Aımaqtar • 08 Shilde, 2020

Jaǵdaıdy turaqtandyrýdy kózdeıdi

12 ret kórsetildi

Jergilikti «Ertis telearnasynyń tikeleı efırinde oblys ákimi Ábilqaıyr Sqaqov «О́ńirdegi epıdemııalyq ahýal» taqyrybyndaǵy suhbatqa qatysty. Suhbat barysynda oblys ákimi óńirdegi indetke qarsy is-sharalardyń atqarylý barysy týraly, dáriger mamandardyń jetispeýshiligi, jalpy bul baǵytqa jumsalatyn qarjylandyrý kólemi týraly baıandap berdi.

– 7 shilde kúngi jaǵdaı boıynsha óńirde koronavırýstyq ınfeksııanyń 1 460 jaǵdaıy tirkeldi, – dedi Á.Sqaqov. – 532 adam saýyǵyp shyqsa, 14 adam qaıtys boldy. Oblys boıynsha provızorlyq tósektik oryndar sany 3 462-ge deıin, ıaǵnı 4 ese arttyrylǵan. Qazir oblysta pnevmonııamen aýyratyn 2 194 naýqas provızorlyq stasıonarlarda em alýda. Aýrýdyń jeńil jáne ortasha formasymen 1 644 naýqas ambýlatorlyq emdelýde. Trıaj-ortalyǵyna búginge 390 adam túsken. Oblys ákimi medısına qyzmetkerlerine ár naýqasqa jetkilikti mólsherde nazar aýdarý jáne barynsha kómek kórsetý mindettelgenin atap ótti.

Qazir 9554 turǵyn ambýlatorlyq jaǵdaıda qaralýda eken. 1644-i orta jáne jeńil satydaǵy pnevmonııaǵa shaldyqqan. Qalǵandary stasıonarlardan saýyǵyp shyqqan adamdar. Sonymen birge naýqastar men medıkter Densaýlyq saqtaý mınıstrliginiń nusqaýlary men usynystaryn buljytpaı oryndaýlary qajet. Adamdar ózin ózi emdeýden bas tartyp, dárigerler kómegine júginýleri kerek. Oǵan qosa, barlyq másele boıynsha 109 biryńǵaı baılanys ortalyǵyndaǵy jedel jeliniń kómegine júginýge bolatyn kórinedi.

– Búginde óńirde 108 ókpeni jasandy jeldetý apparaty bar, – dedi oblys ákimi. – Onyń 65-i qazir juqpaly jáne provızorlyq stasıonarlarǵa tartylǵan. Jaqyn arada taǵy 33 apparat jetkiziledi. Sonymen qatar 226 ottegimen qamtamasyz etý núktesi bar. Qosymsha 155 núkteni jabdyqtaý týraly sheshim qabyldandy, osylaısha olardyń jalpy sany 400-ge deıin jetkiziledi.

Bıýdjettiń barlyq deńgeılerin, onyń ishinde Úkimet pen jergilikti atqarýshy organdar rezervi, sondaı-aq oblystyq bıýdjetti qosa alǵanda koronavırýstyq ınfeksııaǵa qarsy is-sharalarǵa 2,8 mlrd teńge bólindi. Onyń 837 mln teńgesi óńir medısınalyq uıymdarynyń ma­te­rıaldyq-tehnıkalyq jaǵdaıyn qam­tamasyz etýge jumsaldy. Máselen, osy qarajatqa 33 ókpeni jasandy jeldetý apparaty, 19 stasıonarlyq monı­tor satyp alynsa, 42 mln teńgege me­dısınalyq buıymdar men 660 mln teńgege dárigerlerge arnalǵan uzaq mer­zimdi jeke qorǵanys zattary alyndy.

Qazir oblysqa 400-den astam medısına mamany qajet. О́ńirde 3 aı ishinde stasıonarlarda jumys isteıtin medısına qyzmetkerler sany 6 ese ósti.

– Stasıonarlarda jumys isteıtin medısına qyzmetkerler sany 497-den 2826 deıin ósti. Búginde kadrlarǵa jalpy qajettilik 400-den astam adamdy quraıdy. Biz qazir búkil oblystan dárigerlerdi jumyldyrdyq. Burynǵy medısına qyzmetkerleri men medısına oqý oryndarynyń túlekteri ara­synan kadrlardy izdep otyrmyz. Oblystyń densaýlyq saqtaý basqarmasy basshysynyń ótinishine 103 adam jaýap berdi. Onyń 17-si jumysqa kiristi. Taǵy 26 adam ózdiginen júginý boıynsha jumysqa ornalasty. Jáne 108 dáriger basqa medısına uıymdarynan kómekke kelgenin atap ótti. Sondaı-aq qosymsha taǵy 15 dáriger jumysqa kirisýge daıyn.

Oblys ákiminiń aıtýynsha, qazir 17 myń parasetamol qaptamasy jetkizildi. Sonymen qatar 6,5 myńnan astam seftrıakson men sef-3 qutysy ákelingen preparattar Ekibastuz, Aqsý qalalary men aýdandarǵa jetkiziledi. Oblystyń kóterme qoımalaryna 16 myńǵa jýyq qaptama antıbıotık, onyń ishinde, vırýsqa qarsy 5 myńǵa jýyq oram, ys­tyqty túsiretin jáne 8 myńǵa jýyq qap­tama sımptomatıkalyq emdeýge ar­nalǵan preparattar túspek.

– Búginde medısınalyq uıymdar buryn jasalǵan sharttar boıynsha dári-dármek alatyn bolady, – deıdi aımaq basshy. – Qosymsha ótinim 1,5 mlrd teńgege jýyq somaǵa satyp alýǵa berildi. 33 ataýly antıbıotıkter, trom­bolıtıkter jáne gormondar jedel tár­tipte satyp alynady.

BAQ ókilderiniń koronavırýsqa qarsy kúreske azamattyq qoǵam men bıznestiń qanshalyqty úles qosyp jatqany týraly suraqqa jaýap bergen óńir basshysy osy maqsatta kóktemde arnaıy qor qurylǵanyn aıtty. COVID-19 indetine qarsy qorǵa bıznesmenderden 122 mıllıon teńge shamasynda qarajat túsken. Qorǵa túsken aqshany qaı jerge jumsaýǵa bolatyndyǵyn sheshetin arnaıy qamqorshylyq keńes bar. Oblys kóleminde osy baǵytta 400 volonter jumys isteýde.

 

Pavlodar oblysy

Sońǵy jańalyqtar

Atyraýda jol boıynda traktor aýdaryldy

Aımaqtar • Búgin, 19:11

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Atyraýda jol apatynan 39 adam kóz jumdy

Aımaqtar • Búgin, 09:58

Uqsas jańalyqtar