Ortalyqta aýtızm dıagnozy bar balalarǵa kómek kórsetiledi. Ortalyqtyń ashylýy aýtıstik spektrdegi aýytqýy bar balalardy 50% kóbirek qamtýǵa múmkindik beredi.
Ekinshi ońaltý ortalyǵy da osy ortalyq ornalasqan jańa turǵyn úı kesheniniń (Ýálıhanov, 23) birinshi qabatynda ornalasqan. Ortalyq kúnine 200 kelýshige deıin qabyldaı alady. Onda BSP, aýtızm jáne basqa da aýrýlary bar erekshe kútimdi qajet etetin balalarmen aınalysady.
Alty jasar balanyń anasy Elnara Sharafýtdınovanyń aıtýynsha, mundaı ortalyqtar erekshe balalardy ońaltý úshin óte qajet.
«Buryn bizge túrli emhanalar men ortalyqtarǵa barýǵa týra keletin, qazir balany ońaltý úshin barlyq qajetti qyzmetterdi osy ortalyqtan, bir jerden alýǵa bolady», deıdi Elnara.
«Biz balamyzben ońaltý ortalyqtaryna baramyz, óz kezegimizdi kútip qalatyn kezder de bolady. Sebebi basqa da balalar bar ekenin túsinemiz. Men ortalyqtarǵa barǵannan keıingi nátıjelerdi baıqaımyn. Meniń balam alǵashqy qadam jasaı bastady. Elordada ońaltý ortalyqtarynyń kóbeıip jatqany qýantady. Sebebi qalada erekshe 5,5 myń bala bar. Ońaltý ortalyqtarynyń ashylýy balalardy kóptep qamtýǵa jáne ortalyqtarǵa jıi barýǵa múmkindik beredi», dedi erekshe balanyń anasy Qymbat Kereıbaı.
Qala ákimdigi Memleket basshysynyń tapsyrmasy boıynsha erekshe kútimdi qajet etetin adamdar úshin jaǵdaı jasaý jumystaryn júıeli túrde júrgizýde. Ippodrom bazasynda ıppoterapııamen aınalysýǵa arnalǵan jabyq manej qurylysy júrgizilýde, jańa ǵımarattardyń birinshi qabattarynda áleýmettik nysandar (balalarǵa arnalǵan shaǵyn ortalyqtar, ońaltý ortalyqtary, balabaqshalar) ashylýda, ınvataksı sany eki ese ósti.
Jastar saraıy ǵımaratyndaǵy erekshe kútimdi qajet etetin adamdar úshin qoljetimdi bolatyn basseınge de jóndeý jumystary júrgizilýde.
