Aımaqtar • 01 Shilde, 2020

Qostanaıda mádenıet pen óner qyzmetkerleri marapattaldy

155 ret kórsetildi

Aıshyǵy erek Astana kúni merekesine oraı, Qostanaıda aımaq mádenıeti men óner salasynda biraz jyldardan beri tabandy eńbek etip kele jatqan birqatar qyzmetkerler marapattaldy, - dep habarlaıdy Egemen.kz.

E. О́mirzaqov atyndaǵy oblystyq fılarmonııanyń májilis zalynda ótken saltanatty rásimge 6 adam qatysty. Olardyń ishinde mýzeı, teatr, óner, kitaphana qyzmetkerleri bar.

"Qazirgi kúrdeli ahýalǵa baılanysty búgingi resmı saltanatqa Qostanaı qalasynyń ózinen sanaýly ǵana adam kelip otyr. Bul joly oblys ortalyǵynan tys jatqan qalalar men aýdandarǵa shaqyrtý jiberilgen joq. Sondyqtan qalǵan qyzmetkerlerdiń marapaty jergilikti jerlerde tabys etiletin bolady", - dedi mádenıet basqarmasynyń basshysy Erlan Qalmaqov.      

Jıynǵa qatysýshylarǵa "Mádenıet salasynyń úzdigi" tósbelgisi, QR Mádenıet jáne sport mınıstrliginiń Qurmet gramotalary men Alǵys hattary, sondaı-aq Qostanaı oblysy ákiminiń Qurmet gramotalary tabys etildi.

2

Aımaq basshysynyń Qurmet gramotasyna ıe bolǵan Názıma Otasheva 15 jylǵa jýyq oblystyq tarıhı-ólketaný murajaıynda qyzmet etip keledi. Biraz jyldan beri mýzeıdiń ǵylymı-ádistemelik qamtamasyz etý bóliminiń meńgerýshisi.

Ataýly mereke qarsańynda az ǵana jumysymyzdy baǵalap, eńbegimizdi elep-eskerip jatqan oblys basshylyǵyna rahmet! Áıtpese, qıratyp jatqan eshteńemiz joq.  Basty mindetimiz -  mýzeı qoryndaǵy  tarıhı qundy jádigerlerdi nasıhattaý, jas ǵalymdardyń ǵylymı jobalaryna, jýrnalısterdiń izdenisterine qol ushyn berý, ólke tarıhyna qatysty mańyzdy derekterdi jaryqqa shyǵaryp otyrý. Bizdiń qorda mundaı tarıhı qujattar men qundy buıymdar barshylyq,  - dedi marapat ıesi.  

 

 

Qostanaı oblysy

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar