Aımaqtar • 03 Shilde, 2020

Jumys sapasy udaıy baqylaýda bolady

240 ret kórsetildi

Bul týraly Qyzylorda qalasynyń ákimi Nurlybek Nálibaev «Jumyspen qamtý jol kartasy - 2020» baǵdarlamasy aıasynda oblys ortalyǵyndaǵy birqatar qurylys nysandaryn aralaý barysynda aıtty, dep habarlaıdy Egemen.kz.

Búginde Qyzylorda qalasynda 54 mektep bar. Onyń ishinde kúrdeli jóndeýdi qajet etetin ǵımarattar saralanyp, jóndeý jumystary kezeń-kezeńimen júrgizilýde.

Bilim salasyndaǵy bıylǵy jaǵymdy jańalyqtyń biri aımaq ortalyǵynda barlyǵy 8 mektepke jáne 2 balabaqshaǵa kúrdeli jóndeý jumystary júrgizilýde. Onyń ishinde "Jumyspen qamtý jol kartasy - 2020" baǵdarlamasy aıasynda 4 mektep ıaǵnı №23, 43, 112, 173 jáne 2 balabaqshaǵa kúrdeli jóndeýden ótse, respýblıkalyq "Aýyl – el besigi" baǵdarlamasy negizinde Aqsýat aýyldyq okrýginde ornalasqan №143 orta mektebi jańǵyrtylýda. Sonymen qatar qalamyzdaǵy №1, 4, 176 mektepterdiń esik-terezeleri men shatyryn jańalaýǵa Halyqaralyq jobalar arqyly qarajat bólingen.

Ákim

Qala ákimi aldymen J.Qızatov atyndaǵy №23 mekteptegi kúrdeli jóndeý jumysynyń barysyn kórdi. Salynǵanyna 35 jyl bolǵan bilim ordasynyń syrtqy árleý jumystary, aýyz sý, káriz júıesi men jylý júıesi qubyrlary tozyp, esik-terezesi eskirgen. Qala basshysy jumys sapasyna mán berýdi tapsyryp, memleketten bólingen ár tıynnyń suraýy bolatynyn eskertti.  Munan soń shahar basshysy Q.Muhamedjanov atyndaǵy №1 mektep-gımnazııasynda halyqaralyq jobalar arqyly júrgizilip jatqan jóndeý jumystaryn kórdi. Mektep basshylyǵynyń memleket qarjysyna ıek artyp otyrmaı, jańǵyrtý jumystaryna halyqaralyq qorlardan qarjy tartý bastamasyn oń baǵalady.  

M.Kókenov kóshesindegi jaıaý júrginshiler jolyn "Qasıet LTD" JShS jáne "Aqparat-Qyzylorda" JShS salyp jatyr. Qala basshysy qos merdigerge osyǵan deıin trotýarlardyń sapasyna baılanysty oryn alǵan olqylyqtardyń qaıtalanbaýyn eskertti.  

Odan keıin qala ákimi osy Tıtov qystaǵynda ornalasqan Á.Moldaǵulova atyndaǵy №173 mekteptiń kúrdeli jóndeý jumystaryn tekserdi. Mektep 44 jyldan beri jóndeýden ótpegen. Ǵımarattyń salynǵan ýaqyty men jaǵdaıyn saraptaı kele kúrdeli jóndeýge "Jumyspen qamtý jol kartasy - 2020" baǵdarlamasy aıasynda qarjy bólingen. Merdiger mekeme basshysy qurylys jumystary tamyz aıynda aıaqtalyp, oqý maýsymyna tolyq daıyn bolatynyn jetkizdi.  

"Jumyspen qamtý jol kartasy - 2020" baǵdarlamasy aıasynda kúrdeli jóndeýden ótip jatqan N.Ahmadeeva atyndaǵy №112 orta mektepte metaldy saıdıng jabyndary durys qoıylmaǵan, qala basshysy merdigerge bul olqylyqty tez arada durystaýdy tapsyrdy.

Qala ákimi A.Toqmaǵambetov kóshesiniń boıyndaǵy kvartalaralyq jylý jelilerin qaıta qurý jumystaryn da nazarǵa aldy. Búginde jańǵyrtý jumystaryna jylý shyǵymy az, zaman talabyna saı otandyq ónimder qoldanylýda. Shahar basshysy mundaǵy jumystyń baıaý júrgizilip jatqanyn aıtyp, merdigerge jáne jaýapty sala basshylaryna "meılinshe tez ári sapaly jumys isteý kerek", - dep tapsyrma júktedi.

Aıta keteıik, bıyl qala boıynsha "Jumyspen qamtý jol kartasy - 2020" baǵdarlamasy aıasynda tozyǵy jetken 7 shaqyrym jylý qubyrlaryn aýystyrý josparlanýda. Atalǵan joba negizinde 200 jýyq azamat jumyspen qamtyldy.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar