El Prezıdenti Qasym-Jomart Toqaev birlesken otyrysta COVID-19 vırýsyna qarsy memleket tarapynan atqarylyp jatqan sharalarǵa, sondaı-aq alda atqarylýy tıis jumystarǵa toqtaldy. Tıisti joǵary laýazym ıeleri men memlekettik qyzmetkerlerge osy máselede úlken jaýapkershilik júkteletinin atap kórsetti.
Halqymyz nebir náýbet jyldaryn bastan keshirdi. Bul indetten de arylarymyz anyq. Memleket basshysynyń 13 shildeni – Ulttyq aza tutý kúni dep jarııalaýy – ár salada ózindik úles qosyp júrgen belgili qoǵam qaıratkerlerinen, jalpy jaqynynan aıyrylǵan ár otbasynyń qamkóńilin jubatý dep túsinemiz.
Bereke-birligimiz jarasqan halqymyzdyń amandyǵy úshin árqaısymyz zor jaýapkershilik tanytyp, birlese kúreseıik, aǵaıyn!
Ábdimanap BEKTURǴANOV,
Parlament Májilisiniń depýtaty,
Nur Otan partııasy fraksııasynyń múshesi
