Elordada qurylys ekpindi

Qaldyqtarǵa arnalǵan polıgon

Bıyl qurylys qaldyqtaryn ortalyqtandyrylǵan jınaý jáne qaıta óńdeý úshin polıgon qurylysy bastalady. Bul týraly elorda ákiminiń orynbasary Altynbek Qaısaǵalıev habarlady.

«Qala shetinde qoqys úshin ruqsat etilmegen oryndarǵa qurylys kompanııalary zańsyz qoqys tógýde. Qysta qarmen birge qurylys qoqystary da shy­ǵa­rylǵany anyqtalýda. Tipti, kásiporyndardan basqa, páterlerge jóndeý júrgizgen qala turǵyndarynyń ózderi qoqys shyǵardy. Ruqsat etil­me­­gen jerler ekologııalyq jaǵ­daıdy nasharlatady. Eko­lo­gııa­lyq polısııa osyndaı zańsyz áreketter úshin tártip buzýshylarǵa aıyppul sala­dy. Tazalyq mádenıetin qalyp­tas­tyrý qajet», dedi qala áki­mi­niń orynbasary Altynbek Qaı­sa­ǵalıev.

Ákimdik polıgon jobasyn ázirledi. Qazir orny anyqtalýda. Buǵan deıin elorda ákimi Altaı Kólginov ekologııalyq polısııa men aýdan ákimderine eskertý jasap, zańsyz qoqys shyǵarýǵa jol bermeýdi jáne qurylys qaldyqtaryn shyǵarý ornyn anyqtaýdy tapsyrǵan bolatyn.

150 aýla abattandyrylady

Nur-Sultannyń barlyq aýdanynda aýla men úı aýmaq­ta­rynda abattandyrý júrip jatyr. Bıyl 150-ge jýyq aýla abattandyrylady. Onyń keı­bi­ri 10 jyldan astam ýaqyt boıy abattandyrylmaǵan. So­la­r­dyń ishinde «Jastar» sha­ǵyn aýdanyndaǵy barlyq aýla abattandyrylady. Bul jerde barlyǵy 16 aýla bar. Aýdanda 50-den astam tur­ǵyn úıde 14 myńǵa jýyq adam turady.  Nóser kezinde «Jas­tar» shaǵyn aýdanynyń ishki aýlasyna sý aqpaý úshin jaýyn-shashyn kárizderin tóseý qolǵa alynǵan. «Biz osy aýdandarda turatyn turǵyndar úshin aýla ishi aýmaqtary men oıyn alańdaryn jasaımyz. Aýlalardy abattandyrýda tur­ǵyn­dardyń pikirin eskerý qajet. Bul úshin bıyl barlyq aýdan boıynsha «Qatysý bıýdjeti» baǵdarlamasy iske qosyldy. Qaı aýlany abattandyrý kerek ekenin jáne oıyn alańynda neni kórgisi keletinin turǵyndardyń ózi sheshedi. Eń aldymen jumys tıisti deńgeıde oryndalýy kerek, biz sapasy tómen jumysty qabyldamaımyz. Sondaı-aq aýdandardy kógaldandyrýǵa erekshe nazar aýdarý qajet. Bıyl qalada 30 myńǵa jýyq aǵash otyrǵyzylady», dedi Nur-Sultan qalasynyń ákimi. Aıta ketetin taǵy bir jaıt, bı­yl elordada 50-ge jýyq qo­ǵamdyq oryn (saıabaqtar, alań­dar jáne basqa da kópishilik oryn­dar) abattandyrylady.

