О́ner • 02 Shilde, 2020

"Astana Opera" qoıylymdardy onlaıyn kórsetedi

16 ret kórsetildi

"Astana Opera" memlekettik opera jáne balet teatry TengriTV jáne teatr saıty arqyly ónersúıer qaýymnyń nazaryna jıyrmadan astam opera jáne balet týyndysyn, sondaı-aq álemdik jáne otandyq klassıkanyń injý-marjandarynan konserttik baǵdarlamalar usynbaq.

Onlaın-kórsetilimderdiń repertýarynan baıqaǵanymyz, eresektermen qatar jas kórermenderdiń de talǵam-talaby barynsha eskerilgen sııaqty. Mysaly, elordalyq teatrdyń mýzykatanýshylary mektepke deıingi jáne mektep jasyndaǵy jetkinshekterdiń jazǵy demalysyna oraı "Balalarǵa arnalǵan klassıka", "Teatrǵa saıahat" jáne "Balalar teatrǵa shaqyrady" toptamalaryn –S.Prokofevtiń "Petıa men qasqyr" sımfonııalyq ertegisin, "Ishekti aspaptar úni", "Túrli daýystar álemi", "Úrmeli jáne soqpaly aspaptar úni", K.Sen-Sanstyń "Janýarlar karnavaly" zoologııalyq fantazııasyn qazaq tilinde, E.Grıgtiń "Per Gıýnttyń saıahaty" konsertin tartý etpek.

Al jalpy kórermen jaqyn kúnderde "Astana Opera" balet trýppasynyń kórkemdik jetekshisi, Reseıdiń halyq ártisi Altynaı Asylmuratovanyń qoıylymyndaǵy Lıýdvıg Mınkýstyń "Don Kıhot", Adolf Adannyń "Korsar", Frıderık Shopenniń mýzykasyna jazylǵan "Shopenıana" qoıylymdary men t.b. ataqty horeograftardyń balet spektaklderin tamashalaı alady.

Teatr ujymy ulttyq jáne batys eýropalyq klassıkterdiń jaýhar týyndylaryn, atap aıtqanda, Evgenıı Brýsılovskııdiń "Qyz Jibek", Ahmet Jubanov pen Latıf Hamıdıdiń "Abaı", Djoakkıno Rossınıdiń "Jibek saty", Djakkomo Pýchchınıdiń "Toska" jáne t.b. qoıylymdaryn, sonymen qatar "Astana Opera" teatrynyń bas dırıjeri Alan Bóribaevtyń – "Italııadan kelgen hattar", dırıjer Abzal Muhıtdınniń "Jyldyń segiz mezgili: Antonıo Vıvaldı men Astor Pıassolla" jobalaryn, B.Qaıyrbekovtiń "Tabysqan suhbattastar" shyǵarmashylyq keshin shilde men tamyz aılary kestesine engizip otyr. "Astana Opera" Kameralyq zalynda ótken tamasha konsertter de kórermen kózaıymyna aınalyp, uly oıshyl, aǵartýshy, hakim Abaı Qunanbaıulynyń týǵan kúni qurmetine 10-tamyzda usynylatyn Ahmet Jubanov pen Latıf Hamıdıdiń "Abaı" operasy jyldyń eń aıtýly onlaın oqıǵasy retinde el esinde saqtalady dep kútilýde.

Taǵy bir aıta ketetin jaıt, TengriTV-diń dızaıny zamanaýı turpatqa laıyqtalyp, kórermen talǵamyna saı jańǵyrtylyp usynylýda. Ol paıdalanýshylar úshin meılinshe yńǵaıly ári ýaqyt jaǵynan óte tıimdi. Munan keıingi ýaqytta burynǵydaı bir aptaǵa arnalǵan translıasııalar kestesimen emes, bir aılyq kestemen tanysýǵa, ónersúıer qaýym qoıylymnyń ótetin kúni men ýaqytyn aldyn-ala bilip otyrýyna jaǵdaı týǵyzyldy. Bul kópshiliktiń spektaklderdi tez ári ońaı taýyp alýyna jáne ózderine "vızýaldyq kesteni" saqtaýǵa múmkindik beredi.

 

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar