Rýhanııat • 08 Shilde, 2020

Jetinshi maýsymnyń jetistigi

17 ret kórsetildi

"Astana Opera" teatrynyń jetinshi maýsymy jarqyn ári este qalarlyq premeralar men halyqaralyq jobalarǵa toly boldy. О́kinishke qaraı, maýsymnyń naǵyz qyzǵan shaǵynda koronavırýs saldarynan kóp jumys keıinge shegerilip, sahnalyq qoıylymdar men konserttik baǵdarlamalardy onlaın-rejimde kórsetýge týra keldi. Birqatar premeralar, atap aıtqanda,G.Donısettıdiń "Don Paskýale", "Mahabbat sýsyny" operalary, T.Qajyǵalıevtiń mýzykasyna jazylǵan "Dala úni" baletiniń ótetin kúnderi aldaǵy segizinshi maýsymǵa aýystyryldy, dep habarlaıdy Egemen.kz.

"Astana Opera" teatrynyń shyǵarmashylyq ujymy 7-shi maýsymda 185 is-sharany júzege asyrdy, onyń ishinde balalarǵa arnalǵan 20 joba bar.Karantın kezinde 15 onlaın-kórsetilim, tikeleı TENGRI TV-den 41 spektakl kórsetildi. Qysqa maýsymda teatr týraly baspasóz betterinde shamamen 3 myńǵa tarta materıal jaryq kóripti.

О́tken maýsymda ujym Mádenıet jáne sport mınıstrliginiń qoldaýymen kórermenge 3 premera Dj.Verdıdiń "Don Karlos" operasyn, L.Delıbtiń "Koppelııa" baletin jáne L.Bethoven, I.S.Bah, V.A.Mosart, I.Gaıdn, D.Haýbrıhtiń mýzykasyna qoıylǵan "Bethoven – Máńgilik – Mahabbat" baletin usynǵan bolatyn. Sarapshy-mamandardyń pikiriboıynsha, "Don Karlos" operasy bıylǵy maýsymnyń eń úzdik shyǵarmasy sanalady. Bul oraıda qoıýshy-dırıjer, Qazaqstannyń eńbek sińirgen qaıratkeri, Memlekettik syılyqtyń laýreaty Alan Bóribaev kóp eńbek sińirdi desek, jetekshi solıster, hor, mımans ártisteriniń joǵary kásibı sheberligi men oryndaýshylyq óneri de kópshilik nazarynan tys qalǵan joq. Sonymen qatar "Koppelııa" baleti týraly da jyly lebizderin jetkizip, jetekshi solıster bul baletti naǵyz fransýzdyq ázilde oryndady dep baǵalaýda. Balettiń horeografy – Rolan Petı, qoıýshy baletmeısteri – Lýıdjı Bonıno, qoıýshy-dırıjeri – Arman Orazǵalıev, balet trýppasynyń kórkemdik jetekshisi – Reseıdiń halyq ártisi Altynaı Asylmuratova. Al teatrtanýshylar mýzyka tarıhyndaǵy uly ári qaıtalanbas kompozıtor Lıýdvıg van Bethovenniń 250 jyldyǵyna arnalǵan álemdik premerany sensasııalyq oqıǵaǵa balap otyr.Spektakldiń qoıýshy-baletmeısteri – tanymal nemis horeografy Raımondo Rebek, "Astana Opera" balet trýppasynyń kórkemdik jetekshisi – Altynaı Asylmuratova, qoıýshy-dırıjeri – Abzal Muhıtdın, bas hormeısteri – Erjan Dáýitov.

О́tken jyldyń 20 qazanynda ujym "Sankt-Peterbýrg Operanyń" shaqyrtýy boıynsha IV halyqaralyq kameralyq opera festıvali aıasynda ótken is-sharaǵa qatysyp, "Sankt-Peterbýrg Opera" Kameralyq teatrynda  Dj.Rossınıdiń "Jibek saty" opera-farsyn usyndy. Bul rette "Astana Opera" teatrynyń gastroline baılanysty barlyq shyǵyndardy shaqyrtýshy tarap tolyqtaı óz moınyna alǵanyn atap ótken jón.

Sondaı-aq qazaqstandyq teatr ataqty ánshi Dmıtrıı Hvorostovskııdiń mádenı murasyn saqtaý men qoldaýǵa baǵyttalǵan birinshi festıvalge de qatysyp qaıtty. D .Hvorostovskıı atyndaǵy Krasnoıar memlekettik opera jáne balet teatrynda otandyq óner juldyzdary P.I.Chaıkovskııdiń 180 jyldyǵyna oraı "Evgenıı Onegın" qoıylymyn, sondaı-aq Krasnoıar fılarmonııasynyń Úlken konsert zalynda kórermen qaýym nazaryna qazaqstandyq kompozıtorlardyń týyndylarynan quralǵan sımfonııalyq baǵdarlamany tartý etti. L.Bethovenniń 250 jyldyǵyna oraı Orkestr men fortepıanoǵa arnalǵan №5 konsert, mı-bemol major, or. 73 oryndady.

Bıyl aqpan aıynda opera trýppasynyń solısteri qaraǵandylyqtarǵa ataqty kompozıtor Dj.Rossınıdiń "Jibek saty" operasyn usynyp, ártister S.Seıfýllın atyndaǵy Qaraǵandy oblystyq qazaq drama teatrynyń sahnasynda óner kórsetti.

Jetinshi maýsymda "Astana Opera" sahnasynda reseılik úsh teatr ujymy óner kórsetti. 9-10 qarasha kúnderi "Sankt-Peterbýrg Opera" memlekettik kameralyq teatry Dj.Verdıdiń "Rıgoletto" jáne J.Bızeniń "Injý izdeýshiler" operalaryn usyndy. Peterbýrgtik shyǵarmashylyq ujym teatrdyńkórkemdik jetekshisi, Reseıdiń halyq ártisi, QR Memlekettik syılyǵynyń laýreaty, "Dostyq" ordeniniń ıegeri, elordadaǵy opera óneriniń negizin qalaýshylardyń biri Iý.I.Aleksandrovpen birge Nur-Sultan qalasyna at basyn tiredi. Eske sala ketsek, tanymal rejısser K.Baıseıitova atyndaǵy teatr trýppasymen birge jumys istep, 13 opera spektaklin repertýarǵa qosqan bolatyn.

D.A.Hvorostovskıı atyndaǵy Krasnoıarmemlekettik opera jáne balet teatrynyń gastroli aıasynda 29 qarashada A.Borodınniń "Knıaz Igor" operasy, 1 jeltoqsanda ataqty horeograf Iý.Grıgorovıchtiń qoıylymyndaǵy A.Glazýnovtyń "Raımonda" baleti sahnalandy.

1

Bıyl Evgenıı Vahtangov atyndaǵy Memlekettik akademııalyq teatr astanaǵa gastroldik saparmen kelip, alǵash ret "Astana Opera" sahnasynda óner kórsetti. Reseıdiń eń tanymal drama teatry elorda turǵyndary men qonaqtaryna 8 jáne 9 qańtardaA.S.Pýshkınniń "Evgenıı Onegın" romanynan kórinister, 10 jáne 11 qańtarda A.P.Chehovtyń "Dıadıa Vanıa" spektaklin usyndy.

"Astana Opera" teatrynyń ártisteri birqatar halyqaralyq jobalarǵa qatysyp, júldeger atandy.Olardyń qatarynda Alan Bóribaev (Fınlıandııa, Qytaı, Belgııa, Germanııa, Chehııa), Baqtııar Adamjan (Italııa, Koreıa, Reseı), Serik Naqyspekov (Ýkraına), Áıgerim Beketaeva (Belarýs, Reseı), Taıyr Ǵataýov, Gaýhar Ýsına (Qyrǵyzstan), Saltanat Ahmetova (Reseı), Aızada Qaponova  (Qytaı, Reseı), Aıgúl Nııazova, Amına Taıkenova ın der Shmıtten (Túrkııa), Jupar Ǵabdýllına (Reseı, Bosnııa jáne Gersegovına), Talǵat Musabaev (Reseı), Abzal Muhıtdın (Italııa, Reseı), Baǵdat Ábilhanov (Reseı) jáne t.b. bar.

Opera sahnasynyń anasy, Sosıalıstik Eńbek Eri, KSRO halyq ártisi, KSRO Memlekettik syılyǵynyń laýreaty Bıbigúl Tólegenova 2019 jylǵy 3 jeltoqsanda "Astana Opera" MOBT sahnasynda mereıtoıyn atap ótti. Álemdik opera prımadonnasy 90 jasymen quttyqtaǵan izgi tilekterdi qabyl aldy. Ánshi qurmetine ótkizilgen is-sharaǵa qazaqstandyq opera ánshileri, Bıbigúl Tólegenova atyndaǵy baıqaýdyń laýreattary men resmı tulǵalar atsalysty.

Teatr trýppasy mereke kúnderi Nur-Sultan qalasy ákimdiginiń "Qarttar men múgedekterge arnalǵan medısınalyq-áleýmettik mekeme" KMM, sonymen qatar Mamandandyrylǵan bóbekter úıinde qaıyrymdylyq konsertterin ótkizdi. Buǵan qosa, jańa jyl qarsańynda "Astana Opera" teatry qaıyrymdylyq konsertter serııasyn usyndy. Ártister teatrǵa shaqyrylǵan "Áleýmettik kómek kórsetý ortalyǵynyń" múgedek balalaryna merekelik kóńil-kúı syılady. Kameralyq zal qyzmetkerleri óskeleń urpaqtyń mýzykalyq talǵamyn qalyptastyra otyryp, jetinshi maýsymda aýdıtorııanyń jas ereksheligine laıyqtap qyzyqty konserttik baǵdarlamalar usyndy.

Karantın kezinde ujym TENGRI TV-den onlaın-translıasııa arqyly shamamen 40-ta asa spektakl kórsetti. Ártister Mádenıet jáne sport mınıstrligimen birge uıymdastyrylǵan "Karantındegi juldyz" jobasyna belsene atsalysty.Sondaı-aq jurtshylyqqa teatr ártisteriniń qatysýymen 15 onlaın-joba usynyldy. Olardyń qataryna Jeńis kúnine arnalǵan "Tyrnalar" onlaın-jobasy, balet termınderi men zamanaýı bıdiń erekshelikteri týraly qozǵaǵan Serik Naqyspekovtiń qatysýymen "Balet jáne onyń qyr-syry" jobasynyń eki shyǵarylymy endi, 7 mamyr kúni Qazaqstan jáne Reseı mýzykanttarynyń qatysýymen kompozıtordyń 180 jyldyǵyna arnalǵan "Chaıkovskıı. Online" konserti berildi. Ondaǵan ártister "Mereke bıdi" oryndady, budan bólek "Astana Operanyń tanymal solısteri men Italııa, Meksıka, Japonııa, Qytaı, Rýmynııa, Grýzııanyń opera juldyzdary, sonymen birge "Astana Opera" sımfonııalyq orkestriniń mýzykanttary "O sole mio» neapolıtandyq ánin oryndady. Uly aqyn Abaı Qunanbaıulynyń 175 jyldyǵyna arnalǵan onlaın-joba ujym qyzmetiniń eń aıshyqty is-sharasynaaınaldy. Balalar stýdııasynyń jas ártisteri J.Bızeniń "Karmen" jáne E.Brýsılovskııdiń "Qyz Jibek" operalarynan onlaın-kórinister oryndady. "Astana Opera" sımfonııalyq orkestriniń ártisteri Qazaqstannyń eńbek sińirgen qaıratkeri, maestro Abzal Muhıtdınniń jetekshiligimen J.Bızeniń "Karmen" operasynan ývertıýrany da onlaın-rejimde usyndy. "Astana Operanyń" jetekshi solısi, opera juldyzy Maıra Muhamedqyzy dúnıejúzi dárigerlerine arnap Vangelıstiń "Búkilálemdik duǵasyn" oryndady. Sonymen qatar ujym teatrdyń YouTube arnasynda qoljetimdi basqa da tartymdy jobalardy júzege asyrdy.

Teatr basshylyǵy elimiz karantındi jeńip, qalypty jumys kestesi qaıta qalpyna kelip jatsa, qyrkúıek aıynyń sońynan keshiktirmeı teatrda jańa maýsymdy ashý josparlanyp otyrǵanyn aıtty. Segizinshi maýsymda buıyrtsa, kórermenge qyzyqty premeralar, mazmundy konsertter tartý etilmek, sondaı-aq ónersúıer qaýymdy súıikti ártisterimen kezdesýler, qoltańba sessııalary men t.b. shýaqty sátter kútip tur.

Sońǵy jańalyqtar

Uqsas jańalyqtar