıynsha MMB jáne DZ jetkizýge memlekettik tapsyrysty oryndaı alady. 2011 jyly tegin medısınalyq kómektiń kepildi kólemi jáne MMS sheńberinde SQ-Farmasııanyń biryńǵaı dıstrıbıýtorymen kelisimshart jasaldy, ol boıynsha ónim jetkizý 2012 jyldan bastap júrgizilýde. Kelisim-shart aıasynda aǵymdaǵy jyly 11 mln. medısınalyq maskany jetkizý kózdelgen, onyń 2 mln.300 myńy qoıylǵan. Sonymen qatar, SQ-Farmasııa qosymsha 1,3 mln.respırator jáne 4 mln. betperde qoıýdy suraıdy.

Búginde qorǵanys betperdeleri joǵary suranysqa ıe. Dolce-Pharm toqylmaǵan materıaldardan túrli betperdeler shyǵarady. ⠀ Mysaly, kómir súzgisi bar qorǵanysh maskalarda talshyqty belsendirilgen kómirden turatyn biregeı súzgi materıaly qoldanylady. Bul súzgi materıalynyń tehnologııalyq ereksheligi 99,5% taza kómirtekti qamtıdy jáne zııandy bólshekterdi sińire alady. Mundaı materıaldyń bir grammy 200 mg zııandy zattardy ustaýǵa qabiletti. ⠀ Kómir súzgisi bar betperdeler súzgish element arqyly zııandy bólshekter, molekýlalar men vırýstardyń enýine jol bermeıdi. Súzý tıimdiligi tipti 0,01 mkm 99,9% - ǵa deıin. ⠀Kómir maskasynyń ádettegiden aıyrmashylyǵy, adamdy 4 saǵat boıy qorǵaıdy jáne onda tynys alý ońaı.

Bir rettik betperdeler 3 qabattan turady. 1-shi qabat: toqylmaǵan materıal (PP Nonwoven); 2-shi qabat: meltblaýn súzgisi (Melt-Blown Filter); 3-shi qabat: toqylmaǵan materıal (PP Nonwoven). Muryn fıksatory: temir symmen ıkemdi plastıkalyq fıksator. Betperde kúrdeli tehnologııasynyń arqasynda qorǵaýdyń joǵary deńgeıin qamtamasyz etedi.

Fish-Type Dolce-Pharm betperde respıratorlary kııý kezinde óte yńǵaıly. Betperdeniń qabattary qatty ýltradybystyq tósemmen qosylǵan. Joǵarǵy jáne tómengi qabaty joǵary sapaly mata emes materıaldan jasalǵan, ishinde FFP3 meltblaýn súzgisi men suıyqtyqqa qarsy qabaty bar. Respıratorda klapannyń bolýy tynys alýdy jeńildetedi jáne paıdalaný merzimin arttyrady.
Sonymen qatar, kompanııa óz ónimderin Qyrǵyzstan, О́zbekstan, Túrkimenstan, Reseıge eksporttaýdy damytýda. Aldaǵy ýaqytta shıkizat jetkizýdi qamtamasyz etý shartymen Qytaımen yntymaqtastyq ornatý kózdelgen.

Sońǵy jańalyqtar

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

Uqsas jańalyqtar