Qazaqstan • 08 Shilde, 2020

AHQO Sotynyń Tóraǵasy Lord Manstyń ant berý rásimi ótti

9 ret kórsetildi

Búgin Qazaqstan Respýblıkasynyń Prezıdenti Qasym-Jomart Toqaevtyń qatysýymen AHQO Sotynyń Tóraǵasy Lord Manspen ant berýdiń resmı rásimi ótti. Saltanatty rásimge AHQO Sotynyń birinshi Tóraǵasy Lord Výlf pen AHQO Basqarýshysy Qaırat Kelimbetov qatysty. Is-shara onlaın rejımde ótti. Bul týraly ortalyqtyń baspasóz qyzmeti habarlady, - dep jazady Egemen.kz

"Men úshin Lord Výlftiń murageri bolý jáne AHQO Sotynyń tóraǵasy laýazymyn atqarý úlken qurmet. Uıymnyń maqsaty-bıznes jáne ınvestısııalar úshin jalpy quqyqtyń senimdi negizin qamtamasyz etý, bul tek Qazaqstan úshin ǵana emes, jalpy Ortalyq Azııa óńiri úshin de mańyzdy bolyp tabylady. Men AHQO soty men «Astana» Halyqaralyq qarjy ortalyǵyn ilgeriletýde Qazaqstan basshylyǵynyń kórsetken qoldaýyna tántimin. Men eki ınstıtýt ta keremet nátıjelerge qol jetkizýdi jalǵastyratynyna senimdimin" dep atap ótti Lord Mans.

Lord Mans 2017-2018 jyldary Ulybrıtanııa Joǵarǵy soty tóraǵasynyń orynbasary qyzmetin atqardy. Onyń kommersııalyq quqyq jáne halyqaralyq saýda, jarııa jáne jeke halyqaralyq quqyq, sondaı-aq Eýropalyq Odaqtyń quqyǵy salasynda kóp jyldyq jumys tájirıbesi bar.

AHQO sotynyń birinshi tóraǵasy Lord Výlf aıtqandaı: «Men Qazaqstan Respýblıkasynyń basshylyǵyna AHQO Sot apparatynyń sońǵy eki jarym jylda atqarǵan jumysyna rızamyn. Ortalyq Azııa aımaǵy úshin biregeı júıe nólden bastap quryldy, qazir onda tájirıbesi mol kórnekti sýdıalar jumys isteıdi. Basqa elderde AHQO Sotynyń tájirıbesin jáne onyń isterdi ákimshilendirýdiń jańa standarttaryna kózqarasyn zertteýge qyzyǵýshylyq artýda».

AHQO Soty óz qyzmetin 2018 jyly bastady. Osy ýaqyt ishinde sot basqa halyqaralyq qarjy ortalyqtarynda osyndaı jalpy quqyq sottaryna qaraǵanda aıtarlyqtaı tabystarǵa jetti. Isterdi ákimshilendirý eJustice álemdik deńgeıdegi elektrondyq qujat aınalymy júıesimen jáne beınebaılanys boıynsha sot tyńdaýlarymen eń zamanaýı sıfrlyq tehnologııalardy paıdalana otyryp, kidirissiz onlaın rejıminde júzege asyrylady. Qazirgi ýaqytta sot úshinshi isti qarastyryp, eki sheshimdi usyna otyryp, Qazaqstannyń sot sheshimderin oryndaý jónindegi organdarymen birlesip arnaıy ázirlengen qadamdyq rásimderdi paıdalana otyryp, 100% - ǵa sátti oryndaldy.

Sot eskertpesi myńdaǵan kommersııalyq kelisimsharttardyń daýlaryn sheshý týraly tarmaqtarǵa, sonyń ishinde Chevron energetıkalyq korporasııasynyń standartty kelisimsharttaryna engizildi. Álemniń 23 quzyretiniń 172 zańgeri AHQO Sotynda óz klıentteriniń múddesin bildirý quqyǵymen tirkelgen. О́zara túsinistik týraly 22 memorandýmǵa basqa da jergilikti, óńirlik jáne halyqaralyq daýlardy sheshý ortalyqtarymen qol qoıyldy. 1000-nan astam zańger jalpy quqyqtaǵy advokatýra, halyqaralyq kommersııalyq quqyq máseleleri boıynsha oqýdan ótti jáne halyqaralyq medıatorlar retinde akkredıttelgen. Jańa qyzmetter, sonyń ishinde sot medıasııasy iske qosyldy. Qosymsha qyzmetter osy jyly AHQO sotynyń jumysyndaǵy ınnovasııalyq kózqarasty rastaý retinde engiziledi. 

Saltanatty rásim sońynda Prezıdent Qasym-Jomart Toqaev Lord Výlfke AHQO Sotynyń birinshi tóraǵasy retindegi jumysy úshin alǵys aıtyp, Lord Mansqa jańa laýazymda sáttilik tiledi.

Aıta keteıik, Sýdıa Lord Mans 2005 jyly Lordtar palatasynda Apellıasııalyq sottyń lord – ordınarıi boldy. 2009 jyly ol sondaı-aq Apellıasııalyq sottyń taǵy da toǵyz sýdıasy Ulybrıtanııa Joǵarǵy sotynyń sýdıalary boldy. 2017 jyly ol Ulybrıtanııanyń Joǵarǵy sot tóraǵasynyń orynbasary bolyp taǵaıyndaldy.

Sońǵy jańalyqtar

Uqsas jańalyqtar