Aımaqtar • 03 Shilde, 2020

Iаnaıkınge “naǵyz qazaq”

380 ret kórsetildi

Batys Qazaqstan oblysy Báıterek aýdanyna qarasty Iаnaıkın aýylyndaǵy Mádenıet úıiniń aldyna "Dombyra" músini ornatyldy, dep habarlaıdy Egemen.kz

Ulttyq dombyra kúnine oraı ornatylǵan bul keshendi jasaǵan – Úlken Shaǵan mektebiniń muǵalimi, jas sheber Rýslan Ahmetov. Qasıetti shańyraq aıasynda turǵan dombyra beınesiniń astyndaǵy taqtaıshada aqyn Qadyr Myrza Álıdiń áıgili:

"Eki ishektiń birin qatty,

birin sál-sál kem bura.

Naǵyz qazaq - qazaq emes,

Naǵyz qazaq - Dombyra!" - degen jyr joldary jazylǵan. Aýyldyń sánin keltirgen bul keshenniń qarjysyn jergilikti kásipkerler, "Dúısen" jáne "О́tep" sharýa qojalyqtary kóterip alypty.

Rýhanı jańǵyrý baǵdarlamasy aıasynda boı kótergen kompozısııany yl aqsaqaly, ardager Haırýsh Otarbaev pen jas dombyrashy Nurlybek Muǵalimov ashty. Nurlybek aǵaı ultymyzdyń uly aspaby, mýzykalyq murasy týraly sóz qozǵasa, Nurlybek qos ishekke til bitirip, kúı tartty.

- Qazaq pen dombyra – egiz uǵym ǵoı. Ulttyń únine aınalǵan qasıetti aspabymyz aýyl tórinen oryn alǵanyna qýanyshtymyz. Osy eskertkishti ornatýǵa qoldaý kórsetken aýyl kásipkerlerine aýdan ákimi atynan alǵys bildiremin, - dedi osy saltanatqa arnaıy kelgen Báıterek aýdandyq ishki saıasat bóliminiń basshysy Nurjan Dúzbatyr.

Sońǵy jańalyqtar

Uqsas jańalyqtar