130 shaqyrymdyq velojol

Bıyl elordada 45 shaqyrym velojol salynsa, 3 jyl ishinde 130 shaqyrym velojol salý josparlanyp otyr. Ýaqyt óte kele qalanyń barlyq derlik negizgi kóshelerinde velojoldar salynady. Bul elorda turǵyndary men qonaqtary arasynda velosportty damytýǵa múmkindik beredi. Esterińizge sala keteıik, 2020 jylǵy 13 mamyrdan bastap Nur-Sultan qalasynda velosıpedterdi jalǵa berý qyzmeti jumysyn bastady. Paı̆dalanýshylar úshin 50 velostansaǵa 200 velosıped qoı̆ylǵan. Maýsym aı̆ynda velosıped sany úsh ese kóbeı̆tiledi. Elorda turǵyndary men qala qonaqtaryna 155 stansada 700 velosıped qoljetimdi bolady. Bul qala turǵyndary úshin avtomobılder men qoǵamdyq kólikke balama bolmaq. Velosıpedterdi júı̆ede tirkeý rásimin ótkennen keı̆in ǵana jalǵa ala alasyz. Ol úshin www.velobike.kz saı̆tyna kirý qajet. Júı̆ede 16 jastan asqan adamdar tirkele alady. Abonementterdi 13 mamyrdan bas­­tap City Transportation Systems kassalarynan satyp alý­ǵa bolady. Velosıpedti jalǵa berý júı̆esi 24/7 rejiminde ju­mys isteı̆di.

Qazaq teatry qonys toıyn toılaıdy

Teatr Elbasynyń tapsyr­ma­­syna sáıkes salynýda. Teatr qurylysymen «Sa­mu­ryq-Qa­zy­na» ulttyq ál-aýqat qory aı­nalysyp jatyr. Keshen 800 oryn­ǵa eseptelgen, 3 qabat­tan turady. Ǵımarat J.Ná­ji­medenov, A.Baı­tur­syn­uly jáne 23-15 kóshe­leriniń qıy­ly­synda ornalasqan. Qala áki­mi Altaı Kólginov qurylys jumystarynyń kestege sáıkes júrip jatqanyn atap ótti. «Aýmaqty abattandyrýǵa bel­sen­­di kirisý qajet. Barlyq ju­mys­tar sanıtarlyq normalardy qatań saqtaı otyryp júrgizilýi tıis. Qurylys jumystary bıyl aıaqtalady», dedi elorda basshysy. Sonymen qatar ol Myńjyldyq aýdanyndaǵy ınjenerlik-kommýnıkasııalyq jelilerdiń qurylysymen ta­nys­ty. Bul jumystar aýdan­dy elektr energııasymen qam­ta­ma­syz etýge múmkindik beredi.

Bir jylda – 12 mektep

Jýyrda elorda ákimi Altaı Kólginov eki jekemenshik mek­tep­tiń qurylysymen tanysty. Investısııalyq keńeste ákimdik bilim berý salasyndaǵy 20-dan astam jobany qoldady. Atalǵan mekemelerdi iske asyrý shamamen 25 myń oqýshy ornyn jáne 4,5 myń mektepke deıingi oqý ornyn qamtamasyz etýge múm­kin­dik beredi. Bahreın elordada mektep salýǵa 3,3 mlrd teńge ınvestısııa quıǵan. Bul oqý orny qazirgi ýaqytta 3,5 myń oqýshysy bar №72 mekteptegi shamadan tys júkteme máse­le­sin sheshýge múmkindik be­re­di. Oqý  orny aqysyz negiz­de qalanyń kommýnaldyq menshi­gi­ne beriledi. Mektepte oqý tegin bolady. Qurylystyń aıaq­talý merzimi – 2021 jyl. Elor­dada arab memleketteriniń qarjylandyrýymen salynǵan memlekettik mektepter bar. Búginde qalada BAÁ jáne Qatar memleketteriniń mektepteri tabysty jumys istep jatyr. Olardyń qatarynda 2017, 2018 oqý jylynan bastap ashylǵan №85, №84 mektep-lıseıleri bar. Bıyl 12 mektep salynsa, 2021 jyly taǵy 12 memlekettik mektep salynady. Birinshi kezekte mektepter suranys bar jerlerge salynýda. Osylaısha, úsh aýysymdy mektepterge ar­tyl­ǵan shamadan tys júkteme máselesi sheshiledi. Qala ákimi Altaı Kólginov «qarapaıym zattar ekonomıkasyn» qoldap, damytý qajet ekenin aıtty. Keshendi jospar aıasynda 5 jyldyq kezeńge 60 myń oryndyq 50 mektep (onyń ishinde 10-y mektepterdiń aýmaǵynda) salý josparlanǵan. Bul eki aýy­sym­da 120 myńǵa jýyq oqýshynyń bilim alýyna múmkindik beredi.

