Otandyq avto tasymaldaýshylardyń halyqaralyq júk tasymaldaý naryǵyndaǵy ustanymyn nyǵaıtý maqsatynda satyp alynatyn ershikti tartqyshtardy kádege jaratý alymynan jáne alǵashqy tirkeý alymynan bosatý jóninde sheshim qabyldandy.
Sondaı-aq, qalalyq avtobýs tasymaldaryn damytý boıynsha sharalar kesheni ázirlendi. Ony iske asyrý saladaǵy problemalyq máselelerdi sheshýge, sondaı-aq kórsetiletin qyzmet sapasyn arttyrýǵa múmkindik beredi.
Sonymen qatar:
- EAEO kólik dálizderi júıelerimen yqpaldastyrylǵan kólik qujattaryn basqarý júıelerin sıfrlandyrý;
- halyqaralyq júk tasymaly úshin ruqsat berý júıesi rásimderin avtomattandyrý;
- elimizdiń avtobýs parkin jańartý sııaqty jumystar jalǵasady.
Eske sala keteıik, koronovırýstyq ınfeksııanyń taralýyn boldyrmaý maqsatynda 2020 jyldyń 5-19 shilde aralyǵynda oblysaralyq jáne qalaaralyq avtobýstardyń júrýi toqtatyldy.
Karantın engizilgen sátten bastap QHR, Reseı, Qyrǵyzstan, О́zbekstan jáne Monǵolııa avtokólikteriniń barlyq túrlerimen jolaýshylar men bagajdy eki jaqty tasymaldaý, onyń ishinde 117 turaqty baǵyt, sondaı-aq tranzıttik jolaýshylar tasymaly toqtatyldy.
