Aımaqtar • 10 Shilde, 2020

Batysta "jasyryn esirtki zerthanasy" tabyldy

1845 ret kórsetildi

Batys Qazaqstan oblysynyń polıseıleri Ulttyq qaýipsizdik organdarymen birlesip "tehnıkanyń sońǵy úlgisi" boıynsha jabdyqtalǵan esirtki zerthanasyn joıdy. Bul týraly Polisia.kz-ke silteme jasaı otyryp Egemen.kz habarlaıdy.

Esirtki óndirýshiler Terekti aýdanynda garaj jáne aýladaǵy qurylysty satyp alyp, ony jasyryn esirtki zerthanasy etip yńǵaılastyrylǵan. Zerthananyń ereksheligi – onyń jabdyqtalýy men tazalyǵy, ol ónerkásiptik aýqymda sıntetıkalyq esirtki shyǵarýǵa eseptelgen.

Qaıta jabdyqtalǵan jasyryn zerthanadan polısııa qyzmetkerleri shyny ydysy bar eki konstrýksııany, sondaı-aq muzdatqysh kamerany anyqtady. "Zerthana" úı-jaıynda jasandy jeldetkish bolǵan. Aýlanyń artqy jaǵyna árqaısysy 1000 lıtrden úsh syıymdylyq kómilgen.

Úıdi jáne zerthanany tintý barysynda untaq tárizdi zattar, qospalar, hımııalyq zattardyń konsentrattary, sondaı-aq hımııalyq reagentteri bar kanıstrler, qorǵanysh kostıýmderi, respıratorlar men zerthanalyq jabdyqtar tabyldy. Sonymen qatar, oqıǵa ornynda 11,4 kg mefedron sıntetıkalyq esirtkisi jáne 8,1 kg pırovaleron alyndy.

Bul – Qazaqstandaǵy eń iri sıntetıkalyq esirtki alý. Belgili bolǵandaı, esirtkini óndirýmen bizdiń elimizge kóktemde kelgen Ýkraına azamattary aınalysqan, olar birneshe jergilikti turǵyndarmen tyǵyz baılanys ornatyp, olardy sıntetıkalyq esirtki óndirý boıynsha qylmystyq is-áreketke qatystyrǵan. Qurylysy bar úı satyp alý, olardy jóndeý jáne basqa da jumystar tańqýraı butalaryn ósirýge jaǵdaı jasaý úshin búrkemelengen.

Ol úshin JShS tirkelgen, ustalǵandar oǵan kent úıi men avtokólikti rásimdegen. Ustalǵandar birneshe ret synaýdan keıin 2020 jyldyń maýsym aıynyń sońynda sıntetıkalyq esirtki óndire bastaǵanyn moıyndady.

Osyndaı zerthanany polısııa qyzmetkerleri mamyr aıynyń sońynda Almaty oblysynyń Talǵar aýdanynda joıǵan bolatyn. Onda zerthanalyq jabdyqtar men hımıkattardan bólek, satýǵa daıyn alty keliden astam mefedron tárkilendi. Júrgizilgen arnaıy operasııa nátıjesinde 413 mln teńgeden astam somaǵa daıyndalǵan sıntetıkalyq esirtkiniń 120 myń dozasy esirtki tutynýshylarǵa jetken joq.

Ustalǵandarǵa qatysty Qylmystyq Kodekstiń 297-babynyń 3-bóligi "Esirtki zattardy ótkizý maqsatynda zańsyz daıyndaý, ıemdenip alý, saqtaý, tasymaldaý nemese adamdar tobynyń aldyn ala sóz baılasýymen ótkizý" boıynsha sotqa deıingi is júrgizý bastaldy. Jaza múlki tárkilenip, on jyldan on bes jylǵa deıingi merzimge bas bostandyǵynan aıyrýdy kózdeıdi. Tergeý jalǵasyp jatyr.


Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Alash balasyna ardaqty kún

Abaı • Búgin, 06:42

Tulǵa týǵan topyraq

Qoǵam • Búgin, 06:39

Qazaqtyń rýhanı qubylasy

Abaı • Búgin, 06:34

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Qyzylordada ınternet-alaıaq quryqtaldy

Tehnologııa • 08 Tamyz, 2020

Uqsas jańalyqtar