Balalarǵa bazarlyq – oıyn alańdary

El astanasynda jaz kelisimen aýlalardy abattandyrý bastalady: jańa oıyn alańdary paıda bolady, qoldanystaǵy eskileri jańartylady. Trenajerler, shaǵyn sáýlet formalary ornatylady. Aýdandyq ákimdikterde jańa oıyn alańdary qaı jerlerde salynatyny jáne qandaı abattandyrý jumystary júr­gi­zi­letini aıtyldy.

Mysaly, Almaty aýdanynda 387 aýla bar. 2020 jyly 33 aýlanyń aýmaǵyn kórkeıtý josparlanǵan. Qordaı kóshesi №75 úı men K. Ázirbaev kóshesindegi №10 úıdiń aýlalary 2020 jyly abattandyrý jumystarynyń josparyna engizilgen. Qosymsha sha­ǵyn sáýlet formalary men jat­tyǵý quraldaryn ornatý maý­sym aıynda bastalady. Aınakól kóshesindegi №56, 56/1, sondaı-aq R.Qoshqarbaev dań­ǵyly boıyndaǵy №45, 45/1 úılerdiń aýlalarynda ke­shen­di kóriktendirý jumysy júr­gi­zilip, kólik turaǵy, sporttyq jáne balalarǵa arnalǵan oıyn alańy salynady. Jóndeý ju­mys­taryn maýsym aıynda bas­taý josparlanǵan. Ǵ.Mus­ta­fın kóshesindegi №15/2 úıdiń aýlasyndaǵy sport alańyna bıyl aǵymdaǵy jóndeý júr­gi­zi­le­di. Buǵan qosa T.Júrgenov kóshesindegi №74 mekteptiń aýdanynda gúlzardyń qurylysyn bastap, oǵan shaǵyn sáýlet formalaryn ornatyp, jaıaý júrginshilerge arnalǵan jol tósep, kógaldandyrý kózdelip otyr. Al Baıqońyr aýdanyndaǵy «Jastar» shaǵyn aýdany, Abaı dańǵyly, A.Baraev, J.Omarov, Otyrar jáne t.b. kóshelerdiń boıyndaǵy 50 aýlany abattandyrý josparlanǵan. Jobaǵa sáıkes balalarǵa arnalǵan eki oryndyq átkenshek, serippeli terbetkishter, qum salǵysh, sport­tyq jattyǵý quraldary, shaǵyn sáýlet formalary ornatylady. Aýdan aýmaǵynda 235 aýla bar, búginde onyń 67-sin jańartý qajet. Bıyl 50 aýlany jóndeý kózdelip otyr. Elordanyń Esil aýdanynda 399 aýla bar. Bıyl 22-si abattandyrylyp, adamdar úshin qaýipsiz jáne sertı­fıkat­tal­ǵan shaǵyn sáýlet formalary ornatylady. Qoǵamdyq keńistik aıasynda bir aýmaqta jáne 20 aýla­da bir oıyn alańyn jabdyqtaý jospary bar. Al Saryarqa aýdanynda bıyl 40 aýlanyń aýmaǵyn kórkeıtý josparlanǵan. Ol jerde jalpy 540 aýla bar. Aýdanda barlyǵy 540 balalar alańy bolsa, onyń 10%-yn jańartý qajet. Qazirgi kúni aýdandaǵy aýlalardy abattandyrý qyzmetin kórsetý boıynsha memlekettik satyp alýlar baıqaýyn ótkizýge daıyndyq júrgizilýde.