О́kinishke qaraı búgingi jaǵdaı otandyq densaýlyq saqtaý júıesi berilgen ýaqytty tıimdi paıdalana almaǵanyn kórsetip otyr. Prezıdent indettiń alǵashqy kúninen bastap eń aýyr ssenarııge daıyn otyrýymyz kerek demedi me?! Iаǵnı birinshi karantınnen keıin halyq qaýiptiń seıilmegenin eskermeıtini, aýrýhanadaǵy oryndardyń jetispeýi, alyp-satarlardyń kóbeıýi, halyqtyń psıhologııalyq aýyr jaǵdaıǵa túsýi, dári-dármektiń jetispeı qalýy, jańa vırýstyń emdeý hattamasy resmı túrde ózgerip turǵany, emdik sharalardyń birizdilikke birden túspeýi, halyq ózdiginen em izdeı bastaýy densaýlyq júıesindegi úılestirý qyzmeti mamandarynyń aldyn ala zertteıtin jumystary edi ǵoı! Josparlaý, uıymdastyrý, baqylaý men yntalandyrý – menedjerdiń myzǵymaıtyn tórt qaǵıdaty. Osynyń barlyǵyna Prezıdent óz úndeýi arqyly tıisti baǵasyn berip, bul jaǵdaıdan sabaq alamyz dedi.
Qaharyna mingen indetpen kúreste dál qazir keregi – úreıge berilmeý! Kúresti toqtatpaý! Shildeniń basynda sany 400 ǵana bolǵan ámbebap mobıldi toptardyń sany aı sońynda 3,5 myńǵa deıin jetkiziledi. PTR-test tapsyrý ortalyqtary táýligine 40 myńǵa deıin saraptama jasaıtyn bolady. Dárihanalarǵa parasetamol, antıbıotıkter syndy qajetti medıkamentter jetkiziledi. Dárigerler aqparattyq jumysty kúsheıtetin bolady. Indetpen kúreske bólinip jatqan qarajat úzdiksiz, jiti baqylaýǵa alynady. Halyq qınalyp jatqanda esebin túgendep jantalasqan arsyzdardyń joly kesiledi!
Qasym-Jomart Kemeluly Sabyr Adaıdyń «Ár qazaq meniń jalǵyzym» degen bir aýyz sózimen búginde qara jamylǵan ár qazaqtyń shańyraǵyna kóńil aıtty. 13 shildeni Aza tutý kúni dep jarııalady.
Indetpen kúresip jatqan árbir janǵa kúsh-qýat bergeı, Jaratqan! Qara jamylǵan jurtqa qaıǵyryp kóńil aıtamyn. Bekem bolyńyzdar! Barlyq saqtyq sharalaryn oryndap, abaı bolaıyq!
Dana NURJIGITOVA,
Senat depýtaty
