Qoǵam • Keshe

Sport kesheni emdeý ortalyǵyna aınaldy

27 ret kórsetildi

El Prezıdenti Qasym-Jomart Toqaev koronavırýs indetiniń taralýyna qarsy sharalar qabyldaý jónindegi keńeste ózderine júktelgen mindetterdi shala oryndaǵan ákimder men Úkimet músheleriniń jumysyn synǵa alǵan edi. Memleket basshysy jumysyna salǵyrt qara­­ǵany úshin Shymkent qalasynyń ákimi M.Áı­tenov­ke de sógis jarııalady.

Memleket basshysynyń synynan der kezinde nátıje shyǵarýdy kózdegen qala ákimi epıdemııalyq jaǵdaıdy qalypqa keltirý úshin birqatar naqty jumystarǵa kirisip ketti. Atap aıtar bolsaq, Shymkent qalasynda respýblıka boıynsha alǵash ret 51 kúndizgi stasıonar ashyldy. Sonyń biri qaladaǵy Jeńil atletıka sport kesheni naýqastardy qabyldaıtyn «ýaqytsha» emdeý ortalyǵyna aınaldy. Atalǵan sport kesheninen qosymsha 450 oryndyq kúndizgi stasıonar daıyndaldy.

Ortalyqta JRVI jáne pnevmonııa juqtyrǵan naýqastar em qabyldaıdy. Munda 450 kereýet ornalastyryldy. Onyń 350-i OQMPÝ jataqhanasy­nan jetkizilse, 100 kereýet de­meý­­­shiler esebinen alyndy. Bú­gin­de dánerkerleý jumystary qyzý júrip jatyr. 1 shildege deıin 450 oryn tolyǵymen daıyn bolady.

Sonymen qatar qajetti dári-dár­mekterdi saqtaýǵa jeti to­ńazyt­qysh jetkizildi. Maman­dard­yń aıtýynsha, kún­dizgi stasıo­narǵa 50 dáriger, 75 meıir­bıke, 20 sanıtar qyzmet­keri qajet bolady. Sport keshe­nindegi jumysty úılestirýge qala­daǵy №5 emhana ujymy jumyl­dyrylady. Aıta ketý kerek, bul stasıonar tańǵy 8-den keshki 20.00-ge deıin jumys isteıdi.

Shahardaǵy epıdemııa­lyq jaǵ­daıdy qalpyna keltirý bo­ıynsha jumystar munymen ǵana shekte­lip qalǵan joq. Samal-3 shaǵyn aýdanyndaǵy jańa mektepten – 400 oryndyq, Polıtehnıkalyq kolledjinen – 400 oryn, UOS ardagerleri ortalyǵynan 100 oryndyq provızorly oryndar ashyldy. Bir sózben aıtqanda, qaladaǵy bos turǵan ǵımarattar tótenshe jaǵ­daı kezindegi qajet­tilikke qa­raı naýqastardyń ómirin saq­­tap qalý úshin «ýaqytsha» aýrý­­­hanalarǵa aınala bastady. Nátı­jesinde, qalada ınfeksııalyq dertke shaldyqqan naýqastar­ǵa me­dı­sınalyq kómek kórs­e­tý eki esege kúsheıdi. Shymkent qa­lasynyń ákimi Murat Áı­te­nov aq­parattyq-kommýnıkasııalyq or­talyqta ótken brıfıngte sala basshylaryna osy másele boıynsha naqty mindet júktedi. Atalǵan tapsyrma der kezinde oryndalyp, qaladaǵy epıdemııa­lyq jaǵdaı birte-birte retke kele bastady.

«Maýsym aıynyń sońynda Shymkent qalasynda juqpaly aýrýmen aýyrǵan naýqastar sany kúrt ósti. Pnevmonııamen aýyrǵan­dar 5,8 esege, al JRVI-men aýyr­ǵan naýqastar sany 2 esege artty. Osy jaǵdaıǵa baılanysty jedel járdem qyzmetine qońyraý shalatyn turǵyndar sany 5 esege kóbeıdi. Orta eseppen bir kúnde 2100-den asa shaqyrtý túse bastady. Bul shaqyrtýlarǵa dál ýaqytynda qyzmet kórsetý úshin qala basshysynyń tapsyrmasymen jedel túrde provızorly oryndar ashyldy. Búginde qa­lada barlyq medısınalyq qu­ral-jabdyqtarmen qamtylǵan 2870 tósek-oryn bar. Onyń 650-i juqpaly aýrýhanalarǵa, 2220-sy provızorly orynǵa arnalǵan. Iаǵnı ınfeksııalyq aýrýǵa shaldyqqan naýqastar úshin oryn jetkilikti. Degenmen, jaǵdaı qalypqa kelse de, rezervtik provızorly oryndar daıyndalýda. Jeńil atletıkalyq sport kesheninen 150 oryn daıyndaldy. Bul oryndar 1 shilde kúni 450 orynǵa jetpek», deıdi qalalyq densaýlyq saqtaý basqarmasynyń basshysy Rústam Albaev.

Aıta keterligi, Shymkent qala­synda halyqtyń densaýlyǵyn nyǵaıtý maqsatynda kúndizgi stasıonar sany artyp, medısınalyq mamandar demalyssyz qyzmet kórsetýde. Al barlyq aýrýhanalar men emhanalarǵa dári-dármek úzilissiz jetkizilýde.

 

ShYMKENT

 

Sońǵy jańalyqtar

Qalalar arasynda blokbeketter qoıylmaıdy

Qazaqstan • Búgin, 15:47

Elbasy koronavırýstan jazylyp shyqty

Elbasy • Búgin, 15:07

8 elden 15 fınteh-startap irikteldi

Qazaqstan • Búgin, 13:37

Tabys ósip, qaryz edáýir azaıdy

Ekonomıka • Búgin, 12:23

Dollardyń búgingi baǵamy belgili boldy

Ekonomıka • Búgin, 11:35

Uqsas jańalyqtar